)
मुंबई, 8 जून : राज्यसभा निवडणुकीसाठी (Rajya Sabha Election) राजकीय वर्तुळात विविध घडामोडी होत असतानाच आता विधानपरिषदेच्या निवडणुकीसंदर्भात (MLC Election 2022) मोठी बातमी आली. विधानपरिषद निवडणुकीसाठी भाजपने आपल्या उमेदवारांची यादी जाहीर (BJP candidates list announced for MLC Election) केली आहे. या यादीत एकूण पाच उमेदवारांची नावे आहेत. भाजपकडून विधानपरिषदेत पंकजा मुंडे (Pankaja Munde) आणि चित्रा वाघ (Chitra Wagh) यांना उमेदवारी दिली जाणार अशी जोरदार चर्चा होती. पण आज भाजपने जाहीर केलेल्या यादीत पंकजा मुंडे आणि चित्रा वाघ यांच्या नावांचा समावेश नाहीये. उमेदवारांच्या यादीत पंकजा मुंडे यांच्या नावाचा समावेश नसल्याने मुंडे समर्थक नाराज झाले आहेत. याच संदर्भात भाजपचे प्रदेशाध्यक्ष चंद्रकांत पाटील यांना विचारले असता त्यांनी यावर आपली प्रतिक्रिया दिली आहे. भाजप उमेदवारांची नावे जाहीर भाजपचे प्रदेशाध्यक्ष चंद्रकांत पाटील यांनी म्हटलं, भाजपचे विधानपरिषद विरोधी पक्षनेते प्रवीण दरकेर, माजी मंत्री राम शिंदे, भाजप महाराष्ट्राचे संघटन सचिव श्रीकांत भारतीय, भाजप महिला मोर्चाच्या अध्यक्षा उमा खापरे, राज्य भाजपचे उपाध्यक्ष प्रसाद लाड अशी नावे केंद्र भाजपने घोषित केले आहेत. या सर्व उमेदवारांची अर्ज आज आम्ही भरणार आहोत. आमच्या पार्टीत आम्ही सर्व जण कोऱ्या पाकीटासारखे असतो. जो पत्ता लिहिल तिकडे जात असतो. राजकीय कार्यकर्त्यांनी आणि त्यांच्या चाहत्यांनी इच्छा व्यक्त करायची असते पण निर्णय शेवटी संघटना करते. लोकसभा, राज्यसभा, विधानसभा, विधानपरिषदेच्या उमेदवारांचा निर्णय केंद्रातून होतो. पंकजा ताईंच्या उमेदवारीसाठी देवेंद्र फडणवीस यांच्यासह आम्ही सर्वांनीच प्रयत्न केले पण केंद्राने काही भविष्यातला विचार केला असेल. वाचा : विधानपरिषदेसाठी शिवसेनेकडून दोन नावं ठरली; सेनेच्या दिग्गज मंत्र्याला मंत्रिमंडळातून डच्चू? चंद्रकांत पाटील यांनी पुढे म्हटलं, पंकजा ताई या ऑलरेडी ऑल इंडिया सेक्रेटरी आहेत. मध्यप्रदेशच्या सहप्रभारी आहेत. उत्तरप्रदेश आणि महाराष्ट्र नंतर मध्यप्रदेश हे मोठं राज्य आहे आणि त्याची जबाबदारी त्यांच्याकडे आहे. जसं आपण पाण्यातून एखादं जहाज अचानक क्रेनने उचललं तर त्यामुळे निर्माण झालेला खड्डा पडतो तो अवघ्या काही सेकंदांत भरला जातो. तशाच प्रकारे नाराजी सुद्धा त्या पाण्यातील खड्ड्याप्रमाणे क्षणभराची असते. इच्छा व्यक्त करणं, अपेक्षा व्यक्त करणं आणि निवड न झाल्याने नाराजी व्यक्त करणं यात काही चुकीचं नाहीये असंही चंद्रकांत पाटील म्हणाले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
