सासऱ्याला बस स्थानकावर सोडण्यासाठी जात असतान ट्रकने सूनेला चिरडले, औरंगाबादेतील घटना

अविनाश कानडजे, प्रतिनिधी औरंगाबाद, 10 सप्टेंबर : औरंगाबादमधून (aurangabad) धक्कादायक बातमी समोर आली आहे. वैजापूर शहरातील नवीन भाजी मंडईसमोर भरधाव ट्रकने एका महिलला चिरडले आहे. या अपघातात महिलेचा जागीच मृत्यू झाला आहे. या घटनेमुळे परिसरात काही काळ तणावाचे वातावरण होते. औरंगाबाद जिल्ह्यातील वैजापूर शहरातील नवीन भाजी मंडईसमोर भरधाव ट्रकने एका महिलेस उडविल्याने तीचा जागीच मृत्यू झाला आहे. ही घटना आज सकाळी 8 वाजेच्या सुमारास घडली आहे. प्रतिभा राजेंद्र चौधरी (40) असे ठार झालेल्या महिलेचे नाव आहे. (अपहरण केलं अन् बेशुद्ध करण्यासाठी केला अतिप्रमाणात क्लोरोफॉर्मचा वापर, 8 वर्षांच्या मुलाचा जागीच मृत्यू) सदर महिला तिच्या सासऱ्यांना बसस्थानकावर सोडण्यासाठी स्कुटीवर जात होती. मात्र जातानाच भाजी मंडईसमोर भरधाव ट्रकने उडविल्याने झालेल्या अपघातात महिलेचा मृत्यू झाला तर सासरे किरकोळ जखमी झाले. ट्रकची धडक बसल्यामुळे महिला चाकाखाली सापडली त्यामुळे त्यांचा जागीच मृत्यू झाला. तर जखमी व्यक्तीला स्थानिकांनी त्यांना तातडीने वैजापूर उपजिल्हा रुग्णालयात उपचार सुरू आहेत. दरम्यान ट्रकचालक वैजापूर जवळील धाब्यावर ट्रक सोडून फरार झाला आहे. नागपूरमध्ये कारच्या धडकेत चौघांचा मृत्यू दरम्यान, नागपूरमधून आणखी एका भीषण अपघाताची बातमी समोर आली आहे. यात कार आणि दुचाकीच्या धडकेत चौघांचा मृत्यू झाला आहे. कार आणि दुचाकीचा हा भीषण अपघात नागपूरच्या सक्करदरा उड्डाण पुलावर झाला. हा अपघात इतका भयंकर होता की, कारच्या धडकेने दुचाकीवरुन प्रवास करत असलेले प्रवासी थेट उड्डाणपुलावरुन खाली कोसळले. या भयानक अपघातात चौघांचा जागीच मृत्यू झाला. मिळालेल्या माहितीनुसार, नागपूरमध्ये रात्री सव्वा दहा वाजेच्या सुमारास सक्करदरा फ्लायओवरवर हा अपघात झाला. (बाप्पाला निरोप देताना मोठी दुर्घटना; यवतमाळमध्ये दोन मुलांचा दुर्दैवी मृत्यू) यात अनियंत्रित चारचाकी कारने दोन दुचाकींना जबर धडक दिली. ही धडक इतकी जबर होती की दुचाकीवरील चौघे जण फ्लायओवरच्या खाली फेकले गेले. दुचाकीवरील सर्वजण सुमारे 70 ते 80 फूट उंचीवरून उड्डाणपुलावरुन खालच्या रस्त्यावर फेकले गेले. पोलिसांनी धडक देणाऱ्या चारचाकी वाहनाच्या चालकाला ताब्यात घेतलं आहे.

• Follow us on