)
मुंबई, 6 जानेवारी : मुंबईत नव्या कोरोनाबाधितांचा आजचा आकडा थेट 20 हाजाराच्या पार गेला आहे. मुंबईत दिवसभरात तब्बल 20 हजार 181 नवे कोरोनाबाधित रुग्ण आढळले आहेत. पण या आकडेवारीत लक्षणे नसलेल्या रुग्णांची संख्या जास्त आहे. त्यामुळे या रुग्णांना ट्रेस करुन वेळीच क्वारंटाईन केलं तर संसर्गाचा वेग कमी करता येऊ शकतो. दुसरीकडे बाधितांची संख्या वाढत असल्याने रुग्णालयात दाखल होणाऱ्या रुग्णांचे प्रमाण एकूण रुग्णांपेक्षा भरपूर कमी असला तरी तो आजच्या घडीला जास्तच आहे. त्यामुळे ज्या रुग्णांना रुग्णालयात दाखल होण्याची आवश्यकता नाही, ते घरीच औषधे घेऊन बरे होऊ शकतात, अशा रुग्णांना त्यांच्या घरात आयसोलेशनसाठी परवानगी देण्यात आली आहे. पण घरी नेमक्या कोणत्या रुग्णांना क्वारंटाईन करावे तसेच त्यांच्यासाठी नेमके नियम काय असतील, त्यांनी कोणती काळजी घ्यावी याबाबत माहिती सांगण्यासाठी मुंबई महापालिकेने नव्या गाईडलाईन्स जारी केल्या आहेत. नवी नियमावली नेमकी काय? उपचार करणार्‍या वैद्यकीय अधिकार्‍याने ज्या रुग्णांना सौम्य लक्षणं असतील किंवा लक्षणेच नसतील अशा रुग्णांना त्यांच्या निवासस्थानी सेल्फ-आयसोलेशनसाठी परवानगी द्यावी. संबंधित रुग्णांच्या कुटुंबियांसाठी आणि संपर्कात आलेल्यांसाठी विलगीकरणाची आवश्यक सुविधा असावी. तशी सुविधा नसल्यास शासनाच्या क्वारंटाईन सेंटरमध्ये क्वारंटाईन केलं जाईल. रुग्णाची काळजी घेणारी व्यक्तीने कोरोना प्रतिबंधक लसीचे दोन्ही डोस घेतलेले हवेत. संबंधित व्यक्ती रुग्णाच्या काळजीसाठी 24x7 उपलब्ध असणे आवश्यक आहे. ती व्यक्ती महापालिका आणि रुग्ण यांच्यातील दुवा असेल. रुग्णाचा होम आयसोलेशनचा वेळ पूर्ण होत नाही तोपर्यंत या व्यक्तीने जबाबदारी पार पाडावी, अशी अपेक्षा आहे. हेही वाचा : मुंबईत कोरोनाचा उद्रेक, बाधितांच्या संख्येने सर्व रेकॉर्ड मोडले, आकडा थेट 20 हजार पार 60 वर्षांहून अधिक वयाचे वृद्ध रुग्ण आणि उच्च रक्तदाब, मधुमेह, हृदयरोग, फुफ्फुसांचे, यकृत, किडनी रोग यासांरख्या सह-रोगी परिस्थिती असलेले रुग्ण, सेरेब्रोव्हस्कुलर रोग इत्यादींचा उपचार करणार्‍या रुग्णांसाठी वैद्यकीय अधिकारी/डॉक्टरांनी योग्य मूल्यमापनानंतरच होम आयसोलेशनला परवानगी दिली जाईल. रोगप्रतिकारक स्थितीत (एचआयव्ही, ट्रान्सप्लांट प्राप्तकर्ते, कॅन्सर थेरपी इ.) ग्रस्त रूग्णांना होम आयसोलेशनसाठी शिफारस केलेली नाही आणि त्यांना फक्त घरीच परवानगी दिली जाईल. उपचार करणार्‍या वैद्यकीय अधिकारी/डॉक्टरांद्वारे योग्य मूल्यमापनानंतर होम क्वारंटाईनची परवानगी देण्यात येईल. रुग्णाला घरी अलग ठेवण्याची परवानगी असताना, कुटुंबातील इतर सदस्यांसह इतर सर्व संपर्कांनी होम क्वारंटाईनच्या मार्गदर्शक तत्त्वांचे पालन करावे. गर्भवती महिलांसाठी अपेक्षित तारखेच्या 2 आठवडेआधी होम आयसोलेशन लागू होणार नाही रुग्णांसाठी सूचना : रुग्णाने स्वतःला घरातील इतर सदस्यांपासून वेगळे केले पाहिजे. ओळखल्या गेलेल्या खोलीत आणि घरातील इतर लोकांपासून दूर राहावे. विशेषत: वृद्ध आणि उच्च रक्तदाब, हृदय आणि रक्तवाहिन्यासंबंधी रोग, मूत्रपिंडाचे आजार असलेल्या सदस्यांपासून अंतर ठेवलं पाहिजे, जेणेकरुन त्यांना संसर्ग होणार नाही. हेही वाचा : मुंबईला चहुबाजूंनी कोरोनाने घेरलं, ठाणे मंडळात तब्बल 30 हजार 312 नवे कोरोनाबाधित रुग्णाला हवेशीर खोलीत क्रॉस व्हेंटिलेशन असले पाहिजे आणि ताजी हवा आत येण्यासाठी खिडक्या उघड्या ठेवल्या पाहिजेत. रुग्णाने नेहमी ट्रिपल लेयर मेडिकल मास्क वापरावा. त्यांनी मास्क वापरल्यानंतर 8 तासांनंतर किंवा त्यापूर्वी टाकून द्यावा. रुग्णाची काळजी घेणाऱ्या व्यक्तीने आणि रुग्णाने N 95 मास्क वापराले तरी हरकत नाही. मास्कचे तुकडे करून कागदी पिशवीत किमान 72 तास ठेवल्यानंतर ते टाकून द्यावे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
