)
मुंबई, 16 फेब्रुवारी : भारतीय शेअर बाजारातील IPO तेजीच्या काळात काही कंपन्या धडा घेत आपल्या योजना पुढे ढकलत आहेत. पेटीएम आणि झोमॅटोचे (Paytm and Zomato) भवितव्य पाहून ओयो हॉटेल्स (Oyo Hotels) आणि दिल्लीवरी (Delhivery) यांनी त्यांच्या आयपीओची तारीख पुढे ढकलली आहे. पेटीएम आणि झोमॅटो त्यांच्या ऑफर किंमतीपेक्षा खूप जास्त प्रीमियमवर लिस्ट झाले होते. इतकेच नव्हे तर दोन्ही शेअर्सनी अल्पावधीतच दीडपट परतावाही गाठला, मात्र नुकत्याच झालेल्या बाजारातील घसरणीमुळे दोन्ही शेअर्सची स्थिती दयनीय झाली. मार्केटमध्ये अशी उलाढाल पाहून, ऑनलाइन हॉटेल बुकिंग स्टार्टअप ओयो आणि लॉजिस्टिक स्टार्टअप दिल्लीव्हरी यांनी त्यांचा आयपीओ काही काळासाठी पुढे ढकलला आहे. Paytm च्या शेअर नीच्चांकी पातळीवर, विजय शेखर शर्मांच्या संपत्तीत मोठी घट Dehlivery चा आयपीओ एप्रिलमध्ये येईल या प्रकरणाशी संबंधित एका अधिकाऱ्याने सांगितले की लॉजिस्टिक स्टार्टअप Delhivery मार्चमध्ये 1 अब्ज डॉलर (7.5 हजार कोटी रुपये) चा IPO लॉन्च करण्याची तयारी करत होते. कंपनी आता आपल्या आयपीओ लिस्टिंग योजनेचे पुनरावलोकन करत आहे आणि एक महिन्याच्या उशीराने म्हणजेच एप्रिलपासून ते बाजारात आणू शकतात. Delhivery मध्ये सॉफ्टबँक आणि कार्लाइल ग्रुपचीही हिस्सेदारी आहे. ओयोसमोर अनेक संकटे, मूल्यांकनावरही प्रश्न ओयोने मागील वर्षी SEBI कडे 1.3 अब्ज डॉलरसाठी IPO ची कागदपत्रे सादर केली होती. मात्र, त्यानंतर कंपनीच्या शेअर्समध्ये मोठी घसरण झाली आणि त्याचे मूल्यांकन आणि मालकीबाबत प्रश्न उपस्थित झाले. Sequoia Capital आणि Soft Bank सारख्या दिग्गज गुंतवणूकदारांनी सजलेली ही कंपनी 5 महिन्यांहून अधिक काळ ग्रीन सिग्नलची वाट पाहत आहे. LIC IPO : तुम्हीही एलआयसी आयपीओची वाट पाहताय? काय असेल इश्यू प्राईज? वाचा डिटेल्स 2022 मध्ये IPO ची खराब कामगिरी ब्लूमबर्गने एका अहवालात म्हटले आहे की 2022 मध्ये भारतीय IPO ची कामगिरी खराब झाली आहे. 2019 मध्ये, IPO ने सुमारे 42 टक्के परतावा दिला, त्यानंतर 2020 मध्ये परतावा 30 टक्क्यांच्या आसपास पोहोचला. 2021 मध्ये 50 टक्क्यांहून अधिक परतावा आला होता, मात्र या वर्षी आतापर्यंत 7.70 टक्क्यांनी घट झाली आहे. पेटीएमचे शेअर्स त्याच्या IPO किमतीपेक्षा 60 टक्क्यांनी कमी व्यवहार करत आहेत.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
