मोठी बातमी, काँग्रेसमध्ये नाराज झालेले सचिन सावंत मुख्यमंत्र्यांच्या भेटीला!

मुंबई, 20 ऑक्टोबर : मुख्य प्रवक्तेपदाच्या निवडीवरून काँग्रेसमध्ये (congress) धुसफूस समोर आली असून सचिन सावंत कमालीचे नाराज झाले आहे. त्यामुळे सावंत यांनी  प्रवक्तेपदाचा (Spokesperson) राजीनामा दिला आहे. त्यानंतर सचिव सावंत (sachin sawant)  यांनी आज मुख्यमंत्री उद्धव ठाकरेंची (cm uddhav thackery) भेट घेतली आहे. या भेटीमुळे राजकीय चर्चांना उधाण आले आहे.

काँग्रेसमध्ये कुठल्या ना कुठल्या कारणावरुन वाद होत असल्याचे समोर आले आहे. आता मुख्य प्रवक्तेपदी अतुल लोंढे यांची निवड करण्यात आली आहे. त्यामुळे सचिन सावंत यांनी जाहीरपणे नाराजी व्यक्त करत प्रवक्तेपदाचा राजीनामा दिला. सचिन सावंत यांनी आता थेट मुख्यमंत्री उद्धव ठाकरे यांची भेट घेतली आहे.

क्रूर! चांदीचे कडे आणि पैंजण चोरण्यासाठी तोडले पाय, गळा कापून केला खून

सचिन सावंत यांनी मुख्यमंत्री उद्धव ठाकरे यांच्या शासकीय  वर्षा बंगल्यावर जाऊन भेट घेतली. मुख्यमंत्र्यांसोबत सावंत यांनी जवळपास 10 मिनिटं चर्चा झाली केली. मात्र, सावंत आणि मुख्यमंत्र्यांमधल्या भेटीचं कारण अद्याप अस्पष्ट आहे.  काँग्रेसच्या नेत्याने नाराजी व्यक्त केल्यानंतर थेट शिवसेनेचे पक्षप्रमुख उद्धव ठाकरे यांची भेट घेतल्यामुळे राजकीय चर्चांना उधाण आले आहे.

विशेष म्हणजे, गेल्या १० वर्षांपासून सावंत हे काँग्रेसचे प्रवक्ते म्हणून काम पाहत होते. वृत्तवाहिन्या आणि सोशल मीडियाच्या माध्यमातून सचिन सावंत यांनी काँग्रेस पक्षाची सडेतोड भूमिका मांडली होती. अनेक मुद्यांवरून त्यांनी भाजपला जशास तसे उत्तर सचिन सावंत यांनी दिले होते. पण, प्रवक्तेपदाची नुकतीच निवड प्रक्रिया पार पडली आहे. नवीन नियुक्तीनुसार मुख्य प्रवक्तेपदी सचिव सावंत यांच्या जागी अतुल लोंढे यांची नियुक्ती करण्यात आली आहे. त्यामुळे गेल्या दहा वर्षांपासून प्रवक्ते राहिलेले सचिन सावंत नाराज झाले आहे. सावंत यांनी तडकाफडकी आपल्या प्रदेश काँग्रेसच्या प्रवक्तेपदाचा राजीनामा दिला.

जान्हवी कपूरनं वडिलांना फोटोग्राफर्ससमोरच खडसावलं! काय कारण होतं, पाहा VIDEO

एवढंच नाहीतर सचिन सावंत यांनी आपल्या ट्वीटर अकाऊंटमधून प्रवक्तेपदाचा उल्लेख सुद्धा काढून टाकला आहे. सावंत यांनी आपली प्रवक्तेपदी निवड केली नसेल तर नवीन पदाची जबाबदारी देण्याची मागणी केली असल्याची माहितीही समोर आली. आज सावंत यांनी मुख्यमंत्री उद्धव ठाकरे यांची भेट घेतली आहे. त्यामुळे येणाऱ्या काळात का निर्णय होतो हे पाहण्याचं ठरणार आहे.