#Coronavirusupdates: महाराष्ट्र दिनाची परेड रद्द, राज्य मंत्रिमंडळानं घेतले मोठे निर्णय

#Coronavirusupdates: महाराष्ट्र दिनाची परेड रद्द, राज्य मंत्रिमंडळानं घेतले मोठे निर्णय

राज्यात कोरोना विषाणूनं थैमान घातलं आहे. या पार्श्वभूमीवर मंत्रिमंडळाच्या बैठकीतील मोठे निर्णय घेणयात आले आहेत.

  • Share this:

मुंबई, 9 एप्रिल: राज्यात कोरोना विषाणूनं थैमान घातलं आहे. या पार्श्वभूमीवर मंत्रिमंडळाच्या बैठकीतील मोठे निर्णय घेणयात आले आहेत.  एक मे रोजी महाराष्ट्र दिनाची परेड रद्द करण्यात आली आहे. महत्त्वाचे म्हणजे मुख्यमंत्री उद्धव ठाकरे यांचा विधान परिषदेवर जाण्याचा मार्ग मोकळा झाला आहे. राज्यावर आलेलं कोरोना विषाणूचं संकट पाहता विधानपरिषदेच्या निवडणूक होणार नाही, अशी परिस्थिती आहे. राज्यपाल नियुक्त सदस्यांच्या दोन जागा रिक्त आहेत, त्यापैकी एका जागेवर उद्धव बाळासाहेब ठाकरे यांचे नाव राज्यपालांना शिफारस करण्याचा निर्णय मंत्रिमंडळाच्या बैठकीत घेण्यात आला.

हेही वाचा.. 'तुम्ही कुटुंबासोबत वेळ घालवू शकता;आम्ही नाही', मुंबई पोलिसांचा 'हा' VIDEO पाहाच

मंत्रालयात उपमुख्यमंत्री अजित पवार यांच्या उपस्थितीत गुरुवारी झालेल्या राज्य मंत्रिमंडळाच्या बैठकीत अनेक मोठे निर्णय घेण्यात आले. राज्यातील अर्थव्यवस्थेवर परिणाम झालेला आहे. या संदर्भात दोन समित्या नेमण्याचा निर्णय घेण्यात आला. पहिली समिती ही आर्थिक परिणामांचा पुनरुज्जीवन अहवाल तयार करेल. यात अर्थतज्ज्ञ, उद्योजक, निवृत्त अधिकारी, वित्त विभागाचे वरिष्ठ अधिकारी यांचा समावेश असेल.

याशिवाय दुसरी समिती ही मंत्रिमंडळातील सदस्यांची असून त्यात उपमुख्यमंत्री अजित पवार, मंत्री सर्वश्री. जयंत पाटील, बाळासाहेब थोरात, छगन भुजबळ, अशोक चव्हाण, अनिल परब यांचा समावेश असेल.

हेही वाचा.. कोरोनाविरुद्धच्या लढाईसाठी असा आहे नरेंद्र मोदींचा ‘मास्टर प्लॅन’

सर्व आमदारांच्या वेतनात 30 टक्के कपात

कोरोनाच्या पार्श्वभूमीवर राज्याची आर्थिक परिस्थिती लक्षात घेता राज्यातील सर्व विधिमंडळ सदस्य, लोकप्रतिनिधींच्या वेतनात या महिन्यापासून म्हणजे एप्रिल 2020 पासून पुढील वर्षीपर्यंत म्हणजे एप्रिल 2021 पर्यंत 30 टक्के वेतन कपात करण्याचा निर्णय झाला.

ध्वजारोहण साधेपणाने करणार

एक मे रोजी राज्यभरात होणारे ध्वजारोहण हे केवळ पालकमंत्री, जिल्हाधिकारी व निवडक मान्यवरांच्या उपस्थितीतच होईल. कुठलाही समारोह किंवा परेड होणार नाही असा निर्णय आज झालेल्या मंत्रिमंडळ बैठकीत घेण्यात आला.

हेही वाचा..हॉटस्पॉट भागात राहणारे लोक काय करू शकतात आणि काय नाही? येथे जाणून घ्या सर्व माहिती

निवारा केंद्रांमध्ये भोजनाची क्षमता वाढविणे

कोरोना संदर्भात राज्यातील वाढते रुग्ण लक्षात घेता लॉकडाऊनची अंमलबजावणी अधिक कडक करण्याबाबत तसेच निवारा केंद्रांमध्ये भोजन, शिवभोजन यांची क्षमता अधिक वाढविणे व लाभार्थी नागरिकांना अधिक चांगली सुविधा देणे. याबाबत मंत्रिमंडळातील सदस्यांनी महत्त्वपूर्ण सूचना केल्या, याची देखील काटेकोर अंमलबजावणी करण्याचा निर्णय घेण्यात आला.

संपादन- संदीप पारोळेकर

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Apr 9, 2020 04:25 PM IST

ताज्या बातम्या

corona virus btn
corona virus btn
Loading