जॉब सोडून पती-पत्नीने लावला चहाचा स्टॉल, आता दुकानासमोर लागतात रांगा!

हरिद्वार, 20 मार्च: भारतातील लोकांना चहा खुप जवळचा वाटतो. चहाशिवाय अनेकांचा दिवसच सुरु होत नाही. चहा म्हणजे जीव की प्राण असं चित्र आपल्याला दिसतं. एखाद्या ठिकाणी अगदी चवदार चहा मिळत असेल तर काय? अशा स्टॉल समोर तर लोकांच्या रांगा पाहायला मिळतात. हरिद्वार, उत्तराखंडमधील शिवालिक नगर चौकाजवळ असलेल्या चहाच्या स्टॉलवर असंच चित्र पाहायला मिळत. लोक सकाळपासून संध्याकाळपर्यंत चहाचे घोट येथे घेताना दिसतात. हा चहाचा स्टॉल कोणी म्हातारा आणि तज्ज्ञ कारागीर चालवत नाही, तर स्वत:च्या पायावर उभं राहावं या विचारातून एका तरुणीने हा चहाचा स्टॉल सुरू केला आहे.

बिहारची रहिवासी निधी आणि तिचा पती रुपेश शिवालिक नगरमधील चिन्मय पदवी महाविद्यालयासमोरील रिकाम्या जागेत चहाचा स्टॉल चालवतात. त्यांच्याकडे चहाचे चार प्रकार आहेत, त्यात मसालेदार स्पेशल चहा, कुल्हड़ चहा, चॉकलेट चहा आणि वेलची चहा आहेत. प्रत्येकाच्या किमती वेगवेगळ्या असतात. आजूबाजूला जाणारे आणि राहणारे लोक या छोट्या चहाच्या स्टॉलवर चहा प्यायला येतात. कधी कधी लोकांना चहासाठीही थांबावे लागते.

'या' टेक्नॉलॉजीने व्हाल मालमाल! मातीचा वापर न करता घराच्या छतावर उभारा बाग

निधीने सांगितले की, ती एका प्रायव्हेट कंपनीत लेबरचे काम करायची. घरी आवश्यक काम असल्याने कंपनीकडून 15 दिवसांची रजा मागितली असता कंपनीने नकार दिला. यानंतर निधीने कंपनी सोडली आणि स्वतःचा चहाचा व्यवसाय सुरू केला. निधीने सांगितले की, तिच्या चहाची चव हरिद्वारमध्ये मिळणाऱ्या इतर चहापेक्षा वेगळी आणि अनोखी आहे. ती कुल्हड़ चहा, वेलची चहा, चॉकलेट चहा आणि मसाला चहा असे चार प्रकारचा चहा बनवते.

आत्ताच करा आधार कार्ड व्हेरिफिकेशन, अन्यथा होईल मोठे नुकसान; ही आहे सिंपल ट्रिक

व्यवसाय सुरु करण्यासाठी तिचे बजेट कमी होते. आणि कमी बजेटमध्ये चहाचे दुकान चालवता येत असल्याने तिने एक छोटा चहाचा स्टॉल लावला आहे. जिथे ती लोकांना दररोज 250 ते 300 कप चहा देते. निधीचा चहा लोकांना आवडण्याचे मुख्य कारण म्हणजे तिने बनवलेला चहा मसाला, जो तिने लोकांच्या खास चवीसाठी बनवला आहे.

निधीच्या स्टॉलवर आलेल्या काही ग्राहकांशी संवाद साधला असता त्यांनी सांगितले की, येथील चहा खूप चांगला आहे. ज्याची चव इतर ठिकाणच्या चहापेक्षा वेगळी आहे. मुंबईत राहणारे ग्राहक मनोज यांनी सांगितले की, त्यांच्या चहाची चव खूपच वेगळी आणि चांगली आहे. त्याचवेळी चहाचा आस्वाद घेण्यासाठी आलेला दुसरा ग्राहक विनय म्हणाला की, हरिद्वारमध्ये इतर लोक चहा बनवतात, पण इथला चहा त्यांच्यापेक्षा वेगळा आणि चांगला आहे. जो इथून चहा पिऊन जातो जातो तो येथे चहा प्यायला नक्कीच येतो. ग्राहक विनयने चहाचे खूप कौतुक केले आणि सांगितले की, ज्याने इथला चहा एकदा पिला त्याला नक्कीच तो आवडेल आणि तो पुन्हा पुन्हा येईल.