)
धुळे, 3 जून : एलआयसी किंग अशी ओळख असलेला धुळ्यातील विमा एजंट राजेंद्र बंब (LIC king Rajendra Bamb) याच्या घरावर आर्थिक गुन्हे शाखेने टाकलेल्या धाडीत कोट्यवधींचं घबाड हाती लागलं होतं. त्यानंतर राजेंद्र बंब हा अवैध सावकारी करत असल्याचं उघड झालं. याच प्रकरणात राजेंद्र बंब याच्या बँक लॉकरची (Rajendra Bamb bank locker) पोलिसांनी तपासणी केली असता आणखी धक्कादायक माहिती समोर आली आहे. राजेंद्र बंब याच्या जळगाव जनता बँकेतील लॉकर तपासणीत धक्कादायक माहिती समोर आली आहे. बँक लॉकरमधून तब्बल दोन कोटी 54 लाख रुपयांची रोकड तर 19 लाखांचे सोने जप्त करण्यात आले आहे. दोन दिवसांपूर्वी केलेल्या कारवाईत 1 कोटी 42 लाख यांची रोकड तर 46 लाखांचे सोने करण्यात आले जप्त करण्यात आले होते. अद्यापही दोन लॉकरची तपासणी शिल्लक राजेंद्र बंब याच्या एकाच बँक लॉकरची तपासणी करण्यात आली असून त्यात जवळपास तीन कोटींची रोकड आणि मुद्देमाल जप्त करण्यात आला आहे. त्यामुळे त्याच्या इतर दोन बँक लॉकरमधून आणखी किती मोठं घबाड आणि काय माहिती समोर येते याकडे आता सर्वांच्या नजरा लागल्या आहेत. राजंद्र बंब याच्यावर धाड टाकल्यानंतर 24 तासात एकूण 4 कोटीची रोकड आणि 65 लाखांचे दागिने पोलिसांनी जप्त केले आहे. पहिल्या धाडीत कोट्यवधींचं घबाड हाती आर्थिक गुन्हा शाखेसह अन्य पोलिसांच्या पाच पथकांनी घेतलेल्या झडती पोलिसांना राजेंद्र बंब आणि त्यांच्या कुटूंबियांकडे मोठे घबाड सापडले आहे. राजेंद्र बंब आणि त्यांच्या भावाकडून पोलिसांनी 1 कोटी 42 लाख 19 हजार 550 रुपयांची रोकड जप्त केली आहे. तर 46 लाख 22 हजार 378 रुपयांचें दागिने जप्त करण्यात आले आहेत. यासह कोट्यवधी रुपये किमतीच्या मालमत्तेचे कागदपत्रांची पोलिसांना सापडले आहेत. राजेंद्र बंब याच्याकडून 38 कोरे धनादेश, 104 खरेदी खत, 13 कोरे मुद्रांक आणि 204 मुदत ठेवीच्या पावत्या सापडले. तब्बल दहा तासांपेक्षा अधिक वेळ झळती नंतर हे घबाड समोर आले आहे. हे घबाड पाहून आणि त्याचा कारनामा पाहून पोलिसही चक्रावले आहेत. वाचा : घराच्या छतावर झोपले अन् दाम्पत्य खाली आलेच नाही, नगरमधील धक्कादायक घटना नेमका प्रकार काय? राजेंद्र बंब हा धुळ्यातील एक मोठा एलआयसी एजंट आहे. त्याला एलआयसी किंग असंही म्हटलं जातं. धुळे शहरात एका बनावट फायनान्स कंपनीच्या नावे कर्ज देऊन राजेंद्र बंब हा अवैधरित्या 24 टक्के दराने वसुली करत असल्याचे पोलीस तपासात समोर आलं आहे. एका पीडिताने या संदर्भात तक्रार दाखल केल्यानंतर त्याचा हा कारनामा समोर आला आहे. राजेंद्र बंब याच्याकडे कामाला असलेल्या एका व्यक्तीला पैशांची गरज होती. त्यावेळी बंब याने त्याला पैसे दिले आणि पैश्याच्या मोबदल्यात त्याच्या वडिलोपार्जित संपत्तीचे कागदपत्र बंब यांनी आपल्या ताब्यात ठेवले. व्याजासकट पैसे परत करूनही बंब याने त्या व्यक्तीला कागदपत्रे दिली नाहीत. काही दिवसांपूर्वी पोलीस अधीक्षक प्रवीणकुमार पाटील यांनी अवैध सावकारी विरोधात तक्रारी करण्याचे आवाहन नागरिकांना केले. पोलीस अधीक्षकांच्या आवाहनाला प्रतिसाद देत पीडित व्यक्तीने पोलिसांची भेट घेतली आणि त्यानंतर घडलेला प्रकार सांगितला. यानंतर पोलिसांनी तक्रार दाखल करत तपास सुरू केला. त्यानंतर बंब याच्या घरी धाड टाकली असता कोट्यवधींचं घबाड हाती आलं.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
