मराठी बातम्या /बातम्या /लाइफस्टाइल /

World Blood Donor Day: 14 जून जागतिक रक्तदाता दिन; रक्तदान करण्यापूर्वी प्रत्येकाला या गोष्टी माहीत असाव्यात

World Blood Donor Day: 14 जून जागतिक रक्तदाता दिन; रक्तदान करण्यापूर्वी प्रत्येकाला या गोष्टी माहीत असाव्यात

World Blood Donor Day 2022: जागतिक आरोग्य संघटना, इंटरनॅशनल फेडरेशन ऑफ रेड क्रॉस आणि रेड क्रिसेंट सोसायटीज यांच्या संयुक्त पुढाकाराने 2005 मध्ये पहिल्यांदा रक्तदाता दिन आयोजित करण्यात आला होता.

World Blood Donor Day 2022: जागतिक आरोग्य संघटना, इंटरनॅशनल फेडरेशन ऑफ रेड क्रॉस आणि रेड क्रिसेंट सोसायटीज यांच्या संयुक्त पुढाकाराने 2005 मध्ये पहिल्यांदा रक्तदाता दिन आयोजित करण्यात आला होता.

World Blood Donor Day 2022: जागतिक आरोग्य संघटना, इंटरनॅशनल फेडरेशन ऑफ रेड क्रॉस आणि रेड क्रिसेंट सोसायटीज यांच्या संयुक्त पुढाकाराने 2005 मध्ये पहिल्यांदा रक्तदाता दिन आयोजित करण्यात आला होता.

  • Published by:  News18 Desk

नवी दिल्ली, 14 जून : जागतिक आरोग्य संघटनेकडून (WHO) दरवर्षी 14 जून हा जागतिक रक्तदाता दिन म्हणून साजरा केला (World Blood Donor Day 2022) जातो. या वर्षी मेक्सिको त्यांच्या राष्ट्रीय रक्त केंद्राद्वारे जागतिक रक्तदाता दिन 2022 चे आयोजन करणार आहे. हा जागतिक कार्यक्रम 14 जून 2022 रोजी मेक्सिको सिटी येथे होणार आहे. रक्त आणि रक्त उत्पादनांचे ट्रांसफ्यूजन दरवर्षी लाखो जीव वाचवण्यास मदत करतात. रक्तदान अशा रुग्णांसाठी वरदान ठरतं, ज्यांचं जीवन एखाद्या गंभीर आजारामुळे धोक्यात आहे. योग्य वेळी रक्त मिळाल्यास अनेक लोकांचा किमती जीव वाचू शकतो.

याव्यतिरिक्त, रक्ताचा उपयोग गुतांगुतीचे आजार, जटिल वैद्यकीय शस्त्रक्रिया यामध्ये गरजेचे असते. सुरक्षित आणि पुरेशा रक्त उपलब्ध असेल प्रसूतीदरम्यान आणि नंतर गंभीर रक्तस्त्राव झाल्यामुळे मृत्यू आणि अपंगत्वाचे प्रमाण कमी करण्यासही गरजेचे असते.

जागतिक रक्तदान दिनाचे महत्व -

जागतिक रक्तदाता दिनाचे उद्दिष्ट सुरक्षित रक्त आणि रक्त उत्पादनांच्या गरजेबद्दल जागतिक जागरूकता वाढवणे हा आहे. हा दिवस ऐच्छिक रक्तदात्यांनी त्यांचे किमती रक्तदान केल्याने त्यांचे आभार मानण्याचा एक प्रसंग असतो.

जागतिक रक्तदान दिन 2022 ची थीम -

दरवर्षी जागतिक रक्तदान दिनानिमित्त वेगळी थीम ठेवली जाते. या वर्षीची थीम आहे, ”रक्तदान हे एकतेचे कार्य आहे. प्रयत्नात सामील व्हा आणि जीव वाचवा.” (Donating blood is an act of solidarity. Join the effort and save lives) म्हणजेच रक्तदान हे एकतेचे कार्य आहे. प्रयत्नात सामील होऊन आपण काही लोकांचे जीव वाचवू शकतो. समाजामध्ये ऐच्छिक रक्तदान वाढवण्यासाठी प्रयत्न करण्याची आवश्यकता आहे.

जागतिक रक्तदान दिनाचा इतिहास -

जागतिक आरोग्य संघटनेने 2005 पासून हा दिवस साजरा करण्यास सुरुवात केली. जागतिक आरोग्य संघटना, इंटरनॅशनल फेडरेशन ऑफ रेड क्रॉस आणि रेड क्रिसेंट सोसायटीज यांच्या संयुक्त पुढाकाराने 2005 मध्ये पहिल्यांदा हा कार्यक्रम आयोजित करण्यात आला होता. तेव्हापासून दरवर्षी 14 जून रोजी जागतिक रक्तदाता दिन साजरा केला जातो. हा दिवस कार्ल लँडस्टेनरच्या वाढदिवसानिमित्त साजरा केला जातो.

कार्ल लँडस्टेनर हे तेच शास्त्रज्ञ आहेत ज्यांनी जगाला रक्तगट प्रणालीची जाणीव करून दिली. कार्ल लँडस्टेनर यांना रक्तगट शोधल्याबद्दल 1930 मध्ये नोबेल पारितोषिकही मिळाले होते. लँडस्टेनर हे मानवाचे ए, बी, एबी आणि ओ या गटांमध्ये वर्गीकरण करणारे पहिले व्यक्ती होते. त्यांच्या कार्याने रक्त संक्रमणामध्ये क्रांती घडवून आणली आणि समान रक्तगटाच्या लोकांमध्ये रक्त संक्रमणाची पद्धत सुरू झाली.

हे वाचा - घरबसल्या असे बनवा तुमचे मतदान ओळखपत्र, Online च्या सर्व स्टेप जाणून घ्या

कोण रक्तदान करू शकतो -

रक्त किंवा प्लाझ्मा किंवा प्लेटलेट्स दान करताना आपले आरोग्य चांगले असले पाहिजे. स्वतः शारीरिकदृष्ट्या कमकुवत असू नये.

-शरीरात रक्ताची कमतरता नसणाऱ्यांनी करावे.

-रक्तदान करण्यासाठी तुमचे वय किमान 18 वर्षे असणे आवश्यक आहे.

- तुमचे वजन किमान 50 किलो असावे.

-तुम्हाला कोणताही गंभीर आजार किंवा रक्ताचा विकार नसावा.

कोण रक्तदान करू शकत नाही

आपण प्रतिजैविक (एंटी-बायोटिक) सारखे कोणतेही औषध घेतल्यास.

अलिकडेच अंगावर टॅटू गोंदवून घेतला असल्यास.

गोवर, कांजिण्या, शिंगल्स इत्यादी सारख्या कोणत्याही प्रकारचे लसीकरण केले असल्यास.

शारीरिकदृष्ट्या दुर्बल व्यक्ती रक्तदान करू शकत नाही.

- गंभीर आजाराने ग्रस्त व्यक्ती.

मधुमेही रुग्णांनीही टाळावे.

जर तुम्ही स्तनपान करत असाल तर रक्तदान करू नका.

18 वर्षाखालील आणि 65 वर्षांपेक्षा जास्त वयाच्या वृद्धांनी रक्तदान करू नये.

धुम्रपान, अल्कोहोलचे जास्त सेवन टाळा.

हे वाचा - Googleने बॅन केले Login-IDचोरी करणारे Apps,लगेच डिलीट करुन बदलाFacebook Password

रक्तदान करण्यापूर्वी या गोष्टी लक्षात ठेवा -

ज्या दिवशी तुम्हाला रक्तदान करायचे आहे, त्या अगोदर रात्री पुरेशी झोप घ्या.

सकस आहार घेतल्यानंतरच रक्तदान करा.

चरबीयुक्त पदार्थ, जंक फूड, आईस्क्रीम, फ्राईज, बर्गर इत्यादी खाल्ल्यानंतर रक्तदान करायला जाऊ नका.

रक्तदान करण्यापूर्वी पुरेसे पाणी प्या आणि जा.

तुम्ही एखादे औषध घेत असाल तर रक्तदान करण्यापूर्वी त्याची माहिती द्यावी.

जर तुम्हाला प्लेटलेट्स दान कराव्या लागतील आणि तुम्ही एस्पिरिन घेत असाल तर दान करण्यापूर्वी दोन दिवस आधी हे औषध घेणे थांबवा.

रक्तदानाच्या ठिकाणी टी-शर्ट किंवा सैल कपडे घालून जा, जेणेकरून शर्टची बाही सहज खाली-वर करता येईल.

First published:

Tags: Blood bank, Blood donation