15 जूनपासून शाळा..? एका बाकावर एक विद्यार्थी; शालेय शिक्षण विभागाच्या बैठकीत चर्चा

15 जूनपासून शाळा..? एका बाकावर एक विद्यार्थी; शालेय शिक्षण विभागाच्या बैठकीत चर्चा

कोरोना सारख्या परिस्थितीत शिक्षणाला कोणताही अडथळा येत नाही, हे महाराष्ट्रानं देशाला दाखवून द्यावे, असं मुख्यमंत्री उद्धव ठाकरे यावेळी म्हणाले.

  • Share this:

मुंबई, 31 मे: विद्यार्थ्यांचं शैक्षणिक वर्ष वाया जाऊ नये यासाठी जूनमध्ये कोणत्याही परिस्थितीत आपले शालेय वर्ष सुरू झालेच पाहिजे. आरोग्याची काळजी घेऊन जिथे शाळा सुरू करता येणे शक्य आहे.  तिथे त्या सुरू करणे तसेच जिथे ऑनलाईन शक्य आहे तिथे त्या पद्धतीने का होईना पण शिक्षण सुरू झाले पाहिजे, एका बाकावर एक विद्यार्थी, अशा अनेक मुद्यांवर शालेय शिक्षण विभागाच्या महत्त्वपूर्ण बैठकीत चर्चा झाली.

मुख्यमंत्री उद्धव ठाकरे यांनी रविवारी व्हीसीद्वारे शालेय शिक्षण विभागाची बैठक घेतली. त्यात मंत्री वर्षा गायकवाड, राज्यमंत्री बच्चू कडू आमदार कपिल पाटील, अपर मुख्य सचिव वंदना कृष्णा यांच्यासमवेत रघुनाथ माशेलकर, डॉ अनिल पाटील, अनिरुद्ध जाधव तसेच इतर शिक्षण तज्ज्ञही उपस्थित होते. 

हेही वाचा.. पावसाळ्यात कोरोनाव्हायरसचा धोका अधिक वाढणार; काय आहे तज्ज्ञांचं म्हणणं?

मुलांचे वर्ष वाया जाऊ देणार नाही. शिक्षण हे जीवनावश्यक आहे ते थांबू नये असं मुख्यमंत्र्यानी सांगितलं. कोरोना सारख्या परिस्थितीत शिक्षणाला कोणताही अडथळा येत नाही,  हे महाराष्ट्रानं देशाला दाखवून द्या, असं आवाहन उद्धव ठाकरे यांनी यावेळी केलं. गुगल प्लॅटफॉर्मचा प्रायोगिक स्तरावर वापर करावा. मात्र स्वतंत्रपणे संगणकीय पद्धती विकसित करून ऑनलाईन शिक्षणाची मजबूत यंत्रणा दीर्घ काळासाठी विकसित करावी, असेही मुख्यमंत्री म्हणाले.

10 वर्षांत प्रथमच एखाद्या मुख्यमंत्र्यांनी तब्बल अडीच तीन तास शिक्षण विभागाचे प्रश्न ऐकून घेतले तसेच ते सोडवण्यासाठी आश्वस्त केल्याचे आमदार कपिल पाटील यावेळी म्हणाले. या बैठकीत विना अनुदानित संस्थांमधील शिक्षकांचे प्रश्न, शिक्षकांच्या रिक्त जागा भरणे यावरही चर्चा झाली.

शालेय शिक्षण विभाग बैठक महत्त्वाचे मुद्दे

-जूनपासून शिक्षण सुरू करावे. शाळा च सुरू कराव्यात असे नाही.

-ऑनलाइन , ऑफलाइन अशा सर्व पद्धतीने शक्य आहे त्या प्रमाणे शिक्षण सुरू व्हावे.

-मुलांचे वर्ष वाया जाऊ देणार नाही.

-शिक्षण हे जीवनावश्यक आहे ते थांबू नये

-ज्या शाळा क्वारंटाईन करण्यासाठी ताब्यात घेतल्या होत्या त्यांचे शासन खर्चाने निर्जंतुकीकरण करून देण्यात येईल

-दुर्गम भागांत जिथे कनेक्टिविटी नाही आणि कोरोनाचा प्रादुर्भाव नाही अशा ठिकाणी सोशल डिस्टंसिंगचे नियम पाळून शाळा सुरू कराव्यात

-ज्या ठिकाणी फिजीकल शाळा सुरू करणे अडचणीचे आहे त्या ठिकाणी इतर पर्याय तसेच ऑनलाइन शिक्षण सुरू करावे

-जूनमध्ये कोणत्याही परिस्थितीत आपले शालेय वर्ष सुरू झालेच पाहिजे. आरोग्याची काळजी घेऊन जिथे शाळा सुरू करता येणे शक्य आहे तिथे त्या सुरू करणे तसेच जिथे ऑनलाईन शक्य आहे तिथे त्या पद्धतीने का होईना पण शिक्षण सुरू झाले पाहिजे.

-कोरोना सारख्या परिस्थितीत शिक्षणाला अडथळा येत नाही हे महाराष्टाने देशाला दाखवून द्यावे असे मुख्यमंत्री उद्धव ठाकरे म्हणाले.

- गुगल प्लॅटफॉर्मचा प्रायोगिक स्तरावर वापर करावा मात्र स्वतंत्रपणे संगणकीय पद्धती विकसित करून ऑनलाईन शिक्षणाची मजबूत यंत्रणा दीर्घ काळासाठी विकसित करावी असेही ते म्हणाले

-10 वर्षांत प्रथमच एखाद्या मुख्यमंत्र्यांनी तब्बल अडीच तीन तास शिक्षण विभागाचे प्रश्न ऐकून घेतले तसेच ते सोडविण्यासाठी आश्वस्त केल्याचे आमदार कपिल पाटील यावेळी म्हणाले.

-या बैठकीत विना अनुदानित संस्थांमधील शिक्षकांचे प्रश्न, शिक्षकांच्या रिक्त जागा भरणे यावरही चर्चा झाली.

हेही वाचा... मोठी बातमी! आमदार रवी राणांविरुद्ध गुन्हा दाखल, वाचा काय आहे प्रकरण?

First published: May 31, 2020, 4:05 PM IST
Tags:

ताज्या बातम्या

corona virus btn
corona virus btn
Loading