)
बीड, 07 ऑगस्ट : मुलाच्या (son) हव्यासापोटी शिक्षक (teacher) पतीने चक्क 7 वेळा बळजबरीने गोळ्या चारून पत्नीचा गर्भपात केल्याची धक्कादायक आणि संतापजनक घटना समोर आली आहे, यामुळे बीड (beed) शहरात एकच खळबळ उडाली आहे. शिक्षक म्हणून मिरवणाऱ्या व्यक्तीने मुलाच्या हव्यासापोटी पत्नीचा तब्बल 7 वेळा गर्भपात केल्याचं समोर आलंय. तर या विषयीची माहिती खुद्द पीडित विवाहितेने पोलिसांत दिली असून आरोपी पती विरोधात गुन्हा दाखल झाला आहे. बीडच्या चौसाळा गावांमध्ये हा धक्कादायक प्रकार घडला आहे. पीडित विवाहितेने दिलेल्या फिर्यादीत म्हटलंय की, तिचा विवाह बीडच्या चौसाळा येथील शिक्षक फेरोज शेख यांच्याशी 2008 मध्ये झाला होता. या दरम्यान 2011 ला एक मुलगी झाली. तेव्हा हे पहिले तीन वर्ष सुखात संसार झाला. मात्र, त्यानंतर संसाराला ग्रहण लागलं आणि मुलाच्या हव्यासापोटी पीडितेचा छळ सुरू झाला. यादरम्यान फेरोज शेख यांचं एका शिक्षक महिलेसोबत अनैतिक संबंध असल्याचं देखील समोर आलं. याला विरोध दर्शविल्याने पीडितेचा जास्तीचा छळ सुरू झाला. असं असताना 2012 ते 2019 पर्यंत, पती फेरोज याने एक नव्हे दोन नव्हे तर तब्बल 7 वेळा पीडितेचा मुलाच्या हव्यासापोटी गर्भपात केला. या गर्भपाताला विरोध दर्शविल्याने पती फिरोजकडून मारहाण केली जात असे. गर्भखाली व्हावा, यासाठी बळजबरीने गोळ्या देखील खाऊ घालत असे, असं देखील पीडित विवाहितेने सांगितलं. VIDEO : गजराजाला आला राग; हत्तीने शेपटी धरून मगरीला पाण्यातच आपट आपट आपटलं तर याविषयी पीडितेचे वडील म्हणाले की, ‘माझ्या मुलीला चौसाळा येथे दिलेलं आहे. माझ्या मुलीने मला हृदयरोग असल्याने, तिला होणारा त्रास माझ्यापासून लपवून ठेवला. मात्र ती ज्या वेळेस आजारी पडली, त्यावेळी मला फोन आला, त्यानंतर मी तिला जाऊन आणलं व तिच्यावर उपचार केला. त्यानंतर तिने मला सर्व हकीकत सांगितली. मात्र त्यानंतर मी दोन महिने विचार करत होतो, की समाज आपला नाव ठेवेल. आपण पुढे येऊ नये. “मात्र आता माझं पूर्ण घर जळत आहे, त्यामुळे समाजाचं काय घेऊन बसायचं”, म्हणून पुढे येत आहे. आज माझ्या मुलीवर अत्याचार झालाय, त्यामुळे मी पुढे येत आहे. मात्र आज “आमच्या समाजात लाखो महिलांवर अत्याचार होत आहेत”. मात्र त्या पुढे येत येऊ शकत नाहीत, त्यामुळे हे अत्याचार कुठपर्यंत सहन करायचा. म्हणून मी माझ्या लेकराला घेऊन पोलीस ठाण्यांमध्ये गेलो. पोलिसांनी देखील आम्हाला खूप मोठी मदत केली आहे. मात्र माझी एकच मागणी आहे, की माझ्या मुलीला व नातीला न्याय मिळावा, हीच विनंती आहे. तर या विषयी पीडितेची मुलगी म्हणाली, की “माझे पप्पा माझ्यासमोर माझ्या आईला मारहाण करायचे. मी जेव्हा तिसरीला शिकत होते, तेव्हा मी शाळेतील माझ्या मॅडम जवळ रडत होते. तेव्हा त्या शाळेत शिक्षक असणारे माझे चुलते माझ्याजवळ आले आणि त्यांनी मला स्टाफ रूममध्ये नेलं. तिथं ते म्हणाले, की जर तू “आम्ही तुझ्या आईला मारहाण करतो” असं कोणाला सांगितलं. तर तुला जिवंत कापून टाकू. त्यानंतर मी पुन्हा माझ्या मॅडम जवळ कधीच रडले नाही. मी खूप घाबरले होते’, अशी हृदयद्रावक हकीकत11 वर्षीय चिमुकलीने सांगितला.
अश्लील फोटो…शरीर सुखाची मागणी; शेवटी हेडमास्टरना कार्यालयात जाऊन धुतलं आणि…
या प्रकरणी पती आणि सासरच्या लोकांवर गुन्हा दाखल झाला असून त्यांना जामीन देखील झाली आहे. मात्र, ज्या महिलेमुळे माझा सोन्याचा संसार उद्ध्वस्त झालाय, जिच्यामुळे माझे पती मला व माझ्या मुलीला बघायला तयार नाहीत. तिच्यावर देखील कठोर कारवाई करण्यात यावी. त्याचबरोबर माझ्यासारख्या समाजातील अन्यायग्रस्त पीडित मुलींनी समोर यावं व शासनाने त्यांना देखील न्याय द्यावा, अशी देखील मागणी यावेळी पीडितेने केली आहे. शरीरासाठी खूपच उपयुक्तआहे अंड्यातील पिवळा बलक; फायदे वाचून व्हाल चकित पीडितेला न्याय मिळावा यासाठी सामजिक कार्यकर्ते देखील लढा देत आहेत. आरोपी शिक्षकावर गुन्हा दाखल करावा अशी मागणी अॅड हेमाताई पिंपळे यांनी केली. नेकनूर पोलीस ठाण्याचे पोलीस निरीक्षक लक्ष्मण केंद्रे म्हणाले की, ‘पीडितेच्या लग्नाला 13 वर्ष पूर्ण झाले आहेत आणि त्यांच्या पतीचे दुसऱ्या एका शिक्षकीसोबत अनैतिक संबंध आहेत. त्याचबरोबर पीडितेला बाजूला करण्यासाठी शिक्षक पतीकडून नेहमी त्रास दिला जायचा. पाच ते सहा वेळा गर्भपात देखील केला आहे. त्यानुसार कलम 498, 313, 34 नुसार गुन्हा दाखल केला आहे, अशी माहिती लक्ष्मण केंद्रे यांनी दिली.
+6
फोटो
