World Malaria Day 2022: मलेरिया जीवघेणा ठरू शकतो; आयुर्वेदिक उपचार आणि अशी घ्यायला हवी काळजी

नवी दिल्ली, 25 एप्रिल : आज 'जागतिक मलेरिया दिवस 2022' आहे. डासांमुळे पसरणाऱ्या या आजाराबाबत अजूनही लोकांमध्ये जागृतीचा अभाव आहे. डास चावण्याला आजही आपण हलक्यात घेतो, परंतु मलेरियाचे काही प्रकार जीवघेणे ठरू शकतात. यासाठी 'जागतिक हिवताप दिना'च्या निमित्ताने लोकांमध्ये मलेरियाबाबत जनजागृती करण्याचा प्रयत्न केला जातो. अनेक कार्यक्रम, मोहिमा राबवल्या जातात. दरवर्षी हा दिवस साजरा करण्यासाठी एक खास थीम ठेवली जाते. या वर्षीच्या मलेरिया दिनाची थीम 'मलेरिया रोगाचा भार कमी करण्यासाठी आणि जीव वाचवण्यासाठी नवकल्पना वापरणे' (Harness Innovation to Reduce Malaria Disease Burden and Save Lives) ही आहे. मलेरिया हा अॅनोफिलीस डास चावल्यामुळे होतो. मलेरियाच्या सुरुवातीलाच डॉक्टरांकडे गेल्यास काही दिवसांत ती व्यक्ती निरोगी होऊ शकते. त्यावर अॅलोपॅथी तसेच आयुर्वेदाद्वारे उपचार केले जातात, जे मलेरियाच्या रुग्णांना जलद बरे होण्यासाठी खूप उपयुक्त ठरू शकतात. जाणून घेऊया, 'जागतिक मलेरिया दिना'च्या निमित्ताने, राष्ट्रीय अध्यक्ष, इंटिग्रेटेड मेडिकल असोसिएशन (आयुष) आणि वैद्यकीय अधीक्षक, आयुर्वेदिक पंचकर्म रुग्णालयाचे (प्रशांत विहार, उत्तर दिल्ली महानगरपालिका) डॉ. आर.पी. पाराशर यांच्याकडून मलेरियावरील काही आयुर्वेदिक उपचार आणि प्रतिबंधात्मक उपायांबद्दल. मलेरियासाठी आयुर्वेदिक उपचार मलेरिया असेल तर सप्तपर्ण, गिलॉय, हरड, दालचिनी, सुंठ, हळद आणि तुळस इत्यादी औषधे घेणे खूप प्रभावी आहे. हे सर्व मिक्स करून तुम्ही काढा बनवून मलेरियाने पीडित रुग्णाला दिवसातून तीन वेळा देऊ शकता. याशिवाय आयुष 64 नावाचे औषध, जे कोरोनाच्या काळात मोठ्या प्रमाणावर वापरले गेले आहे. मलेरियामध्येही ते फायदेशीर आहे. यात प्रामुख्याने 4 औषधी घटक आहेत - सप्तपर्ण, कुटकी, लता करंज आणि किरात तिक्त. 6 औषधांचे मिश्रण असलेले शडांगपानिया सर्व प्रकारच्या तापात वापरले जाते. त्यामुळे ताप, अस्वस्थता, वारंवार तहान लागणे यासारख्या तक्रारी तसेच विषाणू नियंत्रणात त्वरित फायदा होतो. यामध्ये मुस्ताक, परपाटक, उशीर, लाल चंदन, शौंठ, उदिच्‍या या सहा औषधांचा वापर केला जातो. मलेरिया टाळण्यासाठी उपाययोजना देशातील मलेरियाची परिस्थिती लक्षात घेऊन उपचारासोबतच काही प्रतिबंधात्मक उपायांकडे विशेष लक्ष देणे अत्यंत आवश्यक आहे. यासाठी काही प्रकारच्या गोष्टी जाळून धूर केला जातो. त्यामुळे वातावरणातील जंतू नष्ट होतात. धूर करण्यासाठी आगर, तगर, लोबान, गुग्गुल इत्यादी औषधी घटक प्रामुख्याने वापरले जातात. हे वाचा - हात भाजल्यावर अनेकजण या चुका करतात; जखम त्यामुळं लवकर बरी नाही होत याशिवाय मलेरियाच्या नियंत्रणात कडुलिंबाची सर्वात महत्त्वाची भूमिका सिद्ध होऊ शकते. या संदर्भात संशोधनाची गरज असून, त्याकडे सरकारने लक्ष द्यावे. कडुनिंबामध्ये अँटीबॅक्टेरियल आणि अँटीव्हायरल गुणधर्म तसेच अँटीफंगल गुणधर्म आहेत. अगरबत्तीसाठीही कडुलिंबाची पाने वापरता येतात. कडुलिंबाचे तेल आणि कडुलिंबाचा अर्क स्प्रे म्हणून वापरल्यास डास तर मरतीलच आणि पर्यावरणालाही हानी पोहोचणार नाही. हे वाचा - फुफ्फुसांवर थेट परिणाम करतात या 5 गोष्टी; वेळ निघून जाण्यापूर्वी काळजी घ्या मलेरिया नियंत्रणात आतापर्यंत वापरण्यात आलेली सर्व कीटकनाशके आणि औषधांमुळे डास मरतात, परंतु पर्यावरणाला हानी पोहोचते. त्यामुळे जमीन प्रदूषण, जल प्रदूषण आणि वायू प्रदूषण होतं. परंतु, कडुनिंबापासून असे कोणतेही प्रदूषण होणार नाही.