मुंबई, 17 डिसेंबर : आग असो किंवा कोणतीही मोठी दुर्घटना अग्निशमन दलाचे जवान आपल्या जीवाची बाजी लावून बचावकार्य करत असतात. आज मुंबईतील मरोळ भागात कामगार रुग्णालयाला भीषण आग लागली. त्यानंतर अग्निशमन दलाने घटनास्थळी धाव घेऊन बचावकार्य सुरू केलं. बचावकार्य सुरू असताना एक अग्निशमन दलाचा जवान शिडीवरून खाली कोसळला. तो जेव्हा शिडीवरुन खाली कोसळत होता तेव्हाचे दृश्य कॅमेऱ्यात कैद झालं.
