खबरदार! गणेशोत्सवात वर्गणीसाठी जबरदस्ती केली तर खंडणीचा गुन्हा लागणार

गणेशोत्सवाच्या काळात कुठल्याही समाजाची भावना दुखावल्या जाईल अशा देखाव्यांवर पोलिसांकडून बंदीचे आदेश.

News18 Lokmat | Updated On: Aug 21, 2019 06:15 PM IST

खबरदार! गणेशोत्सवात वर्गणीसाठी जबरदस्ती केली तर खंडणीचा गुन्हा लागणार

लक्ष्मण घाटोळ, नाशिक 21 ऑगस्ट : यंदाच्या गणेशोत्सवाच्या काळात सार्वजनिक गणेश मंडळांवर पोलीस पोलिसांची करडी नजर असणार आहे. काही अटी शर्तींवर गणेश मंडळांना पालिका आणि पोलीस प्रशासनाकडून परवानग्या देण्यात येणार असून DJ वर यंदा देखील बंदी असणार आहे. त्याच बरोबर गणेशउत्सवासाठी जबरदस्तीने वर्गणी गोळा करणाऱ्यांना पोलीस कार्यवाई ला सामोरे जावे लागणार आहे.

दरवर्षी गणेशोत्सव काळात गणेश मंडळांमध्ये उत्साहाचे वातावरण असते. अनेक मंडळांकडून निरनिराळे देखावे सादर करण्यात येत असतात. सर्वच गणेश मंडळांकडून वर्गणी देखील गोळा करण्यात येते मात्र आता अश्या पद्धतीने वर्गणी गोळा करणाऱ्यांना चॅरिटी कमिशनर ची परवानगी घ्यावी लागणार असल्याचं नाशिकचे जिल्हाधिकारी सुरज मांढरे यांनी संगीतलंय.

मराठवाड्यात दुष्काळाच्या झळा, उभी पीकं डोळ्यादेखत जाताहेत जळून!

गणेशोत्सव काळात कुठलाही अनुचित प्रकार घडू नये तसेच उच्च न्यायालयाच्या आदेशांचे कुठल्याही गणेश मंडळाकडून उल्लंघन होऊ नये यासाठी नाशिक पोलीस आणि मनपा प्रशासनाच्या वतीने एक खिडकी योजने अंतर्गत गणेश मंडळांना परवानग्या देण्यात येणार आहे. शहरातील सार्वजनिक गणेश मंडळांच्या आता पोलीस बैठका घेत असून त्यांना ह्या काळात न्यायालयाच्या आदेशांचे पालन अटी शर्ती आणि ह्या काळात सामाजिक तेढ वाढू नये, तसेच बाळगावयाची काळजी यासाठी सूचना करत आहेत.

राज ठाकरेंनी कार्यकर्त्यांना पुन्हा केलं 'हे' भावनिक आवाहन!

Loading...

गणेशोत्सवाच्या काळात कुठल्याही समाजाची भावना दुखावल्या जाईल अशा देखाव्यांवर पोलिसांकडून बंदीचे आदेश देण्यात आले आहेत. त्याच बरोबर सार्वजनिक गणेशोत्सवाच्या काळात अनेक मंडळांकडून वर्गणी गोळा करण्यात येते परंतु कुठल्याही ठिकाणी जबरदस्तीने वर्गणी गोळा करतानाची तक्रार प्राप्त झाल्यास संबंधितांवर खंडणीचे गुन्हे दाखल करणार असल्याचे पोलीस आयुक्त विश्वास नागरे पाटील यांनी सांगितलंय.

त्यामुळे यंदाचा सार्वजनिक गणेश उत्सव हा शांततेत आज उच्च न्यायालयाच्या आदेशानुसार पार पडावा यासाठी पोलीस प्रशासन योग्य ती खबरदारी बाळगत असून सर्व गणेश मंडळांनी देखील आपल्याला सहकार्य करावे असं आवाहन पोलिसांनी केलंय.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Aug 21, 2019 06:12 PM IST
Loading...

ताज्या बातम्या

Loading...