बँक ऑफ बडोदामध्ये अकाउंट आहे? मग ही बातमी वाचाच, अन्यथा...

मुंबई, 19 जानेवारी: तुम्ही बँक ऑफ बडोदाचे ग्राहक असाल तर ही बातमी तुमच्यासाठी महत्त्वाची आहे. बँकेने आपल्या ग्राहकांना त्यांची 'नो योर कस्टमर्स' प्रक्रिया लवकरात लवकर पूर्ण करण्यास सांगितले आहे. असे न करणाऱ्या ग्राहकांना अडचणींचा सामना करावा लागू शकतो. त्यांचं बँक अकाउंट देखील निष्क्रिय केलं जाऊ शकतं. यासाठी बँकेने ग्राहकांना माहिती दिली आहे. वाढती फसवणूक लक्षात घेता, रिझर्व्ह बँक ऑफ इंडिया देशातील सर्व बँकांना KYC करून घेण्याचा सल्ला देते.

या तारखेपूर्वी हे काम करा पूर्ण

बँक ऑफ बडोदाने ट्विट केले आहे की, 24 मार्च 2023 पर्यंत सर्व ग्राहकांनी सेंट्रल केवायसी (CKYC) ची प्रक्रिया पूर्ण करणे आवश्यक आहे. बँक आपल्या ग्राहकांना नोटीस देऊन आणि एसएमएसद्वारे याची माहिती देतेय. असे न करणाऱ्या ग्राहकांचं अकाउंट डिअॅक्टिव्हेट केलं जाऊ शकतं. बँकेने सांगितले आहे की, ज्या ग्राहकांना बँकेने नोटीस, एसएमएस किंवा सीकेवायसीसाठी बोलावले आहे, त्यांनी बँकेच्या शाखेत जाऊन त्यांची कागदपत्रे जमा करून प्रक्रिया पूर्ण करावी. 24 मार्चपूर्वी ग्राहकांना हे कामं करणं अनिवार्य आहे.

लग्नासाठी सहज काढता येईल EPFO चा पैसा, फक्त लक्षात ठेवा 'या' अटी

केवायसी करणं का गरजेचं?

CKYC द्वारे, बँका त्यांच्या ग्राहकांचा डेटा डिजिटल फॉर्मेटमध्ये सेव्ह करतात. यापूर्वी, ग्राहकांना प्रत्येक वेळी वेगवेगळ्या कारणांसाठी केवायसी करावे लागत होते. मात्र सेंट्रल केवायसीनंतर ग्राहकांना त्याची वारंवार गरज भासत नाही. यापूर्वी, जीवन विमा खरेदी करणे आणि डीमॅट खाते उघडणे यासारख्या कामांसाठी वेगळे केवायसी करावे लागत होते. मात्र आता सेंट्रल केवायसीनंतर सर्व काम एकाच वेळी सहज पूर्ण करता येऊ शकतात.

ही कागदपत्रे आहेत आवश्यक

केवायसी अपडेट करण्यासाठी ग्राहकांना अॅड्रेस प्रूफ, फोटो, पॅन, आधार क्रमांक आणि मोबाइल क्रमांक द्यावा लागतो. एकदा डॉक्यूमेंट्स अपडेट झाल्यानंतर, आवश्यक असल्यास, बँक ते तुम्ही दिलेल्या डेटाशी जुळवून बघते. ही कागदपत्रे सेम आढळल्यास तुमचे काम झाले आहे. माहिती जुळत नसल्यास, बँक कागदपत्रांची पुन्हा पडताळणी करू शकते. अशा प्रकारे एखाद्याला फ्रॉड करायचं असल्यास हे शक्य होत नाही. वाढत्या ऑनलाइन फसवणुकीचा धोका लक्षात घेता, रिझर्व्ह बँक ऑफ इंडियाने देशातील सर्व बँकांना नियमितपणे KYC अपडेट करण्याचा सल्ला दिला आहे.

होम इन्शुरन्स घेणं फायदेशीर? चोरी झाली तरी कंपनी देते भरपाई? जाणून घ्या सर्व काही