)
मोहिनी वैष्णव, 4 मे, पुणे: आपला स्वतःचा व्यवसाय असावा करावा असं अनेकांना वाटत असतं. अनेकवेळा आपल्या डोक्यात विचार येतो की, नोकरी सोडून काही तरी स्वतःचा व्यवसाय सुरु करावा. कारण खाद्यपदार्थांच्या स्टॉलवर नेहमीच गर्दी असते. मात्र व्यवसाय करणं सोपं नसतं. यात फायदा असला तरीही प्रचंड मेहनत आणि जोखिम असते. मात्र पुण्यातील एका इंजीनियर तरुणाने हे करुन दाखवलं आहे. नितीन राठोड या सॉफ्टवेअर इंजीनियर तरुणाने चांगल्या पगाराची नोकरी सोडून मिसळ हाऊस उभं केलं आणि ते यशस्वी देखील करुन दाखवलं. एवढंच नाही तर तो फक्त 99 रुपयांना अनलिमिटेड मिसळ उपलब्ध करुन देतोय.
सात्विक मिसळ या मिसळ हाऊसचे ओनर नितीन राठोड हे एक सॉफ्टवेअर इंजीनियर आहेत. मात्र त्यांनी वयाच्या 29 व्या वर्षी ही नोकरी सोडून स्वतःचं काही तरी सुरु करण्याचा विचार केला. नितीन यांनी व्यवसायासाठी खाद्य पदार्थांचा विचार केला कारण त्यांना बालपणापासूनच कुकिंगची आवड होती. त्यांचे आजोबा कुक होते यामुळे त्यांच्याकडून त्यांना हा वारसा मिळाला. अशा वेळी कोणता पदार्थ निवडावा यासाठी त्यांनी प्लानिंग करायला सुरुवात केली. नॉनव्हेज रेस्टॉरंट सुरु करायचा प्लान होता. मात्र घरच्यांचा विरोध असल्याने हा प्लान रद्द करावा लागला. अशा वेळी ऑल टाइम फेव्हरेट मिसळचा विचार त्यांच्या डोक्यात आला आणि त्यांनी आपलं पहिलं हॉटेल पुण्यातील वाकडमध्ये सुरु केलं आणि इथूनच सुरु झाला हा त्यांचा सुंदर प्रवास. 2019 मध्ये या तरुणाने आपला व्यवसाय सुरु केला आणि अवघ्या पाच वर्षांमध्ये त्यांनी आपला व्यवसाय राज्याबाहेर नेलाय. आज पुण्यातील कोथ्रुड, वाकड, सांगवी, आकुर्डी सोबतच कर्नाटकातील विजापुरातही त्यांचं आउटलेट आहे.
Business Ideas : लग्नसराईत करा कार्ड प्रिंटिंग बिझनेस ! कमी खर्चात होईल फायदाच फायदा
फक्त 99 रुपयांत मिळते अनलिमिडेट मिसळ
सात्विक मिसळची खासियत म्हणजे, येथे फक्त 99 रुपयांमध्ये अनलिमिटेड मिसळ खायला मिळते. महत्त्वाचं म्हणजे या मिसळला एक वेगळी चव आहे. एका विशिष्ठ भांड्यामध्ये ही मिसळ सर्व्ह केली जाते. यासोबतच वाफेवर मिसळ गरम केली जाते. यामुळे मिसळीला एक स्मोकी चवही येते. नावाप्रमाणेच अगदी सात्विक अशी ही मिसळ आहे. यामुळेच मिसळ खायला ग्राहकांच्या रांगा लागलेल्या असतात.
+6
फोटो
