)
मुंबई, 7 सप्टेंबर: हॅवेल्स इंडिया लिमिटेड (HAVELLS India Limited) हा असा शेअर आहे ज्याने गुंतवणूकदारांना मालामाल केलं आहे. गेल्या 2 दशकात त्यांचे गुंतवणूकदार करोडपती बनले आहेत. हॅवेल्स इंडियाचे शेअर्स मंगळवार, 6 सप्टेंबर रोजी नॅशनल स्टॉक एक्सचेंज (NSE) वर 0.03 टक्क्यांनी वाढून 1,380.20 रुपयांवर बंद झाले. तर 23 मार्च 2001 रोजी जेव्हा हॅवेल्स इंडियाच्या शेअर्सने NSE वर प्रथमच ट्रेड करण्यास सुरुवात केली तेव्हा त्याची किंमत फक्त 1.89 रुपये होती. अशाप्रकारे, 2001 पासून आतापर्यंत, या शेअरने आपल्या गुंतवणूकदारांना 72,926.46 टक्के इतका चांगला परतावा दिला आहे. जर एखाद्या गुंतवणूकदाराने 23 मार्च 2001 रोजी हॅवेल्स इंडियाच्या शेअर्समध्ये 1 लाख रुपये गुंतवले असते तर 1 लाख रुपयांचे मूल्य आज 7.29 कोटी रुपये झाले असते. एवढेच नाही तर जर एखाद्या गुंतवणूकदाराने 23 मार्च 2021 रोजी हॅवेल्सच्या शेअरमध्ये फक्त 15 हजार रुपये गुंतवले असते तर आज त्याचे 15 हजार रुपयांचे मूल्य 1 कोटी 9 लाख रुपये झाले असते.
पोस्ट ऑफिसची ही स्कीम तुमचे पैसे करेल डबल, कुठे आणि कशी कराल गुंतवणूक?
हॅवेल्स इंडियाच्या शेअर्ससाठी गेले एक वर्ष फारसे खास राहिले नाही आणि या काळात त्याची किंमत 4.47 टक्क्यांनी घसरली आहे. पण गेल्या 5 वर्षात शेअरने आपल्या गुंतवणूकदारांना 282 टक्के चांगला परतावा दिला आहे. याचा अर्थ असा की जर तुम्ही 5 वर्षांपूर्वी हॅवेल्स इंडियाच्या शेअर्समध्ये 1 लाख रुपये गुंतवले असते तर आज त्या 1 लाख रुपयांचे मूल्य 282 टक्क्यांनी वाढून 3.82 लाख रुपये झाले असते. HAVELLS India Limited च्या नफ्यात चालू आर्थिक वर्षाच्या पहिल्या तिमाहीत 3.47% वाढ झाली आहे. 242.43 कोटी, जे मागील आर्थिक वर्षाच्या याच तिमाहीत 234.3 कोटी रुपये होते. त्याच वेळी, कंपनीचा महसूल मागील आर्थिक वर्षाच्या याच तिमाहीत 2,598.2 कोटींच्या तुलनेत वार्षिक आधारावर 62.8% वाढून 4,230.1 कोटी झाला आहे. टायपिंग मिस्टेक समोर येताच या शेयरमध्ये उसळी; एका दिवसात 20 टक्क्यांची तेजी हॅवेल्स इंडियाचे बाजार भांडवल 86.35 हजार कोटी आहे आणि तो लार्ज-कॅप शेअर आहे. ही एक भारतीय बहुराष्ट्रीय कंपनी आहे जी इलेक्ट्रिक उपकरणे तयार करण्याच्या व्यवसायात गुंतलेली आहे. सुमारे 64 वर्षांपूर्वी 1958 मध्ये सुरू झालेल्या, कंपनीकडे घरगुती उपकरणे, लाईट्स उपकरणे, एलईडी लाइटिंग, पंखे, मॉड्यूलर स्विचेस आणि वायरिंग अॅक्सेसरीज, वॉटर हीटर्स, सर्किट सिक्युरिटी स्विचगियर, केबल्स आणि वायर्ससह घरगुती आणि औद्योगिक वापरासाठी अनेक प्रोडक्ट्स आहेत.
+6
फोटो
