कर्ज घेणार असाल तर या गोष्टीकडे अजिबात दुर्लक्ष करू नका, त्वरित लोन मिळवण्यासाठी ठरेल फायद्याचे

कर्ज घेणार असाल तर या गोष्टीकडे अजिबात दुर्लक्ष करू नका, त्वरित लोन मिळवण्यासाठी ठरेल फायद्याचे

कोरोनामुळे उद्भवलेल्या आर्थिक संकटातून बाहेर येण्यासाठी आणि आपल्या उद्योग, व्यवसायाला उभारी देण्यासाठी अनेकांना पैशांची गरज आहे. त्या व्यतिरिक्त वैयक्तिक बाबींचा खर्च भागवण्यासाठी कर्जाची (Loan) आवश्यकता आहे.

  • Share this:

नवी दिल्ली, 11 फेब्रुवारी:  कोरोना महामारीमुळे(Corona Pandemic) अर्थिक बाबींवर मोठा परिणाम झाला आहे. अनेक उद्योगांना यामुळे फटका बसला आहे. परंतु, आता कोरोना संसर्गाचा धोका कमी झाला असल्याने अर्थव्यवस्था (Economy) सुधारत असल्याचे दिसून येत आहे. या संकटकाळातून बाहेर येण्यासाठी आणि आपल्या उद्योग, व्यवसायाला उभारी देण्यासाठी अनेकांना पैशांची गरज आहे. त्या व्यतरिक्त वैयक्तिक बाबींचा खर्च भागवण्यासाठी कर्जाची (Loan) आवश्यकता आहे.

कोणत्याही बॅंकेकडून किंवा नॉन फायनान्स कंपनीकडून कर्ज घेण्यासाठी क्रेडिट स्कोअर (Credit Score) हा घटक महत्वाचा असतो. क्रेडिट स्कोअर चांगला असेल तर कर्ज तसेच कर्जाची रक्कम वाढीव मिळण्याची शक्यता वाढते. ज्या व्यक्तीने कर्जसाठी अर्ज केला आहे त्या व्यक्तीला कर्ज देता येऊ शकते का, कर्ज देण्यात जोखीम नाही ना तसेच किती रक्कम कर्ज म्हणून देता येईल, या बाबी क्रेडिट स्कोअरमुळे स्पष्ट होतात.

क्रेडिट स्कोअरमुळे कर्जासाठी अर्ज केलेल्या व्यक्तीची कर्ज परत करण्याची स्थिती कशी आहे, तसेच यापूर्वी कर्ज परतफेड करताना संबंधित व्यक्तीने काही चुका केलेल्या नाहीत ना, याबाबत बॅंका किंवा नॉन फायनन्स कंपन्यांना माहिती मिळते. त्यामुळे कर्जासाठी अर्ज करताना तुम्हाला कोणतीही अडचण येऊ नये, यासाठी क्रेडिट स्कोअरशी संबंधित अधिक माहिती जाणून घ्या

(हे वाचा-राज्यातील आणखी एका सहकारी बँकेवर आर्थिक संकट, पैसे काढण्यावर RBIचे निर्बंध)

क्रेडिट स्कोअर किती असावा?

क्रेडिट स्कोअरमुळे तुम्ही आधी घेतलेल्या कर्जाविषयी माहिती मिळते. जर क्रेडिट स्कोअर चांगला असेल तर तुम्हाला कर्ज मिळू शकते. जर तुम्ही ईएमआय (EMI) वेळच्यावेळी भरत असाल तर तुमचा क्रेडिट स्कोअर चांगला राहतो. क्रेडिट स्कोअर हा सर्वसामान्यतः 300 ते 900 या अंकांदरम्यान असतो. जर कोणत्याही व्यक्तीचा क्रेडिट स्कोअर 750 किंवा त्यापेक्षा अधिक असेल तर त्यास कर्ज अगदी सहजपणे मिळू शकतं. क्रेडिट स्कोअरमध्ये मागील 24 महिन्यांच्या क्रेडिट हिस्ट्रीचा (Crdit History) समावेश असतो.

कर्ज आणि क्रेडिट कार्डमधील बारकावे

जर एखाद्या व्यक्तीचा क्रेडिट स्कोअर चांगला असेल तर त्यास कर्ज मिळवताना फारशा अडचणी येत नाहीत. परंतु, हा क्रेडिट स्कोअर चांगला ठेवण्यासाठी वेळेवर बिलं भरणं आवश्यक आहे. तसेच सातत्याने क्रेडिट स्कोअरचा आढावा घेणं जरुरीचं आहे. त्यासाठी गरजेनुसार को-ब्रांडेड कार्ड घ्यावं. वीजबिलापासून ते विमा प्रिमियमपर्यंतच्या सर्व रकमा वेळच्या वेळी भराव्यात. तसंच गॅरंटी देणाऱ्याच्या कर्ज खात्यावर लक्ष ठेवावे.

क्रेडिट स्कोर कसा ठरवला जातो?

क्रेडिट कार्ड स्कोअर तयार करण्यासाठी काही गोष्टी ध्यानात घेणं आवश्यक आहे. वेळेवर कर्ज परतफेड करण्यासाठी क्रेडिट स्कोअरचा वाटा हा 30 टक्के असतो. सुरक्षित किंवा असुरक्षित कर्जाचा वाटा 25 टक्के असतो. गृहकर्ज (Home Loan), कार लोन (Car Loan) यांसारख्या बाबींचा सुरक्षित कर्जात तर पर्सनल लोन (Personal Loan) सारख्या बाबींचा असुरक्षित कर्जात समावेश होतो. क्रेडिट स्कोअरसाठी क्रेडिट एक्सपोजर 25 टक्के असते. कर्ज वापरासाठी क्रेडिट स्कोअरमध्ये 20 टक्के वाटा असतो.

(हे वाचा- लग्नाचा वाढदिवस साजरा करताना झाले मालामाल, जोडप्याने जिंकला 3.3 कोटींचा जॅकपॉट)

CIBIL रिपोर्ट कसा पहावा?

आपला क्रेडिट स्कोअर किती आणि कसा आहे, हे तपासण्यासाठी www.cibil.com या वेबसाईटवर जाऊन आॅनलाईन अर्ज दाखल करावा. त्यासाठी 550 रुपये शुल्क आकारले जाते. यासाठी एकदा ऑथेंटिकेशन प्रक्रिया पूर्ण करावी लागते. त्यानंतर तुम्हाला CIBIL स्कोअर मिळतो. हा स्कोअर तुम्हाला ई-मेलव्दारेही मिळू शकतो.

CIBIL स्कोअरमध्ये सुधारणा कशी कराल?

चांगल्या क्रेडिट स्कोअरसाठी तुम्हाला काही गोष्टीची विशेष काळजी घ्यावी लागेल. त्यात आपल्या क्रेडिट कार्डची पूर्ण मर्यादा वापरु नका. क्रेडिट कार्डवर जास्त वेळा कर्ज घेऊ नये. कर्जासाठी प्रमाणापेक्षा जास्त अर्ज करु नयेत. होम लोन आणि कार लोनला अधिक महत्व द्यावे. पर्सनल लोन घेण्याचे टाळवे. क्रेडिट कार्ड (Credit Card) बंद होणार नाही याची काळजी घ्यावी. जाॅईंट अकाऊंट असेल तर त्याचा सातत्याने आढावा घ्यावा आणि CIBIL च्या स्कोअरवर लक्ष ठेवावे. या बाबींविषयी पुरेशी काळजी घेतली तर कर्ज मिळवणे अत्यंत सुलभ होते.

Published by: Aiman Desai
First published: February 11, 2021, 5:07 PM IST

ताज्या बातम्या