)
नवी दिल्ली, 14 फेब्रुवारी : तुर्की एअरलाइन्सचे (Turkish Airlines) माजी अध्यक्ष इल्कर आयसी (Ilker Ayci) यांची एअर इंडियाचे Air India नवीन एमडी आणि सीईओ म्हणून नियुक्ती करण्यात आली आहे. टाटा सन्सने (Tata Sons) एअर इंडियाची जबाबदारी स्वीकारल्यानंतर ही नियुक्ती केली आहे. कंपनीच्या संचालक मंडळाच्या सोमवारी झालेल्या बैठकीत हा निर्णय घेण्यात आला. टाटा सन्सचे चेअरमन एन चंद्रशेखरन (N Chandrasekaran) हे देखील विशेष निमंत्रित म्हणून बैठकीला उपस्थित होते. या नियुक्तीला नियामक मान्यता मिळणे बाकी असल्याचे कंपनीने म्हटले आहे. कोण आहे इल्कर आयची आयची हे तुर्की एअरलाइन्सचे (Turkish Airlines) अध्यक्ष आणि बोर्ड सदस्य आहेत. इस्तंबूलमध्ये 1971 मध्ये जन्मलेले, आयची हे बिल्केंट विद्यापीठाच्या राजकीय प्रशासन विभागाचे माजी विद्यार्थी आहेत. त्यांनी 1997 मध्ये इस्तंबूलमधील मारमारा विद्यापीठातून (Marmara University) आंतरराष्ट्रीय संबंधांमध्ये पदव्युत्तर अभ्यासक्रम पूर्ण केला.
Air India New CEO: Ilker Ayci यांची एअर इंडियाच्या CEO आणि MD पदी नियुक्ती
आयची 1 एप्रिलपासून कार्यभार स्वीकारणार आयची (Ilker Ayci) 1 एप्रिलपासून एअर इंडियाचे नवीन CEO आणि MD म्हणून पदभार स्वीकारतील. आयची यांनी एअर इंडियाला ‘आयकॉनिक एअरलाइन’ (Iconic Airline) म्हटले आहे. आयची यांच्या मते, टाटा समूहात सामील होणे आणि विमान कंपनीचे नेतृत्व करणे ही त्यांच्यासाठी सन्मानाची बाब असेल. आयची म्हणाले, “एअर इंडियामधील माझ्या सहकाऱ्यांसोबत आणि टाटा समूहाच्या सर्वोच्च नेतृत्वाशी जवळून काम करत आहे. आम्ही एअर इंडियाचा वारसा जपून तिला जगातील सर्वोत्तम विमान कंपनी बनवू. प्रवाशाचा अनुभव चित्तथरारक आणि अनोखा असेल, जे भारताचे आदरातिथ्य दर्शवेल.” टाटा सन्सच्या अध्यक्षांनी सांगितली खास गोष्ट एन चंद्रशेखरन म्हणाले, “इल्कर (आयची) हे विमान वाहतूक उद्योगाचे लीडर आहेत, ज्यांनी त्यांच्या कार्यकाळात तुर्की एअरलाइन्सला सध्याच्या यशापर्यंत नेले आहे. टाटा समूहामध्ये इल्करचे स्वागत करताना आम्हाला आनंद होत आहे, जेथे ते एअर इंडियाला एका नवीन युगात नेतील. एअर इंडिया आता टाटा सन्सच्या ताब्यात टाटा समूहाने 27 जानेवारी रोजी एअरलाइन्सची कमान हाती घेतली. दीपम सचिवांनी जाहीर केले होते की Talace हे एअर इंडियाचे नवीन मालक असतील आणि 2,700 कोटी रुपयांची संपूर्ण रक्कम सरकारला प्राप्त झाली होईल.
+6
फोटो
