)
यवतमाळ, 22 जानेवारी : राज्यात दिवसेंदिवस गुन्हेगारीच्या घटना घडत आहेत. तसेच अपघाताच्याही घटनांमध्ये मोठी वाढ होत असल्याचे पाहायला मिळत आहे. त्यातच आता यवतमाळ जिल्ह्यातून एक धक्कादायक घटना समोर आली आहे. यवतमाळ येथे खाद्य तेलाचा टँकर पलटी झाल्याची घटना घडली. काय आहे संपूर्ण प्रकरण - यवतमाळच्या नेर तालुक्यातील मालखेड येथे खाद्यतेलाचा टँकर पलटी झाला. यानंतर तेल घेऊन जाण्यासाठी घटनास्थळी मोठी गर्दी झाली आहेत. खाली तेल सांडत असल्याचे बघून नागरिकांनी आपल्या घरी तेल नेण्यासाठी एकच गर्दी केली होती. टँकर रस्त्यावर पलटी झाल्याने नेर मार्गावरील वाहतूक विस्कळीत झाली आहे. या अपघातात चालक किरकोळ जखमी झाला आहे. दरम्यान, घटना स्थळाचा व्हिडिओही समोर आला आहे.
हेही वाचा - रेल्वे रुळ ओलांडताना इंजीनियरिंगच्या विद्यार्थीनीची एक चूक जीवावर; नागपूरमधील घटना
समृद्धी महामार्गावर आणखी एक भीषण अपघात; 1 ठार 3 जखमी
समृद्धी महामार्गावर अपघाताची मालिका सुरूच आहे. आता आणखी एक भीषण अपघात या महामार्गावर झाला आहे. कार डिव्हायडरला धडकून झालेल्या या अपघातामध्ये एक जण जागीच ठार झाला असून, तीन जण गंभीर जखमी झाले आहेत. जखमींना उपचारासाठी रुग्णालयात हलवण्यात आले आहेत. धामणगाव रेल्वे तालुका परिसरात हा अपघात झाला आहे. अपघाताचं नेमकं कारण अद्याप समोर आलेलं नाही मात्र चालकाचं वाहनावरील नियंत्रण सुटल्यानं ही कार डिव्हायडरला धडकल्याचा प्राथमीक अंदाज वर्तवण्यात येत आहे.
+6
फोटो
