)
पिंपरी चिंचवड, 10 सप्टेंबर : पिंपरी चिंचवडमधून एक धक्कादायक बातमी समोर आली आहे. शहरातील अजमेरा नगर परिसरात राहणाऱ्या एका आठ वर्षीय मुलाचा मृतदेह आढळून आल्याने एकच खळबळ उडाली आहे. मागील दोन दिवसांपासून हा मुलगा बेपत्ता होता. आज या मुलाा मृतदेह सापडून आला आहे. पोलिसांनी दिलेल्या माहितीनुसार, आदित्य ओगले असं मृत पावलेल्या मुलाचं नावं असून तो मागील दोन दिवसांपासून बेपत्ता होता. दोन तरुणांनी आदित्यचं अपहरण केलं होतं. त्यावेळी त्याला बेशुद्ध करण्यासाठी त्यांनी क्लोरोफॉर्मचा वापर केला होता. मात्र क्लोरोफॉर्म अतिवापर केला गेल्याने आणि पीडित मुलाला पोत्यात बांधून ठेवल्याने त्यात श्वास कोंडून आदित्यचा जागीच मृत्यू झाला आणि ही घटना घडली, अशी माहिती समोर आली आहे. मोठी रक्कम वसूल करण्यासाठीचं आदित्यचं अपहरण करण्यात आल्याची माहितीही समोर येत आहे. या सर्व प्रकरणाचा तपास पिंपरी चिंचवड पोलीस करत असून आदित्यच्या अपहरण आणि हत्ये मागच नेमकं कारण काय होतं याची माहिती पत्रकार परिषदेत दिली जाणारं असल्याचे वरिष्ठ अधिकाऱ्याकडून सांगण्यात आलंय. (पत्नीच्या डोक्यात गॅस सिलेंडर घातल्याने घडली भयानक घटना, पेण पोलिसांकडून पतीला अटक) या घटनेन पिंपरी चिंचवड शहरावर शोककळा पसरली आहे. आदित्यच्या बेपत्ता होण्याची माहिती अनेकांनी सोशल मीडियावर व्हायरल केली होती. त्यामुळे आरोपी अधिक सावध झाले आणि पकडले जाऊ नये या भीतीने त्यांनी आदित्यची हत्या केली अशी देखील शक्यता वर्तवली जात होती. पण, या आरोपींनी दिलेल्या कबुलीनंतर सर्वांना धक्का बसला. (नोकरीच्या शोधात मुंबईत आला भावोजी, अन या कारणामुळे मेहुण्याने केलं भयानक कृत्य) घटनेची माहिती मिळताच पिंपरी चिंचवड पोलीस दलातील सुमारे 200 पोलीस आदित्यचा शोध घेत होते. तपास वेगाने केल्याने ते आरोपीपर्यंत पोहोचले मात्र दुर्दैवाने आदित्यला वाचविण्यात पिंपरी चिंचवड पोलिसांना अपयश आलं. दरम्यान, पोलिसांनी या घटनेचा तपास अतिशय वेगाने करत अपहरणकर्त्या दोन्ही तरुणांना अटक केली आहे. आज या दोन्ही तरुणांना न्यायालयात हजर केलं जाणारं आहे. या प्रकरणाचा अधिक तपास पोलीस करत आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
