Corona in Maharashtra Police : महाराष्ट्र पोलिसांवरील कोरोनाचं संकट गडद, आठवड्याभरात तब्बल 155 कर्मचाऱ्यांना लागण

मुंबई, 6 जानेवारी : राज्यात करोनाचा (Coronaa) धोका दिवसेंदिवस पुन्हा वाढत आहे. कोरोनाबाधित रुग्णांचे वाढते प्रमाण आधीच्या लाटांच्या तुलनेत तिसऱ्या लाटेत (Corona Third Wave) तीनपटीने वाढताना दिसत आहे. कोरोनाच्या पहिल्या-दुसऱ्या लाटेत महाराष्ट्र पोलिसातील (Maharashtra Police) अनेकांना बाधा झाली होती. आतादेखील धोका पुन्हा वाढताना दिसत आहे. राज्यात मुंबई पोलिसांना (Mumbai Police) कोरोनाची सर्वाधिक लागन झाली आहे. तर हिंगोलीत (Hingoli) सर्वात कमी पोलिसांना करोनाची लागन झाली आहे. राज्यात आतापर्यंत 46 हजार पेक्षा जास्त पोलिसांना कोरोनाची लागन झाली आहे. यापैकी 500 पोलिसांचा कोरोनाने बळी (Corona Death) घेतला आहे. राज्यात सध्या 8 हजार 836 पोलीस क्वारंटाईन आहेत. कोरोनाची तिसरी लाट सगळ्यांनाच आपल्या विळख्यात घेत आहे. यातून आपल्या कार्यावर सदैव तत्पर असणारे पोलीसदेखील बचावले नाहीयत. राज्यातील पोलिसांना करोनाची लागण होण्याचे प्रमाण तीन पटीने वाढले आहे. राज्यात इतर पोलीस दलाच्या तुलनेत मुंबईतील मुंबई पोलीस सर्वात जास्त करोनाबाधित आढळले आहेत. राज्यात मुंबई पोलीस सर्वात मोठे पोलीस दल आहे. राज्यात सर्वाधिक जास्त लोकसंख्या मुंबईत आहे. त्यामुळेच राज्यात सर्वात जास्त कोरोनानाची लागण इतर पोलीस दलाच्या तुलनेत मुंबई पोलिसांना झालीय, असा विचार तुम्ही करत असाल. पण हे साफ चुकीचे आहे. कारण बेजबाबदार मुंबईकर याला जबाबदार आहेत. वारंवार सांगून देखील मुंबईकर करोना नियमांचे पालन करत नाहीयत. ज्याचा परिणाम मुंबई पोलिसांना भोगावा लागतोय. हेही वाचा :  कोरोनाचा धोका वाढला, मुंबई महापालिकेकडून होम क्वारंटाईनच्या नव्या गाईडलाईन्स जारी आठवड्याभरात तब्बल 155 पोलिसांना कोरोना प्रत्येक वेळेस कायदा-सुव्यवस्था राखण्याकरता पोलीस पुढे असतात. पण एक जबाबदार नागरीक म्हणून आपण त्यांना सहकार्य केले पाहिजे. कारण पहिल्या आणि दुसऱ्या लाटेपेक्षा या तिसऱ्या लाटेत पोलिसांना करोनाची लागण होण्याचे प्रमाण सर्वाधिक आहे. तिसऱ्या लाटेत अवघ्या आठवड्याभरात तब्बल 155 पोलिसांना करोनाची लागण झालीय. ज्यात 45 पोलीस असे आहेत ज्यांचे लसीचे दोन्ही डोस झाले आहेत. पण एक आश्चर्याची गोष्ट म्हणजे ज्यांना करोना होवून गेला आणि ज्यांचे लसीचे दोन्ही डोस झालेत अशा एकाही पोलिसांला करोनाची लागन झाली नाहीय. राज्यात सध्या 8 हजार 836 पोलीस क्वारंटाईन मुंबईत आतापर्यंत एकूण 46 हजार 878 पोलिसांना करोनाची लागण झालीय. यापैकी 5 हजार 843 पोलीस अधिकाऱ्यांचा समावेश आहे. तर 41 हजार 35 पोलीस कर्मचाऱ्यांना करोनाची लागण झालीय. तर 5 हजार 643 पोलिस अधिकाऱ्यांनी करोनावर मात केली आहे. 40 हजार 163 पोलीस कर्मचाऱ्यांनी करोनावर मात केलीय. म्हणजेच राज्यात एकूण 45 हजार 806 पोलिसांनी करोनावर मात केलीय. दुःखदायक म्हणजे राज्यात आतापर्यंत करोनामुळे तब्बल 44 पोलीस अधिकाऱ्यांचा आणि 456 पोलीस कर्मचाऱ्यांचा मृत्यू झालाय. तर राज्यात सध्या 8 हजार 836 पोलीस क्वारंटाईन आहेत. मुंबईत 9 हजार 510 पोलिसांना कोरोना राज्यभरातील पोलीस दलांनुसार करोना बाधित पोलिस संख्येचा विचार केला तर मुंबई पोलिसांना सर्वाधिक करोनाची लागण झालीय. आतापर्यंत 9 हजार 510 मुंबई पोलिसांना करोनाची लागण झालीय. यामध्ये 1 हजार 640 पोलीस अधिकारी आहेत आणि 7 हजार 870 पोलीस कर्मचारी आहेत. तर 123 मुंबई पोलिसांचा करोनाने बळी घेतलाय. हेही वाचा :  मुंबईत कोरोनाचा उद्रेक, बाधितांच्या संख्येने सर्व रेकॉर्ड मोडले, आकडा थेट 20 हजार पार मुंबई पाठोपाठ ठाण्यात सर्वाधिक पोलिसांना कोरोनाची लागण मुंबई पोलिसांपाठोपाठ ठाणे शहर पोलिसांना कोरोनाची जास्त लागण झालीय. आतापर्यंत 300 ठाणे पोलीस अधिकाऱ्यांना आणि 2001 ठाणे पोलीस कर्मचाऱ्यांना करोनाची लागण झालीय. यानुसार एकूण २ हजार ३०१ ठाणे पोलिसांना करोनाची लागण झाली आहे. आतापर्यंत ३७ ठाणे पोलिसांचा करोनानाने बळी घेतला आहे. पुण्यात 2 हजार 487 पोलीस कोरोनाबाधित ज्या पुणे शहरात सर्वात पहिले करोनाचा रुग्ण आढळला होता त्या पुणे शहर पोलीस दलात देखील आतापर्यंत 2 हजार 487 पोलीस कोरोनाबाधित झाले आहेत. यामध्ये 282 पोलीस अधिकारी आणि 2 हजार 205 पोलीस कर्मचारी आहेत. तर आतापर्यंत 20 पुणे पोलिसांचा बळी करोनाने घेतला आहे. हिंगोलीत सर्वात कमी पोलिसांना बाधा या सगळ्यात एक दिलासादायक म्हणजे आतापर्यंत सर्वात कमी हिंगोली पोलिसांना करोनाची लागण झालीय. तर धुळ्यात 112 पोलिसांना करोनाची लागण झालीये ज्यात 13 धुळे पोलीस अधिकारी आणि 99 पोलिस कर्मचारी आहेत. तर 3 धुळे पोलीस कर्मचाऱ्यांचा करोनामुळे मृत्यू झाला आहे.

• Follow us on