Tauktae वादळादरम्यान व्हायरल होणारा हा PHOTO आजचाच आहे का?
तौत्के चक्रीवादळ सध्या मुंबईपासून 200 किमी अंतरावर आहे. याच दरम्यान सध्या सोशल मीडियावर एक फोटो व्हायरल झाला आहे. पण हा फोटो आजचाच आहे का?
- News18 Lokmat
- Last Updated :
मुंबई, 16 मे : कोरोनाचं संकट असतानाच आता अरबी समुद्रात घोंघावत असलेल्या तौत्के चक्रीवादळाचं (Tauktae Cyclone) संकट आलं आहे. सध्या हे वादळ कोकण किनारपट्टीला धडकलं असून मुंबईसह, सिंधुदुर्ग, रत्नागिरी येथे धोका वाढताना दिसतो आहे. रत्नागिरी, सिंधुदुर्ग येथे मुसळधार पावसासह वाऱ्याचा वेगही वाढला आहे.
तौत्के चक्रीवादळ सध्या मुंबईपासून 200 किमी अंतरावर आहे. याच दरम्यान सध्या सोशल मीडियावर एक फोटो व्हायरल झाला आहे. हा फोटो वरळी सी-लिंकचा आहे. उज्वल पुरी @ompsyram या फोटोग्राफरने हा फोटो ट्वीटरवर शेअर केला आहे. पावसादरम्यानचाच हा फोटो असल्याचं दिसतंय. काळे ढग, अथांग समुद्र आणि संपूर्ण सी-लिंक असलेला हा फोटो शेअर करण्यात आला आहे. हा फोटो आताचा सध्याच्या वादळाच्या स्थितीतील असल्याचं अनेकांना वाटत असून तो मोठ्या प्रमाणात शेअर केला जात आहे.
(वाचा - कोरोनाबरोबरच चक्रीवादळाशीही संघर्ष; गोव्यात कोविड सेंटरमध्ये घुसलं पावसाचं पाणी, प्रशासनाची धावपळ)
परंतु उज्वल पुरी यांनी हा फोटो जुना असल्याचं त्यांच्या पोस्टमध्ये म्हटलंय. सध्याच्या तौत्के वादळाच्या धोक्याच्या पार्श्वभूमीवर वादळी ढगांचा हा जुना फोटो शेअर करत, त्यांनी Stay Safe Mumbai म्हणत फोटो शेअर केला आहे. अनेक सोशल मीडिया युजर्सकडून या फोटोला पसंती मिळत असून हा फोटो मोठ्या प्रमाणात शेअर, रिट्वीट केला जात आहे.Bend it like .... . Storm Clouds on the horizon . Stay Safe Mumbai .#mumbai #clouds #storm #Tauktae #CycloneTauktae #CycloneAlert . *old pic for representative purpose only pic.twitter.com/rpVOs8aNJs
— Ujwal Puri (@ompsyram) May 15, 2021