मुलीचं लग्न कसं करणार? सुप्रिया सुळेंनी ठरवून टाकलं!

जितेंद्र जाधव, प्रतिनिधी इंदापूर, 18 मे : राष्ट्रवादी काँग्रेसच्या नेत्या सुप्रिया सुळे यांनी इंदापूरमधल्या कार्यक्रमामध्ये वेगवेगळ्या विषयांवर भाष्य केलं, यामध्ये त्यांनी मुलीचं लग्न कसं करणार? याबाबतही पहिल्यांदाच भाष्य केलं. मी माझ्या मुलीच्या लग्नात बडेजाव करणार नाही, माझ्या लग्नात माझ्या वडिलांनी फटाके वाजवले नाहीत. फुलं नव्हती, जेवण नव्हतं, माझ्या वडिलांनी एक पेढा सगळ्यांना दिला. मोठे लग्न प्रतिष्ठा असं काही नसतं, यात कुणी अडकू नये. आपण कपड्यांनी मॉर्डन होतो, पण विचारांनी मॉर्डन झालं पाहिजे. मी साडी घालते, पण जिन्स घातलेल्यापेक्षा मॉर्डन आहे, असं सुप्रिया सुळे म्हणाल्या. मी खासदार झाल्यानंतर दोन गोष्टी शिकले, एक कुस्ती पाहायला आणि दुसरी बैलगाडी शर्य पाहायला. दोन्ही गोष्टी पाहायला महिला फारशा जात नाहीत, तुम्ही येणार आहात, असं मुलाने सांगितल्यावर मी कुस्ती पाहायला आले. महाराष्ट्राचं राजकारण बदलणार? प्रकाश आंबेडकरांनी फोडली राष्ट्रवादीतली बातमी सरकारवर निशाणा 50 खोक्यामुळे आपलं सरकार गेलं, जाऊद्या, अपना टाईम आएगा, जेव्हा जेव्हा दिल्ली अडचणीत आली महाराष्ट्र धावून गेला आहे, महाराष्ट्राचा मुख्यमंत्री दिल्लीत गेला तर देशाचं राजकारण हलायचं, आता दिल्ली महाराष्ट्राला चावलते, असा टोला सुप्रिया सुळे यांनी लगावला. केंद्र सरकार परदेशातून दूध आणायला निघालं होतं, त्यावेळी पवार साहेबांनी केंद्र सरकारला पत्र लिहिलं. आम्ही आंदोलन करू सांगितलं. या महागाईच्या विरोधात लढायचं आहे, महिला जेव्हा लाटणं घेऊन बाहेर पडतील, तेव्हा अवघड होईल, असा इशारा सुप्रिया सुळे यांनी दिला. समीर वानखेडे यांच्याबाबत नवाब मलिक बोलत होते, ते आज खरं होत आहे, असं विधान सुप्रिया सुळे यांनी केलं. तसंच आपल्यासोबत घात झाला, नाहीतर अजून पैसे इंदापूर तालुक्यात आणले असते. हर्षवर्धन पाटील यांच्या ताब्यात असलेल्या कारखान्याने उसाचे बिल दिलं नाही, शेतकऱ्यांची व्यथा सांगितली आहे, असंही सुप्रिया सुळे म्हणाल्या. पवार ‘हाऊस’ नाही, ‘पॉवर हाऊस’ बारामती लोकसभा मतदारसंघाच्या खासदार सुप्रिया सुळे इंदापूर तालुक्याच्या दौऱ्यावर आहेत. इंदापूर तालुक्यातल्या वेगवेगळ्या गावांना भेटी देत खासदार सुप्रिया सुळे गाव भेट दौरा करत आहेत, यावेळी त्यांनी उपस्थितांना मार्गदर्शन केलं.

• Follow us on