• Home
  • »
  • News
  • »
  • money
  • »
  • Air India चे खासगीकरण: TATA ने बोली जिंकण्याच्या वृत्ताचे सरकारकडून खंडन

Air India चे खासगीकरण: TATA ने बोली जिंकण्याच्या वृत्ताचे सरकारकडून खंडन

सरकारी कंपनी एअर इंडियाची खरेदी टाटा (Tata Sons wins bid for Air India: Report) करणार असल्याचे वृत्त समोर आले होते. दरम्यान सरकारकडून हे वृत्त फेटाळण्यात आले आहे...

  • Share this:
    नवी दिल्ली, 01 ऑक्टोबर: एअर इंडियासंदर्भात मोठी बातमी (Big Breaking Air India) समोर आली आहे. सरकारी कंपनी एअर इंडियाची खरेदी टाटा (Tata Sons wins bid for Air India: Report) करणार असल्याचे वृत्त समोर आले होते. ब्लूमबर्ग या वृत्तसंस्थेच्या (Bloomberg Report on Air India) अहवालानुसार, पॅनलने एअर इंडियासाठी टाटा समूहाची निवड केल्याची माहिती समोर आली होती. दरम्यान सरकारने मीडिया अहवालात समोर आलेल्या या वृत्ताचे खंडन केले आहे. नागरी उड्डाण मंत्रालय, गुंतवणूक आणि सार्वजनिक मालमत्ता व्यवस्थापन विभाग, नागरी हवाई वाहतूक महासंचालनालयाच्या अधिकाऱ्यांनी टाटा समूहाचे प्रतिनिधी आणि स्पाइसजेटचे अध्यक्ष अजय सिंह यांची भेट घेतल्याचे वृत्त समोर आले होते. ब्लूमबर्गने दिलेल्या माहितीनुसार टाटा सन्स (Tata Sons) ने एअर इंडियावर लावण्यात आलेली बोली जिंकल्याचे समोर आले होते, मात्र पार्टमेंट ऑफ इन्व्हेस्टमेंट अँड पब्लिक अॅसेट मॅनेजमेंट (DIPAM) ने हे वृत्त फेटाळलं आहे. डिसेंबर 2021 पर्यंत एअर इंडियाचा करार पूर्ण करण्याचे सरकारचे उद्दिष्ट आहे. निर्गुंतवणुकीचे लक्ष्य पूर्ण करण्यासाठी सरकारला हा करार लवकरात लवकर पूर्ण करायचा आहे. यासह, सरकार या आर्थिक वर्षात एलआयसीमधील आपला हिस्साही विकू शकते. वाचा-Gold-Silver Rate: महिन्याच्या पहिल्याच दिवशी सोन्यात घसरण, चांदीचीही झळाळी उतरली सरकार का विकतेय एअर इंडिया? 2007 साली सरकारने एअर इंडिया आणि इंडियन एअरलाइन्सचे विलिनीकरण केले होते. या इंधनाचे वाढते दर, खासगी विमान कंपन्यांकडून असणारी तगडी स्पर्धा हे या मर्जरमागील कारण असल्याचे सरकारने म्हटले होते. दरम्यान 2000 ते 2006 या काळात एअर इंडियाला मिळणारा नफा कमीच झाला होता. मात्र मर्जरनंतर आणखी परिस्थिती बिकट झाली. कंपनीच्या डोक्यावरील कर्ज वाढत गेले. 31 मार्च 2019 पर्यंत कंपनीच्या डोक्यावर  60 हजार कोटींपेक्षा जास्त कर्ज होतं. 2020-21 या आर्थिक वर्षासाठी विमान कंपनीला 9 हजार कोटींचा तोटा होऊ शकतो असा अंदाज व्यक्त करण्यात होता वाचा-SEBI चा बाबा रामदेव यांना झटका, रुची सोयाकडे मागितलं स्पष्टीकरण; हे आहे कारण 1932 मध्ये टाटांनी सुरू केली होती एअर इंडिया एअर इंडियाची सुरुवात टाटा समूहाने 1932 मध्ये केली होती. टाटा समूहाचे जेआरडी टाटा (JRD TATA Air India) हे त्याचे संस्थापक होते. ते स्वतः पायलट होते. तेव्हा या कंपनीचे ना टाटा एअर सर्विस असे होते. 1938 पर्यंत कंपनीने देशांतर्गत उड्डाणे सुरू केली होती. दुसऱ्या महायुद्धानंतर ती एक सरकारी कंपनी बनली. स्वातंत्र्यानंतर सरकारने त्यात 49% हिस्सा विकत घेतला.
    Published by:Janhavi Bhatkar
    First published: