rajya sabha election : शिवसेनेला शह देण्यासाठी भाजपकडून महाडिक मैदानात, उद्या भरणार अर्ज?

मुंबई, 29 मे : राज्यसभा निवडणुकीसाठी ( rajya sabha election 2022) भाजपकडून अखेर आपले पत्ते उघडण्यात आले आहे. भाजपकडून  माजी रेल्वे मंत्री पियुष गोयल ( Piyush Goyal) आणि डॉ. अनिल बोंडे (anil bonde) यांना राज्यसभेची उमेदवारी देण्यात आली आहे. भाजपकडे तिसऱ्या जागेसाठी उमेदवार देणार अशी चर्चा होती. आता कोल्हापूरमधून धनंजय महाडिक (dhananjay mahadik) उमेदवारी अर्ज दाखल करणार अशी माहिती समोर आली आहे. राज्यसभा निवडणुकीसाठी आता चुरस आणखी वाढली आहे. भाजपने आता संख्याबळ नसतानाही तिसरी जागा लढवण्याचा निर्णय घेतला आहे. भाजपकडून पियूष गोयल आणि अनिल बोंडे यांना उमेदवारी जाहीर झाली आहे. तिसऱ्या जागेसाठी विनोद तावडे, हर्षवर्धन पाटील आणि धनंजय महाडिक यांच्या नावाची चर्चा रंगली होती. पण कोल्हापूरमध्ये शिवसेनेला शह देण्यासाठी धनंजय महाडिक मैदानात उतरले आहे. तिसऱ्या जागेसाठी उद्या धनंजय महाडिकही उमेदवारी अर्ज भरणार आहे, अशी माहिती विश्वसनीय सूत्रांनी न्यूज १८ लोकमतला दिली आहे. ( पनवेलमध्ये भरदिवसा दरोडो, TUV 300 गाडीच्या चालकावर प्राणघातक हल्ला, आणि… ) धनंजय महाडिक यांचे नाव घोषित झाले नसलं तरीही तिसऱ्या जागी महाडिक यांचा अर्ज दाखल करण्याची शक्यता आहे. कोल्हापूरमध्ये शिवसेनेनं जिल्हाध्यक्ष संजय पवार यांना उमेदवारी देणार असल्याची घोषणा करण्यात आली आहे. तर भाजपकडून आता धनंजय महाडिक यांना निवडणुकीच्या आखाड्यात उतरवण्याची शक्यता आहे. भाजपकडे 113 आमदारांचं संख्याबळ आहे. भाजपचे 106 आमदार, रासप 1, जनसुराज्य 1 आणि अपक्ष 5 आमदार अशा एकूण 113 आमदार भाजपकडे आहेत. राज्यसभेच्या एका जागेसाठी ४२ मतांची गरज आहे. भाजपला फक्त 13 मतांची गरज आहे. काय आहे संख्याबळ? सध्या महाविकास आघाडीकडे 169 आमदार आहेत. शिवसेना 55, राष्ट्रवादी 54, काँग्रेस 44, इतर पक्ष 8 आणि अपक्ष 8 असं महाविकास आघाडीकडे संख्याबळ आहे. तर भाजपकडे 113 आमदारांचं संख्याबळ आहे. भाजपचे 106 आमदार, रासप 1, जनसुराज्य 1 आणि अपक्ष 5 आमदार अशा एकूण 113 आमदार भाजपकडे आहेत. ( पावसाळ्यात व्हायरल, सर्दी, फ्लू सारखे आजार होतात? आहारात या गोष्टींचा समावेश करा ) राज्यसभेच्या एका जागेसाठी 42 मतांची गरज असते. महाविकास आघाडीकडे 169 आमदार आणि भाजपकडे 113 आमदार आहेत. संख्याबळानुसार शिवसेना, काँग्रेस आणि राष्ट्रवादीचा एक उमेदवार सहज राज्यसभेवर निवडून जाऊ शकतो. तर भाजपचे दोन उमेदवार राज्यसभेवर जाऊ शकतात. तिसरी जागा भाजपनं लढवल्यास फोडाफोडी करावी लागू शकते.

• Follow us on