झटका! अवघ्या 12 दिवसात तब्बल 2 रुपयांनी महागलं इंधन, अनेक शहरात पेट्रोलचे दर 105 रुपयांपेक्षा जास्त

नवी दिल्ली, 12 जून: गेल्या काही दिवसांपासून पेट्रोल-डिझेलच्या (Petrol-Diesel Price Today) किंमतीत भरमसाठ वाढ होत आहे.  गेल्या काही दिवसांपासून वाढणारे पेट्रोल-डिझेलचे दर सामान्यांसाठी डोकेदुखी ठरत आहे. केवळ जून महिन्यात पेट्रोलचे दर जवळपास 2 रुपयांनी वाढले आहेत. या वाढीनंतर देशातील अनेक शहरात पेट्रोलचे 105 रुपये प्रति लीटरच्या जवळपास पोहोचले आहेत. मुंबईमध्ये आज पेट्रोलचे दर 102.30 रुपये तर डिझेलचे दर 94.98 रुपये प्रति लीटर आहेत. 12 दिवसात झाली एवढी वाढ देशभरात पेट्रोल-डिझेलच्या किंमतीत वाढ होत आहे. जूनमध्ये केवळ 12 दिवसात पेट्रोलचे दर 1.63 रुपयांनी वधारले आहेत. तर डिझेलचे दर देखील 1.60 रुपये प्रति लीटरने वाढले आहे. रोज अपडेट होतात इंधनाचे दर दररोज सकाळी 6 वाजता पेट्रोल आणि डिझेलच्या किंमती बदलतात. नवीन दर सकाळी 6 वाजल्यापासून लागू होतात. पेट्रोल आणि डिझेलच्या किंमतीत अबकारी शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते. परदेशी चलनांच्या आधारावर आंतरराष्ट्रीय मार्केटमध्ये कच्च्या तेलाच्या किंमती काय आहेत, या आधारावर रोज पेट्रोल आणि डिझेलच्या दरात बदल होत असतात. हे वाचा- दिलासा! ESICची महत्त्वाची स्कीम, कोविडमुळे मृत्यू झाल्यास कुटुंबाला मिळेल पगार देशातील महत्वाच्या शहरातील इंधनाचे दर (Petrol-Diesel Price Today) » दिल्ली - 96.12 रुपये प्रति लीटर आणि डिझेल 86.98 रुपये प्रति लीटर » मुंबई - 102.30 रुपये प्रति लीटर आणि डिझेल 94.39 रुपये प्रति लीटर » कोलकाता - 96.06 रुपये प्रति लीटर आणि डिझेल 89.83 रुपये प्रति लीटर » चेन्‍नई - 97.43 रुपये प्रति लीटर आणि डिझेल 91.64 रुपये प्रति लीटर » बेंगळुरु - 99.33 रुपये प्रति लीटर आणि डिझेल 92.21 रुपये प्रति लीटर » नोएडा - 93.46 रुपये प्रति लीटर आणि डिझेल 87.46 रुपये प्रति लीटर » जयपूर - 102.73 रुपये प्रति लीटर आणि डिझेल 95.92 रुपये प्रति लीटर हे वाचा- नोकरदारांसाठी मोदी सरकारचं गिफ्ट, जुलै महिन्यात PF खात्यात येतील एवढे अधिक पैसे » भोपाल - 104.29 रुपये प्रति लीटर आणि डिझेल 95.60 रुपये प्रति लीटर » श्रीगंगा नगर - 107.22 रुपये प्रति लीटर आणि डिझेल 100.05 रुपये प्रति लीटर » रीवा - 106.51 रुपये प्रति लीटर आणि डिझेल 97.65 रुपये प्रति लीटर अशाप्रकारे तपासा पेट्रोल-डिझेलचे नवे दर पेट्रोल आणि डिझेलचे नवे दर तुम्ही एसएमएस (SMS)च्या माध्यमातून जाणून घेऊ शकता. त्याचप्रमाणे देशातील HPCL, BPCL आणि IOC या तीन तेल विपणन कंपन्या सकाळी 6 नंतर पेट्रोल-डिझेलचे नवीन दर जारी करतात. नवीन दरांसाठी आपण वेबसाइटला भेट देऊन माहिती मिळवू शकता. तसंच आपण मोबाइल फोनवर SMS द्वारे दर तपासू शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. आयओसीएलच्या वेबसाइटवर तुम्हाला हा कोड मिळेल.

• Follow us on