"देवेंद्र फडणवीस काकांकडून मला हॅप्पी बर्थडेचा फोन करणार असाल तरच बैठकीला जा" भाजप नेत्याच्या चिमुकलीचा हट्ट अखेर पुरवला, VIDEO

मुंबई, 3 डिसेंबर : राज्याचे विरोधी पक्षनेते देवेंद्र फडणवीस (Devendra Fadnavis) हे खूपच सक्रीय असतात. पक्षाच्या बैठका असोत किंवा सोशल मीडिया असो देवेंद्र फडणवीस नेहमीच अॅक्टिव्ह असतात. गुरुवारी कोकण विभागातील भाजपच्या जिल्हा आढावा बैठकीचं आयोजन करण्यात आलं होतं. या बैठकीत देवेंद्र फडणवीस उपस्थित होते आणि या बैठकी दरम्यान एक वेगळंच चित्र सर्वांना पहायला मिळालं. हे चित्र पाहून सर्वांच्याच चेहऱ्यावर हास्य पहायला मिळालं. (Devendra Fadnavis fulfill wish of Dapoli bjp leader daughter watch video) झालं असं की, कोकण विभागातील भाजपची जिल्हा आढावा बैठक आयोजित केली होती. देवेंद्र फडणवीस यांच्या उपस्थितीत ही बैठक होत होती आणि त्यासाठी सर्व पदाधिकाऱ्यांना उपस्थित राहण्यास सांगितले होते. त्यानुसार दापोलीचे उपाध्यक्ष केदार साठे यांनाही बैठकीला निमंत्रित करण्यात आले होते. मात्र, त्याच दिवशी केदार साठे यांच्या चिमुकलीचा वाढदिवस होता. आपल्या वाढदिवसाच्या दिवशी पप्पांनी घराबाहेर न जावं यासाठी त्यांच्या मुलीने एक अटच त्यांच्यापुढे ठेवली. वाचा : 'आम्हाला कुणाच्या प्रमाणपत्राची गरज नाही', नाना पटोलेंचं ममता बॅनर्जींनी सडेतोड उत्तर ...तर बैठकीला जा आपल्या वाढदिवसाला पप्पांनी घरीचं रहावं असं चिमुकलीला वाटत होतं. मात्र, बैठकीला उपस्थितीही आवश्यक होती. प्रचितीचा वाढदिवस असल्याने तिने पप्पांना बैठकीला जाऊ नका असा हट्ट केला. पक्षाची बैठक महत्त्वाची आहे त्यामुळे त्यांनी मुलीची समजूत काढण्याचा प्रयत्न केला. पण प्रचितीने वेगळाच हट्ट केला. यावेळी मुलीनेही त्यांच्यापुढे एक अट ठेवत म्हटलं, "तुम्ही जर देवेंद्र फडणवीस काकांकडून मला हॅप्पी बर्थडेचा फोन करणार असाल तरच बैठकीला जा, नाहीतर जाऊ नका".

पण, आज त्यांच्या मुलीचा,प्रचितीचा वाढदिवस असल्याने तिने बाबांना बैठकीला जाऊ नका, असा हट्ट केला. पक्षाची बैठक महत्त्वाची आहे, त्यामुळे त्यांनी मुलीची समजूत काढण्याचा प्रयत्न केला. पण,प्रचितीनेही वेगळाच हट्ट केला.जर देवेंद्र फडणवीस काका मला शुभेच्छा देणार असतील,तरच मी परवानगी देईन.

— भाजपा महाराष्ट्र (@BJP4Maharashtra) December 2, 2021

वाचा : 'पवारांच्या साथीने ममता दीदी काँग्रेसला बाजू ठेवून सत्तेची मोट बांधतायत', फडणवीसांनी साधला निशाणा मुलीने ठेवलेली ही अट पूर्ण करण्याचं आश्वासन केदार साठे यांनी दिले आणि ते बैठकीला निघाले. बैठक पार पडल्यावर केदार साठे यांनी हा प्रकार देवेंद्र फडणवीस यांना सांगितला. त्यानंतर देवेंद्र फडणवीस यांनीही केदार साठे यांच्या मुलीचा हट्ट पुरवण्याचा निर्णय घेतला आणि तिला थेट व्हिडीओ कॉल केला. हॅप्पी बर्थडे असं देवेंद्र फडणवीसांनी म्हटलं त्यावर केदार यांच्या मुलीने थँक्यू म्हटलं. तसेच माजी उद्यापासून शाळा सुरू होत आहे. मी शाळेत जाणार आहे. शाळा सुरू व्हायला हवी असे मला वाटतं. यावर देवेंद्र फडणवीस यांनी तिला गुड गर्ल असं म्हटलं. यावेळी केदार यांच्या मुलीने देवेंद्र फडणवीस यांना गुलाबजाम खाण्याचं आमंत्रण ही दिलं.