)
मुंबई, 15 फेब्रुवारी : दिग्गज गुंतवणूकदार राकेश झुनझुनवाला (Rakesh Jhunjhunwala) यांनी टाटा समूहाच्या (Tata Group) 2 शेअर्समधून अवघ्या 10 मिनिटांत 186 कोटी रुपये कमावले. वास्तविक, यामुळे टाटा समूहातील टायटन कंपनी (Titan Company) आणि टाटा मोटर्स (Tata Motors) या दोन कंपन्यांच्या शेअर्समध्ये वाढ झाली. इंग्लिश बिझनेस न्यूज वेबसाइट मिंटने ही बातमी दिली आहे. टायटन कंपनीच्या शेअरची किंमत सोमवारी NSE वर 2398 रुपयांवर बंद झाली. मंगळवारी, शेअर 23.95 रुपयांच्या वाढीसह उघडला. त्यानंतर तो 2435 रुपयांवर चढला. अशाप्रकारे, शेअर बाजार सुरू झाल्यानंतर 10 मिनिटांत, सोमवारी त्याच्या बंद पातळीपासून, प्रति शेअर सुमारे 37 रुपयांनी वाढला. राकेश झुनझुनवाला यांची टायटनमध्ये मोठी गुंतवणूक आहे. त्यांच्याकडे या कंपनीत 3,57,20,395 शेअर्स म्हणजेच सुमारे 4.02 टक्के शेअर्स आहेत. याशिवाय त्यांची पत्नी रेखा झुनझुनवाला यांची या कंपनीत 1.07 टक्के भागीदारी आहे. त्यांचा या कंपनीत एकूण 5.09 टक्के हिस्सा आहे. एअर इंडियाचे नवीन CEO इल्कर आयची यांच्याविषयी वाचून व्हाल थक्क! टाटा मोटर्सचा शेअर मंगळवारी 4.70 रुपयांनी वाढून 476.15 रुपयांवर पोहोचला. त्यानंतर तो 476.25 रुपयांवर पोहोचला. अशाप्रकारे, सोमवारच्या 471.45 रुपयांच्या बंद किमतीच्या तुलनेत तो प्रति शेअर 4.80 रुपये वाढला. राकेश झुनझुनवाला यांचा टाटा मोटर्समध्ये 1.18 टक्के हिस्सा आहे. त्यांच्याकडे कंपनीचे 3,92,50,000 शेअर्स आहेत. टायटनच्या शेअर्समध्ये झालेल्या वाढीमुळे मंगळवारी सकाळी राकेश झुनझुनवाला यांच्या संपत्तीत सुमारे 167 कोटी रुपयांची (37 X4,52,50,970) वाढ झाली. त्याचप्रमाणे टाटा मोटर्सच्या शेअर्सच्या वाढीमुळे त्यांची एकूण संपत्ती सुमारे 19 कोटी रुपयांनी वाढली. दोन्ही समभाग एकत्र करून, मंगळवारी सकाळी अवघ्या 10 मिनिटांत त्यांची एकूण संपत्ती 186 कोटी रुपयांनी वाढली. क्रूड ऑइल 7 वर्षांच्या सर्वोच्च स्तरावर, Petrol Diesel दरावर काय परिणाम? शेअर बाजारात अस्थिरतेचे वातावरण आहे. सोमवारी सेन्सेक्स आणि निफ्टीमध्ये मोठी घसरण झाली. बाजारातील घसरण अशा वेळी आली जेव्हा LIC IPO सादर करणार आहे. अशा स्थितीत घसरणीचा फटका या मेगा इश्यूला बसू शकतो. जगभरातील शेअर बाजार दबावाखाली असल्याचे तज्ज्ञांचे म्हणणे आहे. विदेशी निधीच्या विक्रीमुळे भारतीय बाजारातील घसरण जास्त आहे. गेल्या काही आठवड्यांपासून भारतीय बाजारात विदेशी फंडांची सातत्याने विक्री होत आहे. त्यामुळे बाजारावर दबाव वाढला आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
