Post Office च्या 'या' योजनेत पैसे गुंतवून दरमहा मिळवा रिटर्न! अल्पवयीन मुलांच्या नावेही उघडता येते खाते

मुंबई, 20 जानेवारी : वाढत्या महागाईच्या काळात जर तुम्ही अशा ठिकाणी गुंतवणूक करण्याचा विचार करत असाल जिथे तुम्हाला चांगला परतावा मिळेल आणि मासिक उत्पन्न मिळत राहिल, तर पोस्ट ऑफिसचे राष्ट्रीय बचत मासिक उत्पन्न खाते (National Savings (Monthly Income Account) Scheme) तुमच्यासाठी योग्य पर्याय आहे. यामध्ये तुम्हाला वार्षिक 6.6% व्याज दिले जात आहे. याबद्दल सविस्तर माहिती घेऊयात. किती पैशांनी खाते उघडता येईल? या योजनेअंतर्गत किमान 1000 रुपयांमध्ये खाते उघडता येते. तुमचे एकच खाते असल्यास तुम्ही कमाल 4.5 लाख रुपये जमा करू शकता. दुसरीकडे जर तुमचे संयुक्त खाते असेल तर त्यामध्ये जास्तीत जास्त 9 लाख रुपये जमा केले जाऊ शकतात. विशेष म्हणजे योजना पूर्ण झाल्यानंतर तुम्हाला तुमचे संपूर्ण पैसे परत मिळतील. मॅच्युरिटी कालावधी किती आहे? या योजनेचा मॅच्युरिटी कालावधी 5 वर्षे आहे. 5 वर्षांनंतर तुम्ही तुमचे पैसे त्यात पुन्हा गुंतवू शकता. म्हणजेच योजना पूर्ण झाल्यावर तुम्हाला तुमचे संपूर्ण जमा भांडवल मिळते, जे तुम्ही या योजनेत पुन्हा गुंतवू शकता आणि मासिक उत्पन्न मिळवू शकता. परतावा कसा मिळतो? या योजनेत 6.6% वार्षिक व्याज मिळत आहे. दरवर्षी मिळणारे व्याज 12 महिन्यांत विभागले जाते आणि तुम्हाला ती रक्कम दरमहा मिळते. जर तुम्ही मासिक पैसे काढले नाहीत, तर ते तुमच्या पोस्ट ऑफिस बचत खात्यात राहतील आणि हे पैसे मूळ रकमेसह जोडल्यास तुम्हाला आणखी व्याज मिळेल. 2 रुपयांचा शेअर 178 रुपयांवर, 1 लाखाचे झाले 73 लाख; तुमच्याकडे आहे का हा स्टॉक? मुदतपूर्तीपूर्वी पैसे काढू शकतो का? मुदतपूर्तीपूर्वी पैसे काढण्याची गरज असल्यास, खात्याचे 1 वर्ष पूर्ण झाल्यानंतर ही सुविधा उपलब्ध आहे. जर खाते 1 वर्ष ते 3 वर्षांसाठी जुने असेल तर त्यात जमा केलेल्या रकमेतून 2% वजा केल्यावर तुम्हाला उर्वरित रक्कम परत मिळते. खाते 3 वर्षांपेक्षा जुने असल्यास, 1% वजा केल्यावर शिल्लक रक्कम परत केली जाते. तुम्हाला किती परतावा मिळेल? या योजनेंतर्गत तुम्ही 4.5 लाख रुपये गुंतवल्यास आता तुम्हाला वार्षिक 29700 रुपये म्हणजेच 2475 रुपये प्रति महिना वार्षिक 6.6% व्याजदराने व्याज मिळेल. दुसरीकडे, जर तुम्ही यामध्ये संयुक्त खात्यात 9 लाखांची गुंतवणूक केली तर तुम्हाला वार्षिक 59,400 रुपये म्हणजेच 4950 रुपये प्रति महिना व्याज मिळेल. Pension नियमात मोठा बदल, आता या तारखेला मिळणार निवृत्ती वेतन; वाचा सविस्तर खाते कोण उघडू शकते? हे खाते अल्पवयीन व्यक्तीच्या नावाने उघडता येते आणि 3 प्रौढांच्या नावानेही संयुक्त खाते उघडता येते. पालकाच्या देखरेखीखाली 10 वर्षांपेक्षा जास्त वयाच्या अल्पवयीन व्यक्तीच्या नावावरही खाते उघडता येते. खाते कसे उघडायचे? यासाठी सर्वप्रथम तुम्हाला पोस्ट ऑफिसमध्ये बचत खाते उघडावे लागेल. यानंतर पोस्ट ऑफिसमधून राष्ट्रीय बचत मासिक उत्पन्न खात्यासाठी एक फॉर्म भरावा लागेल. फॉर्मसह खाते उघडण्यासाठी निर्दिष्ट केलेल्या रकमेसाठी रोख जमा करा किंवा चेक करा. त्यानंतर तुमचे खाते उघडले जाईल.