आजोबा आणि वडिलांच्या संपत्तीवर लोन घेता येतं का? काय सांगतो नियम?

मुंबई, 25 मे : वडिलांच्या आणि आजोबांच्या संपत्तीत प्रत्येकाला वाटा मिळतो. पण तुम्ही कधी या संपत्तीवर कर्ज घेण्याचा विचार केलाय का? वारसाहक्क कायद्यानुसार, आजोबा आणि वडिलांच्या मालमत्तेवर हक्क मिळतो, परंतु असा काही कायदा आणि मार्ग आहे का, ज्याच्या मदतीने एखाद्याला त्याच्या वडिलांच्या किंवा आजोबांच्या मालमत्तेच्या बदल्यात बँकेकडून कर्ज मिळू शकेल. या संदर्भात बँकिंग प्रकरणांशी संबंधित कायदेतज्ज्ञ आणि तज्ज्ञांशी झालेल्या संवादात अनेक अनोखी माहिती समोर आली आहे.

वडिलोपार्जित संपत्ती आजोबांच्या नावावर असेल, तर नातू त्याचा हिस्सा असतो. पण या जमिनीवर तो स्वत: कर्ज घेऊ शकत नाही. असे मालमत्तेचे प्रकरण हाताळणारे वकील सुनील पांडे सांगतात. ज्या व्यक्तीच्या नावावर मालमत्ता नोंदणीकृत आहे त्यांनाच मालमत्तेवर कर्ज घेण्याचा अधिकार आहे. मालमत्तेचे विभाजन झालेले नसेल तर सहाजिकच ही मालमत्ता आजोबांच्या नावावरच असेल. अशा स्थितीत या मालमत्तेवर बँकेकडून कर्ज घेण्याचा अधिकार नातवाला मिळत नाही, हे स्पष्ट आहे.

5 वर्षांची FD एक वर्षात मोडली तर काय? पैसे कमी मिळतात का?

मग कर्जाचे मार्ग कोणते

आजोबांच्या नावावर मालमत्ता असली तरी कर्ज मिळण्याचे अनेक मार्ग खुले होऊ शकतात. नातवाची इच्छा असेल तर तो त्याच्या वडिलोपार्जित मालमत्तेच्या नावावर बँकेकडून कर्ज घेऊ शकतो, जरी ती मालमत्ता आजही आजोबा किंवा वडिलांच्या नावावर असली तरीही. बँकिंग प्रकरणातील तज्ञ आणि HDFC बँकेतील कर्ज विभागाचे काम पाहणारे राजीव मिश्रा म्हणतात की तुमच्या वडिलोपार्जित मालमत्तेवर कर्ज घेण्याचे 3 मार्ग आहेत.

1. संपत्तीच्या मालकाला गारंटर बनवा

एखाद्या व्यक्तीला आजोबांच्या नावावर असलेल्या मालमत्तेवर कर्ज घ्यायचे असेल तर त्याला कर्जासाठी आजोबांना गारंटर बनवावे लागेल. म्हणजे आजोबांच्या वतीने बँकेला लेखी प्रतिज्ञापत्र दिले जाईल, ज्यामध्ये कर्जाची पूर्ण हमी घेतली जाईल. या प्रतिज्ञापत्रात स्पष्टपणे नमूद केले आहे की, जर कोणत्याही कारणास्तव तुम्ही कर्जाची परतफेड करू शकत नसाल, तर त्याच्या रकमेच्या बदल्यात तेवढ्याच रकमेची मालमत्ता विकून वसुली करता येईल.

जास्त होम लोन घ्यायचंय? या पाच पद्धती करतील तुमची मदत

2. संपत्तीच्या मालकाला को-अप्‍लीकेंट बनवा

दुसरा मार्ग म्हणजे, तुम्ही तुमचे आजोबा किंवा वडील, ज्यांच्या नावावर सध्या मालमत्ता आहे, त्यांना तुमच्या कर्जाचा सह-अर्जदार बनवू शकता. सहअर्जदार बनवून कर्ज फेडण्याची जेवढी जबाबदारी तुमची असेल तेवढीच आजोबांची किंवा वडिलांची असेल. अशा परिस्थितीत, बँक सहजपणे कर्जाची रक्कम देऊ शकते, कारण त्यांना कर्जाचे पैसे बुडण्याचा धोका नसतो.

3- गिफ्ट डीडमध्ये मिळणाऱ्या मालमत्ता

वडिलोपार्जित मालमत्तेवर कर्ज घेण्याचा तिसरा मार्ग असा आहे की, सध्या ज्याच्या नावावर ही मालमत्ता आहे, त्याने तुमच्या नावावर गिफ्ट डीड करावी. याचा अर्थ असा की समजा तुमच्या आजोबांच्या नावावर मालमत्ता आहे आणि त्यांचा एकुलता एक मुलगा तुमचे वडील आहे आणि तुम्ही देखील तुमच्या वडिलांचा एकुलता एक मुलगा आहात. तर, अशा परिस्थितीत, तुमचे आजोबा तुमच्या नावावर 50% मालमत्तेसाठी गिफ्ट डीड करू शकतात. यानंतर तुम्ही या गिफ्ट डीडवर बँकेकडून कर्ज घेऊ शकता. पण यानंतरही तुम्हाला दोघांच्याही नावावर कर्जासाठी अर्ज करावा लागेल.