)
मुंबई, 22 फेब्रुवारी : मागच्या काही दिवसांपासून मुंबई आणि परिसरात आग लागण्याच्या प्रमाणात मोठी वाढ झाली आहे. दरम्यान आज (दि.22) मुंबईतील शाहूनगर परिसरात भीषण आग लागल्याची माहिती समोर आली आहे. ही आग मुंबईचा शाहुनगर परिसरात असलेल्या कमला नगरचा झोपडपट्टीमध्ये लागली आहे. आग इतकी भीषण होती की आगीचे लोट बाहेर पडत होते.
मिळालेल्या माहितीनुसार, मुंबईतील शाहूनगर परिसरातील कमलानगर झोपडपट्टीत भीषण आग लागली आहे. या आगीमध्ये 25 पेक्षा जास्त घर जळून खाक झाली आहेत. घटनेची माहिती मिळतच अग्निशमन दलाचा दहापेक्षा जास्त गाड्या घटनास्थळावर दाखल होऊन आग विझवण्याचे प्रयत्न करत आहेत. दरम्यान नागरिक झोपेत असताना अचानक ही आग लागली. पहाटे चार वाजता ही आग लागल्याने नागरिकांचा एकच गोंधळ उडाला. सुदैवाने आतापर्यंत या आगीमध्ये कोणतीही जीवित हानी झालेली नाही.
हे ही वाचा : सावधान! तुम्हीही चुकीचा पद्धतीने स्मार्टफोन चार्ज तर करत नाही ना? बॅटरी क्षणात होईल खराब
धारावीच्या शाहुनगर परिसरात पहाटे चारच्या सुमारास ही आग लागली. आग एवढी भीषण होती की, अग्निशमन दलाच्या 20 ते 25 गाड्या घटनास्थळी दाखल झाल्या. धारावीतील शाहुनगरमधील कमला नगर म्हणजे, मोठा दाटीवाटीचा भाग. या झोपडपट्टी परिसरात अनेक लहान मोठी घरं अगदी दाटीवाटीनं एकमेकांना खेटून उभी आहेत.
याशिवाय या ठिकाणी अनेक लहान दुकानंही आहेत. ज्या परिसरात आग लागली, त्या परिसरात लेदरची अनेक दुकानं आहेत. तसेच, अनेक लहान-मोठे कपड्यांचे कारखानेही आहेत. त्यामुळे आग आणखी वाढत होती.
आगीची माहिती मिळताच अग्निशमन दलासोबत शाहुनगर पोलिसांनी घटनास्थळी तात्काळ धाव घेतली. या परिसरात लहान मोठी दुकानं, कारखान्यांसोबतच अनेक घरंही होती. पोलिसांनी तात्काळ नागरिकांना घरातून बाहेर काढून परिसर मोकळा केला.
हे ही वाचा : तुमच्या मोबाईलवरील प्रत्येक गोष्टीवर Google ची नजर, मुंबईतील ‘ती’ घटना आहे पुरावा, Video
आग इतकी भीषण होती की, आजुबाजूच्या परिसरात धुराचे लोळ पसरले होते. धारावी शाहूनगर पोलिसांनी दिलेल्या माहितीनुसार, धारावी कमला नगरची आग आटोक्यात आली आहे. सध्या फायर कूलिंगचं काम सुरू आहे. 50 ते 60 गारमेंटची दुकानं आणि घरं या आगीत जळून खाक झाली आहेत.
+6
फोटो
