)
नवी दिल्ली, 16 मार्च : सरकारी तेल कंपन्यांनी बुधवारी पेट्रोल-डिझेलचे नवे दर (Petrol Diesel Price Today) जारी केले आहेत. आजही मुंबई-दिल्लीसारख्या देशातील चार शहरांत कोणतेही बदल झालेले नाहीत. परंतु लहान शहरांत इंधन दरात बदल झाले आहेत. तेल कंपन्यांनी आज लखनऊ, जयपूर, पटनासारख्या शहरांत इंधन दरात बदल केले आहेत. लखनऊ, गुरुग्राम आणि जयपूरमध्ये पेट्रोल महागलं आहे. तर पटनामध्ये पेट्रोल दर स्वस्त झाला आहे. तेल कंपन्यांनी मागील चार महिन्यांपासून मुंबई-दिल्ली-चेन्नई, कोलकातासारख्या शहरात पेट्रोल-डिझेल दरात बदल केलेले नाहीत. दरात कोणतीही वाढ करण्यात आली नसली, तरी मुंबईत आधीच पेट्रोल सर्वाधिक महाग 110 रुपये आहे. दर वाढत नसला तरी आधीच वाढलेल्या दराने सर्वसामान्यांना मोठ्या किमतीत पेट्रोल घ्यावं लागत आहे. पाच राज्यातील निवडणुका संपल्यानंतर आता अनेक महिन्यांपासून पेट्रोल आणि डिझेलच्या दरात वाढ होण्याची वाट पाहणाऱ्या कंपन्या येत्या काही दिवसांत प्रतिलीटर 6 रुपयांनी दर वाढवू (Petrol Diesel Price Hike) शकतात, असा अंदाज आहे.
हे वाचा - Gold Investment: ‘सोन्याचे दिवस’… अनिश्चिततेच्या काळात सोनं कसं ठरतं फायदेशीर?
असा तपासा तुमच्या शहरातील आजचा लेटेस्ट दर पेट्रोल-डिझेल दर तुम्ही SMS द्वारेही (How to check Diesel Petrol Price Daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल.
| पुणे | 109.45 रुपये | 92.25 रुपये |
|---|---|---|
| मुंबई | 109.98 रुपये | 94.14 रुपये |
| नाशिक | 109.49 रुपये | 92.29 रुपये |
| नागपूर | 109.71 रुपये | 92.53 रुपये |
| अहमदनगर | 110.15 रुपये | 92.92 रुपये |
| औरंगाबाद | 110.38 रुपये | 93.14 रुपये |
| रत्नागिरी | 110.97 रुपये | 93.68 रुपये |
| रायगड | 109.48 रुपये | 92.25 रुपये |
| परभणी | 112.49 रुपये | 95.17 रुपये |
| पालघर | 109.75 रुपये | 92.51 रुपये |
| सांगली | 110.03 रुपये | 92.83 रुपये |
| कोल्हापूर | 110.09 रुपये | 92.89 रुपये |
हे वाचा - Paytm शेअरबाबत गुंतवणूकदारांनी विचारही केला नसेल, तज्ज्ञांचे अंदाज खरे ठरतायेत?
देशातील तीन ऑईल मार्केटिंग कंपन्या HPCL, BPCL आणि IOCL रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते.
+6
फोटो
