SBI अलर्ट! सोशल मीडिया वापरताना सावधान अन्यथा खातं रिकामं होण्याची भीती...

SBI अलर्ट! सोशल मीडिया वापरताना सावधान अन्यथा खातं रिकामं होण्याची भीती...

देशात दररोज बँकिंग फ्रॉड (Banking Fraud) संदर्भातील नवनवीन प्रकरणं समोर येत आहेत. सायबर फ्रॉड (Cyber Fraud) करण्यासाठी भामटे विविध पद्धती वापरत आहेत.

  • Share this:

नवी दिल्ली, 02 डिसेंबर: देशात दररोज बँकिंग फ्रॉड (Banking Fraud) संदर्भातील नवनवीन प्रकरणं समोर येत आहेत. सायबर फ्रॉड (Cyber Fraud) करण्यासाठी भामटे विविध पद्धती वापरत आहेत. दरम्यान याबाबत देशातील सर्वात मोठी बँक असणाऱ्या एसबीआयने (State Bank of India) त्यांच्या ग्राहकांना वेळोवेळी अलर्ट पाठवला आहे. SBI ने ग्राहकांना सावधानता बाळगण्याचे आवाहन केले आहे. अलीकडेच स्टेट बँक ऑफ इंडियाने पुन्हा एकदा ट्वीट करून ग्राहकांना सतर्क राहण्याचा इशारा दिला आहे.

एसबीआयने त्यांच्या ट्वीटमध्ये असं म्हटलं आहे की, 'सोशल मीडियावर सतर्क राहण्याबाबत SBI ग्राहकांना विनंती आणि कोणत्याही बनावट तसंच भ्रामक मेसेजेसना बळी पडू नका.'  SBI ने त्यांच्या अधिकृत ट्विटर हँडलवरून हे ट्वीट केले आहे. त्याचप्रमाणे याआधीही एसबीआयने ग्राहकांना बनावट मेसेज किंवा मेल्सबाबत सावधान केले आहे. असे कोणतेही मेसेज किंवा मेल्स बँकेकडून पाठवले जात नाहीत, बँकेच्या मेसेजमधील आणि या बनावट मेसेजमधील फरक ग्राहकांनी ओळखणे गरजेचे आहे.

बनावट वेबसाइटबाबतही SBI ने केलं सावधान

याआधी स्टेट बँक ऑफ इंडियाने त्याच्या नावाने सुरू असलेल्या बनावट वेबसाइट बद्दलही अलर्ट केलं होतं. या वेबसाइटवरून येणाऱ्या नोटिफिकेशनबाबत सावधान राहण्यासाठी हा अलर्ट पाठवण्यात आला होता. तसंच या वेबसाइटवर जर तुम्ही तुमचा पासवर्ड सेट केला किंवा खात्यासंबंधीत माहिती पोस्ट केली तर तुमचं खातं रिकामं होण्याची भीती आहे.

(हे वाचा-Gold Rates: आतापर्यंत 7927 रुपयांनी उतरलं सोनं, वाचा काय आहेत नवे दर)

त्याचप्रमाणे काही वेळा थेट फोन करूनही ग्राहकांना लुबाडण्याचा प्रयत्न केला जातो. लक्षात घ्या, बँकेकडून किंवा बँक अधिकाऱ्यांकडून तुमचे बँकिंग डिटेल्स किंवा इतर वैयक्तिक माहिती विचारण्यासाठी फोन केला जात नाही. त्यामुळे अशाप्रकारे फसवणूक करणाऱ्या भामट्यांबरोबर ओटीपी, डेबिट-क्रेडिट कार्ड नंबर, या कार्डांवरील सीव्हीव्ही, तुमचा एटीएम पिन, इंटरनेट बँकिंग पासवर्ड कधीच शेअर करू नका.

बँकिंग सेवांसाठी अधिकृत पोर्टलचा वापर करा

एसबीआयने त्यांच्या ग्राहकांना अशी माहिती दिली आहे की, घरबसल्या विविध बँकिंग सेवा मिळवण्यासाठी बँकेच्या अधिकृत पोर्टलचाच वापर करा. याशिवाय YONO अॅप वापरून देखील तुम्ही विविध  सेवा मिळवू शकता. SBI वेबसाइट किंवा योनो व्यतिरिक्त तुम्ही इतर कोणत्या पोर्टलचा वापर केल्यास तुम्ही फसवणुकीची शिकार होण्याची शक्यता अधिक आहे.

फसवणूक झाल्यास सायबर क्राइम पोर्टलवर दाखल करा तक्रार

तुमची फसवणूक झाल्यास तुम्ही सायबर क्राइम पोर्टलवर तक्रार दाखल करू शकता. तक्रार दाखल करण्यासाठी तुम्हाला राज्याचे नाव लॉगिन आयडी, मोबाइल नंबर आणि OTP टाकावा लागेल. तुम्ही नवीन युजर असल्यास याठिकाणी आधी तुम्हाला नोंदणी करावी लागेल. नोंदणीवेळी मोबाइल क्रमांक

Published by: Janhavi Bhatkar
First published: December 2, 2020, 8:30 AM IST

ताज्या बातम्या