Kolhapur Warkari : जय जय रामकृष्ण आणि टाळ मृदुंगाचा गजर, 7 वारकऱ्यांवर एकत्र अंत्यसंस्कार, अवघे गाव रडले

कोल्हापूर, 01 नोव्हेंबर : पंढरपूर - सांगोला मिरज रोडवर जुनोनीजवळ पायी चालणाऱ्या वारकऱ्यांना वाहनाने धडक दिली. या वाहनाच्या धडकेत 7 वारकऱ्यांचा मृत्यू झाल्याची घटना काल (दि.01) घडली. सदर वारकरी जठारवाडी कोल्हापूर जिल्ह्यातील असल्याने जठारवाडी गावावर शोककळा पसरली आहे. कर्तिकी वारीसाठी हे वारकरी पंढरपूरकडे पायी चालत जात होते. मृत झालेल्या वारकऱ्यांमध्ये पाच महिला आणि दोन पुरुषांचा समावेश आहे. दरम्यान अपघातातील सर्वांचे पार्थिव जठारवाडी येथे आणण्यात आले. यानंतर वारकऱ्यांनी टाळ आणि मृदुंगाच्या गजरात वारकऱ्यावर अंत्यसंस्कार करण्यात आले.

कोल्हापूर जिल्ह्यातील जठारवाडी येथे वारकऱ्यांवर अंतीम संस्कार करण्यात आले. यावेळी टाळ मृदुंगाच्या गजरात जठारवाडी येथील वारकऱ्यांवर अंत्यसंस्कार करण्यात आले. सांगोला येथे कारच्या अपघात त्यांचा मृत्यू झाला होता. आज सकाळी या सर्वांचे पार्थिव गावात आल्यावर नातेवाईकांनी एकच हंबरडा फोडला.

हे ही वाचा : वीज पुरवठा खंडीत होताच 20 वर्षीय मुलाचा खून, कोल्हापुरातल्या घटनेने खळबळ

एका ट्रॅक्टर ट्रॉली मधून गावातून फेरी काढत त्यांच्यावर एकत्र अंत्यसंस्कार करण्यात आले. वारकऱ्यांच्या अपघाती मृत्यूनंतर मुख्यमंत्री, उपमुख्यमंत्री यांनी शोक व्यक्त करत नातेवाईकांना मदत जाहीर केली आहे. तर अपघाताच्या चौकशीचे आदेशही दिले आहेत.

मृतांच्या कुटुंबीयांना प्रत्येकी पाच लाखांची मदत -

कार्तिकी यात्रेसाठी पंढरपूरकडे पायी निघालेल्या वारकऱ्यांना सांगोला मिरज मार्गावर वाहनाने चिरडल्यामुळे झालेल्या दुर्घटनेवर मुख्यमंत्री एकनाथ शिंदे यांनी शोक व्यक्त केला आहे. तसेच मृतांच्या कुटुंबीयांना प्रत्येकी पाच लाख रुपये तातडीच्या मदतीची देखील त्यांनी घोषणा केली आहे.

मुख्यमंत्र्यांनी हे वृत्त कळताच तातडीने जिल्हा प्रशासनाशी संपर्क साधला तसेच या घटनेतील जखमी वारकऱ्यांना ताबडतोब योग्य ते उपचार देण्यात यावे असे निर्देश दिले. हा अपघात कसा झाला याविषयी तातडीने चौकशी करण्याचे निर्देशही त्यांनी दिले आहेत.

हे ही वाचा : 20 तोळे सोन्यासाठी मित्रांनीच केला मित्राचा गेम, गुंगीचे औषध देऊन संपवलं, पुण्यातील घटना

मृतांची नावे पुढील प्रमाणे -

शारदा आनंदा घोडके 61 वर्ष, सुशीला पवार, रंजना बळवंत जाधव, गौरव पवार 14 वर्ष, सर्जेराव श्रीपती जाधव,  सुनिता सुभाष काटे, शांताबाई शिवाजी जाधव. या भाविकांचा जागीच मृत्यू झाला आहे. या घटनेने कार्तिकी यात्रेवर दुःखाचा डोंगर कोसळला आहे. तर अपघातातील सर्व जखमींना उपचारासाठी शासकीय रूग्णालयात दाखल करण्यात आले आहे.