KK ला मृत्यूपूर्वी जाणवली होती लक्षणं? Heart attack येण्यापूर्वी शरीरात असे बदल जाणवतात

नवी दिल्ली, 01 जून : हृदयविकार (Heart Disease) हा गंभीर स्वरुपाचा आजार मानला जातो. हृदयविकार होण्यामागे चुकीची जीवनशैली, योग्य आहाराचा अभाव, ताण-तणाव, लठ्ठपणा आदी कारणं सांगितली जातात. जगभरात दरवर्षी हृदयविकाराच्या झटक्यानं (Heart Attack) अनेक लोकांचा मृत्यू होतो. प्रसिद्ध गायक केके यांचाही हृदयविकाराच्या झटक्याने मृत्यू झाल्याचा दावा अनेक अहवालांमध्ये करण्यात आला आहे. त्यांच्या जाण्याने संगीत क्षेत्रासह त्यांचे चाहते आणि सर्वजणच दु:खी होऊन त्यांना शेवटचा सलाम करत आहेत. जाणून घेण्याचा प्रयत्न करूया हृदयविकाराचा झटका का येतो आणि तो टाळण्याचा उपाय काय आहे. सर्वसामान्यपणे वृद्ध व्यक्तींमध्ये दिसणारा हा विकार अलीकडच्या काळात तरुणांमध्येही दिसून येत आहे. हृदयविकाराचा झटका अर्थात हार्ट अ‍ॅटॅक येऊ नये, यासाठी आहारात बदल, पुरेसा व्यायाम, ताण-तणावाचं व्यवस्थापन आणि गरजेनुसार औषधोपचार आदी उपाय केले जातात. हार्ट अ‍ॅटॅक येण्यापूर्वी काही लक्षणं (Heart attack Symptoms) दिसू लागतात. ती वेळीच ओळखली तर धोका टाळता येतो. हार्ट अटॅक येण्याअगोदर बहुतांश अशी लक्षणं दिसतात - छातीत दुखणे, दाब आणि अस्वस्थता या गोष्टी काहीवेळा हृदयविकाराच्या झटक्यामध्ये तीव्र स्वरुपात जाणवतात, या लक्षणांना आपण ओळखू शकतो. काहींच्या छातीच्या मध्यभागी फक्त थोडी वेदना किंवा अस्वस्थता जाणवते. यामुळे तुम्हाला थोडासा दबाव आणि अस्वस्थता देखील जाणवू शकते. जेव्हा ही लक्षणे दिसतात तेव्हा आपण त्याकडे दुर्लक्ष करतो, जी नंतर धोकादायक बनतात. हे वाचा -  Type 2 Diabetes असेल तर या 4 प्रकारची हिरवी पानं चावून खा; दिसेल चांगला परिणाम जर तुम्हाला श्वास घेण्यास त्रास होत असेल किंवा अचानक चक्कर येत असेल तर याकडे दुर्लक्ष करू नये. तुम्हाला छातीत दुखण्यासोबत किंवा त्याशिवाय श्वासोच्छवासाचा त्रास होऊ शकतो आणि हे हृदयविकाराचे सामान्य लक्षण आहे. तुम्हाला चक्कर येऊ शकते किंवा तुम्ही बेशुद्ध होऊ शकता. थंड घाम येणं, मळमळणे ही देखील हृदयविकाराच्या झटक्याची लक्षणे असू शकतात. तुम्हाला कधीही कोणत्याही प्रकारे अस्वस्थ वाटत असल्यास हृदयविकाराचा झटका टाळण्याचा सर्वांत चांगला मार्ग म्हणजे तुमच्या हृदयाची तपासणी करणे. हे वाचा -  विवाहित पुरुषांनी यासाठी मनुके खायला हवेत; आरोग्याला असा होतो फायदा हृदयविकाराच्या झटक्याची लक्षणे लवकर ध्यानात आल्यास अनेकांचे प्राण वाचू शकतात. सुरुवातीच्या लक्षणांमध्ये अस्वस्थ वाटणं, छातीत अस्वस्थता, छातीत जडपणा, छातीत दुखणे, घाम फुटणे, धाप लागणे यांचा समावेश होतो. याशिवाय काहींना अॅसिडीटी किंवा ढेकर येण्याचा प्रकारही होतो. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)

• Follow us on