MLC Election result : फडणवीसांचा डाव पुन्हा यशस्वी, काँग्रेसची 3 मतं फुटली

मुंबई, 20 जून : राज्यसभा निवडणुकीमध्ये भाजपचे विरोधी पक्षनेते देवेंद्र फडणवीस यांनी अचूक नियोजन करून आपले तिन्ही उमेदवार विजयी करण्याचा चमत्कार करून दाखवला होता. आता 10 व्या दिवशी विधान परिषदेच्या निवडणुकीमध्ये (MLC Election result)  फडणवीसांचा चमत्कार कायम आहे.  फडणवीस यांनी भाजपचे पाचही उमेदवार विजयी करून आणले आहे. त्यामुळे भाजपने पुन्हा एकदा महाविकास आघाडीला धक्का दिला आहे. अवघ्या महाराष्ट्राचे लक्ष लागून असलेल्या विधान परिषद निवडणुकीच्यामतमोजणीला अखेर सुरुवात झाली आहे. काँग्रेसने घेतलेला आक्षेप निवडणूक आयोगाने फेटाळून लावला आहे. त्यानंतर आता प्रत्यक्ष मतमोजणीला सुरुवात झाली. निकाला आता जवळपास स्पष्ट झाला आहे. भाजपचे  उमेदवार प्रवीण दरेकर, श्रीकांत भारतीय, राम शिंदे, उमा खापरे आणि प्रसाद लाड विजयी झाले आहे. पहिल्या फेरीत प्रवीण दरेकर, श्रीकांत भारतीय, राम शिंदे, उमा खापरे विजयी झाले आहे. तर दुसऱ्या फेरीत प्रसाद लाड आणि भाई जगताप यांच्यामध्ये काँटे की टक्कर होती. प्रसाद लाड यांना दुसऱ्या फेरीत दुसऱ्या पसंतीची मतं मिळणार आहे. त्यामुळे त्यांचा विजय सोपा माणला जात आहे. काँग्रेसकडे एकूण 44 उमेदवार होते. पण, त्यांचे 3 उमेदवार फुटले आहे. 44 पैकी 41 मतं काँग्रेसला मिळाली आहेत. काँग्रेसने राज्यसभा निवडणुकीमध्ये आपला उमेदवार विजयी करण्यासाठी सर्व आमदारांची मत दिली होती. आता महाविकास आघाडीने काँग्रेसला खिंडीत गाठून आपले उमेदवार विजयी केले आहे. काय आहे निकाल ? भाजपला पहिल्या पसंतीची 133 मतं मिळाली असून भाजपला 20 मतं अधिकची मिळाल्याचं सांगितलं जात आहे.  राम शिंदे–30 श्रीकांत भारतीय–30 प्रवीण दरेकर–29 उमा खापरे–27 प्रसाद लाड़– 17 राष्ट्रवादीला पहिल्या पसंतीची 55 मतं शिवसेनेला 55 पैकी 52 मतं काँग्रेसला 44 पैकी 42 मतं मत बाद करण्यावरून महाविकास आघाडी आणि भाजप आमनेसामने दरम्यान त्याआधी, विधान परिषदेच्या 10 जागांसाठी मतदान प्रक्रिया पार पडली. 10 जागांसाठी 11 उमेदवार मैदानात असल्यामुळे त्यातच गुप्त मतदान असल्यामुळे कोणत्या पक्षाचा उमेदवार निवडून येणार याची कमाली उत्सुकता शिगेला पोहोचली होती. अखेरीस दोन तासांच्या विलंबानंतर मतमोजणीला सुरुवात झाली. 285 आमदारांची मत वैध ठरली आहे. पण, भाजप आणि राष्ट्रवादीचे नेते आमने सामने आले आहे. भाजपने राष्ट्रवादीचे उमेदवार रामराजे निंबाळकर यांच्या एका मतावर आक्षेप घेतला आहे. त्यानंतर राष्ट्रवादीनेही उमा खापरे यांच्या मतावर आक्षेप घेतला आहे. भाजपा उमेदवार उमा खापरे यांच्या कोट्यातील मत आहे. मतपत्रिकेवर दोन वेळा गिरवण्यात असल्यानं आढळून आलं आहे. त्यामुळे भाजपाचं एक मत बाजूला ठेवण्यात आलं. त्याआधी भाजपचे आमदार आशिष शेलार यांनी राष्ट्रवादीचे उमेदवार रामराजे निंबाळकर यांच्या मतावर आक्षेप घेतला आहे. एका मतावर पेनाने खाडाखोड केली आहे. शेलार यांच्या आक्षेपानंतर निवडणूक आयोगाच्या कर्मचाऱ्यांनी मत बाजूला ठेवले आहे.तिसऱ्या पसंतीच्या मतासाठी हे मत होतं. पण, निवडणूक आयोगाचे अधिकारी अजूनही मतांची छाननी करत आहे. एकूण 25 मतं बाकी आहे. तिसऱ्या पसंतीचे मत असेल तर तिसऱ्या राऊंडमध्ये मोजणी केली जाण्याची प्रक्रिया आहे. परंतु, निवडणूक आयोगाने आता दोन्ही मतं बाजूला ठेवली  आहे. विधान परिषद निवडणुकीचे उमेदवार भाजप १. प्रविण दरेकर २. श्रीकांत भारतीय ३. राम शिंदे ४. उमा खापरे ५.प्रसाद लाड शिवसेना १. सचिन अहिर २. आमशा पाडवी राष्ट्रवादी काँग्रेस १. रामराजे नाईक निंबाळकर २. एकनाथ खडसे काँग्रेस १. चंद्रकांत हंडोरे 2. भाई जगताप

• Follow us on