महाराष्ट्र
अकाउंटमध्ये पैसे टाक, नाहीतर तुझा सेक्स व्हिडिओ व्हायरल करतो; शाळकरी विद्यार्थ्याला धमकी
अकाउंटमध्ये पैसे टाक, नाहीतर तुझा सेक्स व्हिडिओ व्हायरल करतो; शाळकरी विद्यार्थ्याला धमकी
ऑनलाईन अभ्यास करणाऱ्या विद्यार्थ्यांची आता वेगळीच डोकेदुखी वाढली...
संबंधित बातम्या
नाशिकच्या जीवनवाहिनीला प्रदुषणाचा विळखा, शेतीवरही गंभीर परीणाम, Video
श्रीअन्न म्हणजे काय? महाराष्ट्रातल्या छोट्या शेतकऱ्यांना कसा होणार फायदा?
मुंबईसाठी 50हजार कोटींची तरतूद, शिक्षण व्यवस्थेतही मोठा बदल; यंदाचा BMCचा बजेट..
शिंदे सरकारचा मोठा निर्णय! महाराष्ट्र भूषण पुरस्काराची रक्कम वाढवली, पुरस्कार...
लक्ष्मण घाटोळ, (प्रतिनिधी)
नाशिक, 28 नोव्हेंबर: ऑनलाईन अभ्यास (Online Study) करणाऱ्या शाळकरी विद्यार्थ्यांना (Student) आता एका वेगळ्या त्रासाला सामोरं जावं लागतं आहे. माझ्या बँक अकाउंटमध्ये पैसे टाक, नाहीतर तुझा सेक्स व्हिडिओ (Sex Video) सोशल मीडियावर (Social Media)व्हायरल करतो, अशी धमकी देणारे फोन सध्या नाशिकच्या विद्यार्थ्यांना येत आहेत.
नाशिकमधील (Nashik)अशाच एका त्रस्त पालकांनी अखेर पोलीस ठाण्यात धाव घेतली आहे. या घटनेनंतर नाशिकमध्ये पालक आणि विद्यार्थीवर्गात भीतीचं वातावरण पसरलं आहे.
हेही वाचा...महाराष्ट्राच्या मंत्रालयात अनेक झारीतले शुक्राचार्य, छगन भुजबळ यांचं मोठं विधान
ऑनलाईन अभ्यास करणाऱ्या नाशिकच्या विद्यार्थ्यांची आता वेगळीच डोकेदुखी वाढली आहे. आमच्या अकाउंटवर तात्काळ पैसे टाक, नाहीतर तुझा सेक्स व्हिडिओ सोशल मीडियावर व्हायरल करतो, अशा धमकीचा फोन सध्या नाशिकच्या काही विद्यार्थ्याना येतो आहे. विशेष म्हणणे हे अज्ञात फोन करणारे विद्यार्थ्यांच्या पालकांना देखील धमकी देत आहेत. 'तुमच्या मुलाचा सेक्सी व्हिडिओ व्हायरल करतो, अशा धमक्या आता काही पालकांनीही मिळत आहेत. सामाजिक क्षेत्रात निडरपणे काम करणाऱ्या राजू देसले यांच्या मुलाला देखील असा धमकीचा कॉल आल्यानंतर त्यांनी थेट पोलीस ठाणे गाठलं आहे. या प्रकरणी नाशिकच्या पंचवटी पोलीस ठाण्यात अज्ञातांविरुद्ध गुन्हा दाखल करण्यात आला आहे. ऑनलाईन अभ्यास करणाऱ्या मुलांना धमकी देणारी आंतरराज्यीय मोठी टोळी असल्याचा संशय पोलिसांनी व्यक्त केला आहे.
दरम्यान, या फोन कॉलमुळे ऑनलाईन अभ्यास करणारे विद्यार्थी कमालीचे विचलित झाले आहेत. अनेकांनी या फोन कॉलच्या भीतीपोटी ऑनलाईन अभ्यास करणंच बंद केल्याचं समोर आलं आहे.
हेही वाचा...भावाने दिला भावाला मुखाग्नी, शहीद जवान यश देशमुख अनंतात विलीन
राज्यभरात सध्या विद्यार्थ्याचं ऑनलाईन शिक्षण सुरू आहे. अशातच फोन वर लोकांची फसवणूक करणाऱ्या या टोळीनं आता आपला मोर्चा थेट विद्यार्थ्यानकडे वळवल्याने पालक आणि विद्यार्थी वर्गात भीतीचं वातावरण आहे. याप्रकरणी नाशिक पोलीस यांनी तात्काळ कारवाई करावी, अशी मागणी पालकांकडून होते आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Maharashtra, Maharashtra police, Nashik