परीक्षेत आलेल्या अपयशानं खचली; विद्यार्थीनीनं आयुष्यच संपवलं, बीडमधील धक्कादायक प्रकार

बीड, 18 जून, सुरेश जाधव : जिल्ह्यातून एक धक्कादायक घटना समोर आली आहे. अभ्यास करूनही नीट परीक्षेत यश न आल्यानं, नैराश्यातून 18 वर्षीय विद्यार्थीनीने गळफास घेऊन आत्महत्या केली आहे. ही घटना बीडच्या केज तालुक्यातील  साबळा गावामध्ये घडली आहे.  दिपाली विश्वनाथ नाईकनवरे असं या आत्महत्या केलेल्या विद्यार्थीनीचं नाव आहे. या घटनेनं गावावर शोककळा पसरली आहे. हळहळ व्यक्त होत आहे. दोन वर्षांपासून तयारी  दिपाली ही एमबीबीएससाठी आवश्यक असणाऱ्या नीट परीक्षेची गेल्या दोन वर्षांपासून तयारी करत होती. तीनं त्यासाठी प्रचंड मेहनत घेतली होती. नुकताच 13 जून रोजी नीट परीक्षेचा निकाल लगाला. त्यात तिला कमी मार्क मिळाले. मेहनत घेऊनही परीक्षेत अपयश आल्यानं अखेर दिपालीनं आपलं आयुष्य संपवलं आहे.

गावावर शोककळा  दिपाली एमबीबीएससाठी नीटची तयारी करत होती. दोन वर्षांपासून तिचा अभ्यास सुरू होता. मात्र एवढी मेहनत घेऊनही परीक्षेत यश मिळालं नाही. त्यामुळे ती नाराज झाली, अखेर तीने गळफास घेऊन आत्महत्या केली. दिपालीच्या आत्महत्येमुळे गावावर शोककळा पसरली आहे. गावातून हळहळ व्यक्त केली जात आहे.

• Follow us on