)
मुंबई, 20 ऑक्टोबर : ऐन दिवाळीमध्ये पवार काका-पुतण्यांसाठी साखर कडू लागायची चिन्ह आहेत. एकीकडे साखर कारखान्यांमुळे रोहित पवार अडचणीत आले आहेत. यानंतर आता अजित पवार यांना साखर आयुक्तांनी दणका दिला आहे. सोमेश्वर साखर कारखान्याच्या हद्दीतील 10 गावं माळेगाव कारखान्याच्या हद्दीत समाविष्ट करण्याचा ठराव करण्यात आला होता. हा ठराव आयुक्त शेखर गायकवाड यांच्याकडून नामंजूर करण्यात आला आहे. तर दुसरीकडे रोहित पवारही अडचणीत आले आहेत. राज्यातील यंदाचा ऊस गाळीत हंगाम 15 ऑक्टोबरपासून सुरू करण्याचे राज्य सरकारचे आदेश होते. तरीही इंदापूर तालुक्यातील शेटफळगडे येथील बारामती ॲग्रो कारखान्याने गाळप हंगाम सुरू केला होता. हा सरकारच्या आदेशाचा भंग असल्याने कारखान्याच्या संचालकांवर गुन्हे दाखल करण्याची मागणी भाजप नेते राम शिंदे केली होती. मात्र, त्यावेळी साखर आयुक्त शेखर गायकवाड यांनी क्लिन चीट दिली होती. आता सत्तांतर झाल्यानंतर राम शिंदे पुन्हा आक्रमक झाले असून उपमुख्यमंत्री व मुख्यमंत्र्यांकडे उच्चस्तरीय चौकशीची मागणी केली आहे. आमदार रोहित पवार अडचणीत! बारामती ॲग्रोची उच्चस्तरीय चौकशीसाठी राम शिंदे आक्रमक या संदर्भात आमदार राम शिंदे यांनी आमदार उपमुख्यमंत्री देवेंद्र फडणवीस यांची भेट घेतली. साखर आयुक्तांसह बारामती अॅग्रो लिमिटेड प्रशासनाची उच्च स्तरीय चौकशी करण्याची मागणी त्यांनी उपमुख्यमंत्री व मुख्यमंत्र्यांकडे केली आहे. अजित पवारांच्या अडचणी वाढणार?, दोन वर्षांपूर्वी बंद झालेली फाईल पुन्हा उघडणार!
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
