)
मुंबई, 8 सप्टेंबर : जर तुम्ही रेल्वेने प्रवास करत असाल आणि रिझर्व्हेशन काउंटरवरून तिकीट खरेदी केले असेल. पण चुकून प्रवासादरम्यान तिकीट सोबत न्यायला विसरले तर तो प्रवास वैध ठरेल की नाही. याबाबत नेहमीच संशय व संभ्रमाचे वातावरण असते. याबद्दल जाणून घेणे आपल्यासाठी अधिक चांगले होईल. जर तुमच्याकडे ही माहिती नसेल, तर तुमचा आरामदायी रेल्वे प्रवास त्रासदायक ठरू शकतो. डिजिटल इंडियाकडे वेगाने वाटचाल करणाऱ्या भारतीय रेल्वेने प्रवाशांच्या सोयीसाठी ऑफलाइन तसेच ऑनलाइन सुविधा उपलब्ध करून दिल्या आहेत. परंतु या दोन प्रकरणांमध्ये प्रवासादरम्यान मोठा फरक आहे, जो प्रवास करण्यापूर्वी जाणून घेणे अत्यंत आवश्यक आहे. अन्यथा तुमच्या खिशाला दुहेरी फटका बसेल, तर दुसरीकडे रेल्वेच्या नियमानुसार काही नव्या त्रासालाही सामोरे जावे लागू शकते. माहितीनुसार, जर तुम्ही तुमच्या निश्चित स्थानापर्यंत ट्रेनने प्रवास करण्यासाठी खिडकीचे तिकीट घेतले असेल, मग ते जनरल कोट्याचे असो किंवा तत्काळ तिकीट. यासाठी प्रवासादरम्यान ते सोबत ठेवणे आवश्यक आहे. रेल्वे प्रवासादरम्यान ती सोबत असेल तेव्हाच विंडो तिकीट वैध मानले जाईल. मात्र, ऑनलाइन तिकिटांच्या बाबतीत असे होत नाही.
Aadhar Card: आधारकार्डचे विविध प्रकार आहेत उपलब्ध, जाणून घ्या त्याचे फीचर्स आणि फायदे
ऑनलाइन तिकीट बुकिंगद्वारे प्रवास करण्याचे नियम यापेक्षा काहीसे वेगळे आहेत. ज्यामध्ये तुमच्याकडे तिकीट नसले तरीही आणि तुमच्या मोबाईलमध्ये IRCTC ने पाठवलेला कोच आणि बर्थचा मेसेज असेल किंवा तुमच्याकडे तिकीटाची सॉफ्ट कॉपी असेल, तरीही तुम्ही TTE ला दाखवून प्रवास करू शकता. पण काउंटरचे तिकीट सोबत न नेणे किंवा काही कारणाने ते विसरणे तुम्हाला अडचणीत आणू शकते. ट्रेन सुटल्यानंतर अर्ध्या तासानंतर कॅन्सलेशन मिळू शकते रेल्वे अधिकाऱ्यांचे म्हणणे आहे की भारतीय रेल्वेच्या नियमांमध्ये काउंटर तिकीट सोबत ठेवणे आवश्यक आहे जेणेकरून ट्रेन सुटल्यानंतर अर्ध्या तासानंतरही ती रद्द केली जाऊ शकते. ज्या प्रवाशाकडे हे तिकीट नाही आणि त्याला सॉफ्ट कॉपी किंवा आयआरसीटीसी मेसेजच्या आधारे प्रवास करण्याची परवानगी दिल्यानेही रेल्वेला महसूलाचे नुकसान होऊ शकते. कारण ट्रेन सुटल्यानंतर अर्ध्या तासानंतर विंडो तिकिटाचा क्लेम केला जाऊ शकतो आणि प्रवाशी त्यावरून प्रवास करतील अशी शक्यता आहे. पर्सनल लोनचे तोटे समजून घ्या; विचारपूर्वक लोन घ्या अन्यथा पश्चाताप करावा लागू शकतो काउंटरवरून तिकीट खरेदी केल्यानंतर फोटो कॉपी किंवा मोबाईल डिटेल्स किंवा मेसेजच्या आधारे प्रवास करता येणार नाही, असेही रेल्वे बोर्डाचे अधिकारी स्पष्ट करतात. प्रवासादरम्यान ते तिकीट सोबत ठेवणे बंधनकारक आहे. 2012 च्या नियमांनुसार, ट्रेनच्या सीट किंवा बर्थ आणि कोच क्रमांकाबाबत मोबाईल फोनवर पाठवलेला संदेश प्रवाशाने IRCTC वेबसाइट किंवा मोबाईल फोन अॅपला भेट दिली असेल तरच वैध तिकीट म्हणून स्वीकारले जाते. हे सर्व नियम विंडो तिकिटांमध्ये वैध मानले जात नाहीत. 2009 मध्ये तत्कालीन रेल्वे मंत्री ममता बॅनर्जी यांच्या कार्यकाळात ई-तिकीटची प्रिंट काढण्याचे बंधनही रद्द करण्यात आले होते, त्यानंतर एसएमएसची वैधता स्वीकारली जाऊ शकते.
+6
फोटो
