Home /News /money /

Fabindia IPO : फॅब इंडिया आणणार आपला IPO, 4000 कोटी उभारण्याचं टार्गेट

Fabindia IPO : फॅब इंडिया आणणार आपला IPO, 4000 कोटी उभारण्याचं टार्गेट

एथनिक वेअर रिटेलर FabIndia डिसेंबरच्या अखेरीस त्याच्या IPO साठी मसुदा दस्तऐवज (Draft documents) दाखल करेल. कंपनीच्या भागधारकांनी शनिवारी झालेल्या सर्वसाधारण सभेत आयपीओ प्रस्तावाला मंजुरी दिली.

    मुंबई, 20 डिंसेबर : पारंपारिक कपडे, होम डेकोर आणि लाइफस्टाइल प्रोडक्ट्सशी संबंधित फॅबइंडिया (Fabindia) ही कंपनीही शेअर बाजारात एन्ट्री करणार आहे. फॅब इंडिया लवकरच आपली इनिशियल पब्लिक ऑफर (IPO) लाँच करणार आहे. या IPO च्या माध्यमातून सुमारे 4000 कोटी रुपये उभारण्याची कंपनीची योजना आहे. मिळालेल्या माहितीनुसार, एथनिक वेअर रिटेलर FabIndia डिसेंबरच्या अखेरीस त्याच्या IPO साठी मसुदा दस्तऐवज (Draft documents) दाखल करेल. कंपनीच्या भागधारकांनी शनिवारी झालेल्या सर्वसाधारण सभेत आयपीओ प्रस्तावाला मंजुरी दिली. 4,000 कोटींचा आयपीओ फॅबइंडियाने आपल्या स्टोअर नेटवर्कचा विस्तार करण्यासाठी आणि ई-कॉमर्स प्लॅटफॉर्म वाढवण्यासाठी नवीन भांडवलात 250 कोटी उभारण्याची योजना आखली आहे..असे सांगितले जात आहे की 60 वर्षे जुन्या कंपनीचे अनेक गुंतवणूकदार त्यांचे स्टेक देखील विकतील, ज्यामुळे IPO चा एकूण आकार 3,800-4,000 कोटी रुपये होईल. त्याचे विद्यमान भागधारक जसे की अझीम प्रेमजी यांची खाजगी इक्विटी फंड प्रेमजी इन्व्हेस्ट त्यांच्या भागभांडवलातील काही भाग विकू शकतात. तुमच्याकडे असलेले PAN Card बनावट तर नाही? दोन मिनिटात असं करा चेक SBI कॅपिटल मार्केट्स, ICICI सिक्युरिटीज आणि JP मॉर्गन यांच्‍या IPO चे व्‍यवस्‍थापन करण्‍यासाठी कंपनी अनेक गुंतवणूक बँकर्सशी बोलणी करत असल्याची चर्चा आहे. Fabindia या महिन्याच्या अखेरीस बाजार नियामक सेबीकडे (SEBI) IPO साठी मसुदा पेपर (Draft paper) सादर करू शकते. कंपनीच्या ग्राहकांची संख्या सातत्याने वाढत आहे आणि कंपनी विस्तारासाठी सज्ज आहे. Fabindia च्या एकूण व्यवसायात ई-कॉमर्स विक्रीचा वाटा 10-15 टक्के आहे. कंपनी यामध्ये आणखी विस्ताराची तयारी करत आहे. शेअर होल्डर्स कोण आहेत? Fabindia च्या विद्यमान गुंतवणूकदारांमध्ये PI Opportunities Fund, Bajaj Holdings and Investment Ltd, Axis New Opportunities, India 2020 Fund II Limited (India 2020 Fund) II Ltd), Kotak India Advantage Fund, Azim Premji's Private equity Fund, Premium Investment Fund व्यतिरिक्त शेतकरी आणि कारागीर यांचा समावेश आहे. Infosys चे सह-संस्थापक नंदन नीलेकणी आणि त्यांची पत्नी रोहिणी नीलेकणी, एक्सेंचर प्रमुख रेखा मेनन आणि इन्फो एजचे संस्थापक संजीव बिखचंदानी रजिस्ट्रार ऑफ कंपनीजकडे फाइलिंग दाखवतात. कंपनीमध्ये प्रमोटर्सचे 49 टक्के हिस्सेदारी आहे. Investment Tips: 29 रुपयांच्या स्टॉकमध्ये कमाईची संधी, तीन महिन्यात 45 टक्क्यांपर्यंत वाढीची शक्यता युनिक बिझनेस मॉडेल फॅबिंडिया हे पारंपरिक कपड्यांसाठी ओळखले जाते. कंपनीने घर आणि जीवनशैली, पर्सनल केअर आणि ऑरगॅनिक फूड यासारख्या नवीन प्रोडक्ट्सच्या श्रेणींमध्ये गेल्या काही वर्षांत प्रवेश केला आहे. Fabindia कडे स्वतःचा कोणताही कारखाना नाही. त्याचे बिझनेस मॉडेल डिझाइनवर केंद्रित आहे. Fabindia 50000 हून अधिक कारागीर, विणकर आणि शिल्पकार आणि 2,200 हून अधिक शेतकरी आणि सुमारे 10,400 सहयोगी यांच्या भागीदारीत काम करत आहे. अनेक कारागीर आणि शेतकरी कुटुंबे पिढ्यानपिढ्या Fabindia सोबत काम करत आहेत.
    Published by:Pravin Wakchoure
    First published:

    Tags: Investment, Money, Share market

    पुढील बातम्या