SEXUAL Wellness : देशातील वाढत्या बलात्कारांना थांबवायचं असेल तर काय आहे उपाय?

प्रश्न : आम्ही अमानुष बलात्काराच्या घटनांच्या बातम्या वाचत असतो. पण आपल्या देशात या गुन्ह्याचे प्रमाण कसे कमी करता येईल यावर कुणी विचार करतंय असे आमच्या ऐकण्यात नाही. आपल्या देशातील बलात्काराच्या घटनांचे प्रमाण कसे कमी करता येईल, याबाबत आम्ही तुमचे विचार जाणून घेऊ इच्छितो.

उत्तर :  मला तुमच्या प्रश्नापेक्षा त्याआधीच्या निवेदनाचं आश्चर्य वाटलं. मी प्रामाणिकपणे हे आधी नमूद करू इच्छिते की  या विषयाबद्दल आपलं ज्ञान वाढवावं आणि या विषयाचं अधिकाधिक वाचन व्हावं. हे खरं आहे की लिंग आधारित हिंसाचार वाढत आहे आणि या हिंसाचाराच्या घटनांविषयी बातम्याही प्रसिद्ध होत आहेत. तसंच हा गुन्हा कसा रोखायचा याविषयी लोकांमध्ये बऱ्याचदा वादविवाद होताना दिसतात. वृत्तपत्रं, ऑनलाईन प्लॅटफॉर्मस, न्यूज चॅनेल्स आणि अनैपचारिक चर्चांमध्ये देखील बलात्कार कसे रोखायचे यावर वादविवाद होताना दिसतात. त्यामुळे या विषयावर चर्चाच होत नाही, हे तुमचं म्हणणं काही बरोबर नाही. जर तुम्ही या चर्चा ऐकल्या नसतील तर तुम्ही अधिक सजगपणे माध्यमं पाहावीत असं म्हणेन.

हा एक असा काॅलम आहे की जेथे वैयक्तिक लैंगिक सुख आणि आरोग्यपूर्ण शरीरसंबंध याबाबत चर्चा केली जाते. त्यामुळे अशा गंभीर गुन्ह्याविषयी वादासाठी हा मंच योग्य नाही. या मुद्द्यावर अधिक व्यापक आणि गांभीर्याने चर्चा होऊ शकते. लिंग आधारित हिंसाचारासंदर्भात केवळ न्याय, गुन्हेगारी, दंडात्मक/सुधारणात्मक क्रियांना अतिरिक्त संवादाची आवश्यकता नसते. सामाजिक नियम, नैतिक मुल्ये, वैयक्तिक आणि सामुहिक मानसशास्त्र यावर देखील चर्चा होणे आवश्यक आहे. कारण आपला समाज पुराणमतवादी आणि पुरुषप्रधान आहे. आपल्या समाजात कोणतिही अशी जादूची कांडी नाही की जी फिरवल्यास लिंग आधारित हिंसा पूर्णपणे थांबेल. तसेच 450 शब्दांचे वैचारिक भाष्य लिहून कोणीही या समस्येचे निराकरण करु शकत नाही.बलात्कार हे केवळ कारण बलात्कार करणाऱ्याच्या मनात अशी दोन किंवा तीन कारणे आहेत की जी सहजासहजी दूर करता येतात किंवा आपल्या पित्तृसत्ताक समाजाच्या सामूहिक मनोवृत्तीमुळे होतात. अनेक बाजू असणारा लिंग आधारित हिंसाचार संपवण्यासाठी अनेक गोष्टींमध्ये महत्वपूर्ण बदल आणि कार्यवाही करण्याची आवश्यकता आहे. अंतरंग आणि लैंगिक शिक्षणाचे जाणकार आणि सल्लागार म्हणून आम्ही संमतीच्या बळावर यावर अधिक जोर देऊ शकतो. मात्र यासाठी संमती महत्वाची आहे. कितीही सामान्य वाटले तरी प्रत्येक नाही ला गांभिर्याने घेणे आवश्यक आहे. आपल्यात संमतीची संस्कृती वाढू देणे गरजेचे आहे. दुसऱ्याची सीमा, आवड-निवड याचा आदर करणे शिकले पाहिजे. कोणाचा होकार मिळवताच त्यावर गर्व वाटला पाहिजे. जरी तुम्ही एकमेकांना बऱ्याच वर्षांपासून ओळखत असाल, जरी तुमच्या लग्नाला बरेच वर्ष झाले असतील तरी प्रत्येक वेळी आपण काहीही करता तेव्हा आपल्या जोडीदाराच्या तोंडून आपण काहीतरी करु हे ऐकण्याव्यतरिक्त काहीही रोमॅंटिक असू शकत नाही. नकार कसा सहन करायचा हे तुम्ही शिकले पाहिजे.

अवश्य वाचा -  'लग्नाआधी लैंगिक संबंध ठेवल्यास त्याचा वैवाहिक आयुष्यावर परिणाम होऊ शकतो का?'

आपण माणूस असून आपली आवड, लैंगिकविषय आवडी तसेच अन्य गोष्टींसह जगण्याचा प्रत्येकाला अधिकार आहे, हे आपण समजून घेतले पाहिजे. मुक्त आणि प्रामाणिक संवादात एकमेकांविषयी आदर असतो. आपल्या नात्याच्या पायासाठी संमतीची एक निरोगी संस्कृती आवश्यक असते. हे साध्य करण्यासाठी सर्व माणसांनी त्यांची लैंगिक ओळख विचारात न घेता ते काहीही असले तरी आपण त्यांच्यासाठी आपल्याला वाटते तितकेच आदराने वागले पाहिजे.