'शेतकऱ्यांचं उत्पन्न 2022 पर्यंत दुप्पट करू', शेतकरी आंदोलनादरम्यान मोदी सरकारमधील मंत्र्यांचं आश्वासन

नवी दिल्ली, 25 डिसेंबर: नव्या कृषी कायद्यांविरोधात (New Agriculture laws) देशभरातील विविध शेतकरी संघटना एकवटल्या आहेत, शेतकऱ्यांचं आंदोलन अद्याप सुरू आहे. हे तीनही कायदे रद्द करण्याची शेतऱ्यांची मुख्य मागणी आहे. तर कायदे रद्द होणार नाहीत अशीच सरकाची भूमिका आहे. दरम्यान केंद्रीय मंत्री अनुराग ठाकुर (Union Minister Anurag Thakur) यांनी यांसदर्भात एक महत्त्वाची प्रक्रिया दिली आहे. ठाकुर यांच्या मते, 'अनेक शेतकऱ्यांनी नवीन कृषी कायद्यांबाबत पंतप्रधान नरेंद्र मोदी यांना धन्यवाद दिले आहे. आम्ही 2022 पर्यंत शेतकऱ्यांचे उत्पन्न दुप्पट करू. सरकार त्या शेतकऱ्यांच्या शंकांबाबत बातचीत करण्यास तयार आहे, जे या कायद्यांना विरोध करत आहे. बातचीत केल्यानंतरच यावर उपाय निघू शकतो'.

Many farmers have thanked PM Modi for the new agriculture laws. We will double farmers' income by 2022. The government is ready to talk and clear doubts of the farmers who are protesting. A solution can be found only through dialogue: Union Minister Anurag Thakur pic.twitter.com/kmsVrAxk5J

— ANI (@ANI) December 25, 2020

केंद्र सरकारने गुरुवारी आंदोलनातील शेतकरी संघटनांना रखडलेली चर्चा पुन्हा सुरू करण्यासाठी निमंत्रण धाडले आहे. तसंच तीन नवीन कृषी कायद्यांबाबत असणाऱ्या विरोध संपवण्यासाठी त्यांच्या सोयीने चर्चेसाठी तारीख निवडायला सांगितले आहे. शुक्रवारी मनी ट्रान्सफर इव्हेंट दरम्यान पंतप्रधान नरेंद्र मोदी शेतकऱ्यांशी संवाद साधणार आहेत.

(हे वाचा-स्वस्त सोनेखरेदीची वर्षातील शेवटची संधी, ऑनलाइन पेमेंटवर अतिरिक्त डिस्काउंट)

पण शेतकरी संघटनांनी असा आरोप केला आहे की, सरकारचे आताचे पत्र हे केवळ शेतकऱ्यांविरोधात असा प्रचार करणे आहे की त्यांना चर्चा करण्यात रस नाही आहे. 40 शेतकरी संघटनांचा सहभाग असणारी 'संयुक्त किसान मोर्चा' शुक्रवारी केंद्राबरोबर बैठक करण्याची शक्यता आहे. दिल्लीच्या सीमाभागात ते गेल्या 27 दिवसांपासून आंदोलन करत आहेत. या बैठकीदरम्यान केंद्राच्या पत्राबाबत चर्चा केली जाण्याची शक्यता आहे.