ट्रकला ओव्हरटेक करण्याच्या नादात भरधाव दुचाकी कारला धडकली, एकाचा जागीच मृत्यू

खेड, 23 फेब्रुवरी : समोरील ट्रकला ओव्हरटेक करताना रत्नागिरी जिल्ह्यातल्या खेडमधील मुंबई गोवा महामार्गावर मोरवंडे फाटा नजीक दुचाकी आणि टाटा गाडीमध्ये समोरासमोर ठोकर बसून झालेल्या भीषण अपघातात दुचाकीस्वार जागीच ठार तर एकजण गंभीर जखमी झाला आहे.

हा अपघात दुपारी 1 वाजण्याच्या सुमारास झाला. पोलिसांनी दिलेल्या माहितीनुसार, संभाजी गंगाराम आखाडे (वय 43, राहणार तिसंगी अखाडेवाडी ता.खेड) असे अपघातात मयत झालेल्या इसमाचे नाव आहे. तर त्याच्या पाठीमागे दुचाकीवर बसलेला नरेंद्र किशोर शिरकर (राहणार कळंबट , सुतारवाडी ता. चिपळूण) हा गंभीर जखमी झाला असून तो बेशुद्धावस्थेत आहे. त्याच्यावर लवेल येथील घरडा हॉस्पिटल येथे उपचार करून नंतर चिपळूण येथे अधिक उपचारासाठी हलवण्यात आले आहे.

Inside Story: सांगलीत नेमकं काय घडलं? भाजपकडे बहुमत असूनही राष्ट्रवादीचा महापौर

समोर चाललेल्या ट्रकला ओव्हरटेक करताना समोरून येणाऱ्या चिपळूण ते मुंबईच्या दिशेने येणाऱ्या टाटा गाडीला समोर समोर जाऊन धडक दिली. या अपघातात संभाजी आखाडे जागीच मृत्युमुखी पडले तर नरेंद्र शिरकर हे गंभीर जखमी झाले.

ठाकरे सरकारचा मोदी सरकारला जोरदार झटका; Coronil बाबत घेतला मोठा निर्णय

हा अपघात इतका भीषण होता की, यात दुचाकीचा चक्काचूर झाला आहे. तर कारचेही मोठे नुकसान झाले आहे. जखमी अवस्थेत जखमी नरेंद्र शिरकर यांना तातडीने चिपळूण येथील रुग्णालयात दाखल केले आहे.