काय आहे Vegan Diet करण्याचे फायदे? बॉलिवूड सेलिब्रिटींमध्येही आहे लोकप्रिय

मुंबई, 30 जून : आजच्या काळात प्रत्येकजण फिट राहण्यासाठी अनेक प्रकारचा आहार घेत आहे. वजन कमी करण्यापासून ते निरोगी शरीरापर्यंत शाकाहारी असण्याचे (Benefits Of Being Vegetarian) अनेक फायदे आहेत. व्हेगन डाएट जगभरातील सेलिब्रिटींमध्ये (Celebrities Vegan Diet) खूप लोकप्रिय आहे. जे वजन कमी (Weight Loss) करण्यासाठी आणि ते टिकवण्यासाठी प्रत्येकजण फॉलो करत आहे. तंदुरुस्त आणि निरोगी शरीरासाठी व्हेगन डाएट (Vegan Diet) हा एक चांगला पर्याय आहे. या डाएटमध्ये मांस, अंडी, दुग्धजन्य पदार्थ आणि इतर कोणत्याही प्राण्यांच्या उत्पादनांचा समावेश होत नाही आणि या आहाराचा भाग शुद्ध शाकाहारी वनस्पती-आधारित उत्पादने आहेत. व्हेगन डाएटचे पालन केल्याने तुमचे वजन तर नियंत्रित राहीलच. शिवाय निसर्गाच्या विकासातही तुम्ही महत्त्वाची भूमिका बजावू शकाल. तज्ज्ञांच्या मते, वनस्पती-आधारित आहाराचा (Plant-Based Diet) वापर करून अनेक प्रकारचे आजार टाळले जाऊ शकतात. ज्यामध्ये कर्करोग, मधुमेह आणि हृदयविकाराचाही समावेश असू शकतो. योग्य व्हेगन डाएट म्हणजे काय ते जाणून घेऊया. व्हेगन डाएट आहे उत्तम पर्याय हेल्थलाइनच्या मते, व्हेगन डाएट म्हणजे शाकाहारी असणे, म्हणजेच फक्त शाकाहारी पदार्थ खाणे. शाकाहारी आहारात हिरव्या भाज्यांसह फळे आणि काजू यांचा समावेश होतो. मांसाहारी आहारापेक्षा शाकाहारी आहार अधिक चांगला सिद्ध होऊ शकतो कारण मांसाहारी आहारामध्ये प्रोटीन जास्त असतात आणि फायबरचे प्रमाण कमी असते. अशा परिस्थितीत ते टाकाऊ पदार्थ असतात जे शरीरात दीर्घकाळ टिकून राहतात. दुसरीकडे, शाकाहारी आहारात भरपूर फायबर असते. ज्यामुळे पचनक्रिया सुधारते आणि टाकाऊ पदार्थ कमी असतात. त्यामुळे शरीरात चरबी जमा होत नाही आणि तुम्ही पूर्णपणे निरोगी आणि तंदुरुस्त राहता.

Potato for health : बटाटा खाल्ल्यानं वजन वाढतंच असं नाही; या हेल्दी पद्धतीनं खाण्याचे आहेत फाय

व्हेगन डायटचे आहेत 3 प्रकार संपूर्ण अन्न व्हेगन डाएट - संपूर्ण अन्न आहारामध्ये संपूर्ण धान्य, फळे, भाज्या, नट आणि विविध प्रकारच्या बियांचा समावेश होतो. रॉ फूड व्हेगन डाएट - कच्च्या अन्नाचा आहार म्हणजे फळे, कच्च्या भाज्या, नट, बिया इत्यादींचा समावेश आहे. स्टार्च सोल्यूशन व्हेगन डाएट - स्टार्च आहारामध्ये कमी चरबीयुक्त आणि उच्च कार्बनयुक्त शाकाहारी खाद्यपदार्थांचा समावेश असतो. ज्यामध्ये फळांऐवजी बटाटे, तांदूळ आणि कॉर्न जास्त प्रमाणात वापरले जाते.

Hand Care : भाजी चिरल्यामुळे रुक्ष-खडबडीत झालेत हात? या टिप्स वापरून बनवा मऊ आणि सुंद

व्हेगन डायटचे फायदे - व्हेगन डाएटमध्ये कॉम्प्लेक्स कार्बोहायड्रेट्सचे प्रमाण जास्त असते. त्यामुळे ब्लड प्रेशर नियंत्रणात राहतो. या आहारात अशा कोणत्याही पदार्थाचा समावेश नाही ज्यामुळे रक्तातील साखरेची पातळी वाढते. - शाकाहारी आहारात फळे, भाज्या आणि काजू भरपूर प्रमाणात असतात. त्यामुळे अँटी-ऑक्सिडंट्स आणि ओमेगा ३ चे प्रमाण मुबलक असते. व्हेगन डायटचे पालन केल्याने नैराश्य आणि चिंताची समस्या दूर राहते. - या आहारामध्ये प्रोटीन आणि लोह भरपूर प्रमाणात असते. ज्यामुळे शरीरातील उर्जेची पातळी उच्च राहते आणि थकवा जाणवत नाही. त्याचबरोबर शरीर डिटॉक्सदेखील होते. - वजन कमी करण्यासाठी हा आहार सर्वोत्तम असल्याचे सांगितले जाते. ज्यामुळे शरीराला कॅलरीज मिळतात पण फॅट जमा होत नाही. निरोगी पद्धतीने वजन कमी करण्यासाठी व्हेगन डाएट प्रभावी आहे.