• Home
  • »
  • News
  • »
  • maharashtra
  • »
  • हेच ते खुर्चीवाले 'बाळू लोखंडे'! मँचेस्टरमधला त्या 'मराठी' खुर्चीच्या VIDEO मागचा VIDEO पाहा

हेच ते खुर्चीवाले 'बाळू लोखंडे'! मँचेस्टरमधला त्या 'मराठी' खुर्चीच्या VIDEO मागचा VIDEO पाहा

'ब्रिटिशांनी भारताची लूट केली त्याचा हा ऐतिहासिक पुरावाच आहे.' अशा तळटिपेसह तुमच्या Whatsapp वर इंग्लंडचा एक VIDEO एव्हाना धडकला असेलच. क्रिकेटप्रेमी क्रीडापत्रकार सुनंदन लेले भारताच्या दौऱ्यासाठी इंग्लंडला गेले होते. मँचेस्टरमध्ये त्यांना एक आश्चर्यकारक खुर्ची दिसली. त्याचा VIDEO.

  • Share this:
सांगली, 25 सप्टेंबर:  सध्या सोशल मीडियावर विशेषतः Whatsapp आणि Facebook च्या माध्यमातून  एक VIDEO फिरतो आहे. Team India च्या इंग्लंड दौऱ्याचं वार्तांकन करायला तिथे गेलेले क्रीडा पत्रकार सुनंदन लेले (Sunandan Lele viral video) यांनी तो प्रथम शेअर केला आणि आपापल्या तळटिपेसह तो शेकडो जनांनी VIRAL केला.  'ब्रिटिशांनी भारताची लूट केली त्याचा हा ऐतिहासिक पुरावाच आहे' असं म्हणत ही आश्चर्यकारक गंमत अनेकांनी फॉरवर्ड केली. सुनंदन लेले यांना मँचेस्टरच्या हायस्ट्रीटवर फिरताना एका दुकानासमोर एक लोखंडी खुर्ची (Chair with Marathi name in England) दिसली. त्यावर चक्क बाळू लोखंडे असं शुद्ध मराठीत लिहिलेलं त्यांनी पाहिलं. Manchester मध्ये बाळू लोखंडेच्या खुर्च्या आहे की नाही कमाल! असं म्हणत त्यांनी Instagram वर तो VIDEO (Marathi chair in England Video) शेअर केला आणि काही तासांतच तो हजारो लोकांच्या मोबाइलवर थडकला. पण आम्ही या बाळू लोखंडेंना (who is Balu lokhande ) शोधून काढलं आहे. हे बाळू लोखंडे आहेत सांगलीचे (Sangli chair). अर्थातच त्यांनाही हा VIDEO फॉरवर्ड झालाय. त्यांनी तो समाधानाने पाहिला देखील आहे. सांगलीची लोखंडी खुर्ची लंडनमध्ये कशी हे त्यांच्याच तोंडून ऐका. आधी तुम्ही तो ओरिजिनल इंग्लंडमधला VIDEO पाहिला नसलात तर पाहा...
ही खुर्ची आहे सांगली जिल्ह्यातल्या तासगाव तालुक्यातल्या सावळजची. तिथे बाळू लोखंडे यांचा मंडप डेकोरेशनचा व्यवसाय आहे आणि खुर्चीही तिथलीच आहे. हीच बाळू लोखंड्यांची खुर्ची सध्या नेटकऱ्यांमध्ये चर्चेचा विषय बनली आहे.  मॅंचेस्टर या UK मधल्या शहरात हायस्ट्रीटवरच्या एका रेस्टॉरंट बाहेर चक्क मराठीत नाव आणि गाव लिहिलेली लोखंडी खुर्ची सुनंदन लेले यांना दिसली आणि त्यांच्या त्या VIDEO ने धमाल उडविली आहे. सुनंदन लेले हे क्रिकेट पत्रकार आहेत. लंडन दौऱ्यावर असताना त्यांनी मँचेस्टर येथे फिरताना तेथे दिसलेल्या बाळू लोखंडेच्या खुर्चीबद्दल पोस्ट केली आहे. या वीस सेकंदाच्या व्हिडीओ मध्ये जुन्या काळातील फोल्डिंगची लोखंडी खुर्ची दिसते आहे आणि त्यावर बाळू लोखंडे असे मराठीत लिहिलेलं दिसत आहे. पुढे सावळज असं गावाचं नावही लिहिलेलं आहे. हार्दिक पंड्या कुठे झाला गायब? Mumbai Indians च्या बॉलिंग कोचने दिलं उत्तर आपल्याकडे या अशा जुन्या पद्धतीच्या लोखंडी खुर्चीवर बसणं फार प्रतिष्ठेचं मानलं जाणार नाही. पण साहेबाच्या देशात मात्र ही खुर्ची अँटिक पीस म्हणून मिरवते आहे. आणि चकाचक हॉटेलची शान वाढवताना दिसते आहे. खुर्ची इंग्लंडमध्ये पोहोचली कशी? बाळू लोखंडे ही व्यक्ती सावळज येथे आजही माया मंडप डेकोरेटर्स या नावाने मंडप डेकोरेटरचा व्यवसाय करत आहेत. हे व्यावसायिक आपल्या वस्तूंवर नावं टाकत असतात. बाळू लोखंडे यांनीही टाकलं होतं. आपल्याकडील लोखंडी खुर्च्या 13 किलो वजनी होत्या. त्या जड असल्यानं त्यांनी पंधरा वर्षापूर्वी भंगार मध्ये विकून टाकून प्लॅस्टिकच्या खुर्च्या घेतल्या. मात्र त्यापैकी दोन खुर्च्या चक्क मँचेस्टरपर्यत कशा पोहोचल्या हे गूढच आहे. कदाचित भंगाराच्या दुकानातून कुणी त्या जुन्या बाजारात विकल्या असतील आणि तिथून थेट अँटिक वस्तूंच्या संग्रहात त्या पोहोचल्या असतील. पण त्या बाळू लोखंड्यांच्याच आहेत हे नक्की. बाळू लोखंडे यांचा सुनंदन लेले यांच्याशीही संपर्क झाला आहे. 'लेलेंनाही मी त्या आमच्या खुर्च्या असल्याचं सांगितलं.' आजही त्यांच्याकडे काही तशा खुर्च्या आहेत.  'आमच्या सावळजची द्राक्षे कधीच सातासमुद्रापार पोहीचली आहेत पण इथल्या खुर्चीच्या प्रेमात लंडनचा साहेब कसा पडला हे कोणास ठाउक..', असं बाळू अभिमानाने सांगतात.
Published by:अरुंधती रानडे जोशी
First published: