मुख्यमंत्री एकनाथ शिंदेंचं रात्री उशिरा गोव्यात जंगी स्वागत; आमदारांच्या जल्लोषाचा नवा VIDEO

मुंबई 01 जुलै : मागील जवळपास 10 दिवसांपासून राज्यात राजकीय वर्तुळात हालचालींना प्रचंड वेग आला होता. यादरम्यान भरपूर मोठ्या घडामोडी घडल्या. यात ठाकरे सरकार कोसळलं आणि गुरुवारी शिवसेनेच्याच एकनाथ शिंदे यांनी मुख्यमंत्रीपदाची शपथ घेतली. याशिवाय देवेंद्र फडवणीस उपमुख्यमंत्री झाले. या शपथविधीनंतर महाराष्ट्राचे नवनिर्वाचित मुख्यमंत्री एकनाथ शिंदे रात्री उशिरा गोवा इथे पोहोचले (Eknath Shinde Video). '..तेव्हा युती का तोडली?'; शिवसेनेचा फडणवीसांना सवाल, अटल बिहारींच्या त्या वाक्याची करून दिली आठवण एकनाथ शिंदे रात्री उशिरा गोवा येथील ताज हॉटेलमध्ये पोहोचले. यावेळी शिवसेना आणि अपक्ष समर्थक आमदारांच्यावतीने त्यांचं गोव्यात जंगी स्वागत करण्यात आलं. गोव्याचे मुख्यमंत्री प्रमोद सावंत यांनीही पुष्पगुच्छ देऊन त्यांचं अभिनंदन केलं. तर शिवसेनेच्या महिला आमदारांनी त्यांना ओवाळून त्यांचं स्वागत केलं. यावेळी आमदारांनी आपल्या हस्ते पेढा भरवत त्यांचं तोंड गोड केलं.

एकनाथ शिंदे रात्री उशिरा गोवा येथील ताज हॉटेलमध्ये पोहोचले. यावेळी शिवसेना आणि अपक्ष समर्थक आमदारांच्यावतीने त्यांचं गोव्यात जंगी स्वागत करण्यात आलं pic.twitter.com/tlIkYZutrS

— News18Lokmat (@News18lokmat) July 1, 2022

बंडखोर नेत्यांचे प्रमुख एकनाथ शिंदे (Eknath Shinde) गुरुवारी गोव्यातून मुंबईत दाखल झाले. त्यांनी फडणवीसांसोबत राजभवनावर जावून राज्यपाल भगतसिंह कोश्यारी (Governor Bhagat Singh Koshyari) यांची भेट घेतली. त्यानंतर दोघांनी संयुक्त पत्रकार परिषद घेतली. या पत्रकार परिषदेत फडणवीसांनी एकनाथ शिंदे हे महाराष्ट्राचे नवे मुख्यमंत्री असतील, अशी घोषणा केली. या घोषणेनंतर अनेकांना आश्चर्याचा धक्का बसला. कारण ठाकरे सरकार कोसळल्यानंतर देवेंद्र फडणवीस (Devendra Fadnavis) महाराष्ट्राचे मुख्यमंत्री होतील, असा अंदाज बांधला जात होता. पण फडणवीसांनी एकनाथ शिंदे यांच्या नावाची घोषणा केली. दोन तासांमध्ये नेमकं काय झालं? फडणवीस उपमुख्यमंत्री व्हायला कसे तयार झाले, Inside Story एकनाथ शिंदे यांची राज्याचे नवे मुख्यमंत्री म्हणून घोषणा झाल्यानंतर तिकडे गोव्यातील ताज हॉटेलमध्ये थांबलेले शिवसेनेचे इतर बंडखोर नेते यांचा आनंदाचा पारा राहिला नाही. त्यांनी ताज हॉटेलमध्ये प्रचंड जल्लोष केला. शिवसेनेच्या सर्व आमदारांचा आनंद गगनात राहिला नाही. आमदार अक्षरश: टेबलवर चढून नाचत होते. हे सर्व नेते 'नाथांचा नाथ एकनाथ' या गाण्यावर नाचताना दिसले. यानंतर एकनाथ शिंदे गोव्यात पोहोचताच आमदारांनी अतिशय जल्लोषात त्यांचं स्वागत केलं.