Ragi for Weight Loss: शरीरात चरबी वाढणारच नाही, नाचणी खाण्याचा आरोग्याला असा होतो फायदा

नवी दिल्ली, 30 मे : तुम्ही वजन कमी करण्याचा विचार करत असाल तर नाचणीचा आहारात नक्की समावेश करा. वास्तविक, नाचणी हे असे धान्य आहे ज्यामध्ये प्रथिने, अमीनो ऍसिड आणि फायबर मोठ्या प्रमाणात आढळतात, ज्यामुळे चयापचय वाढते. यामध्ये असलेले फायबर पोट दीर्घकाळ भरलेले ठेवते, त्यामुळे आपल्याला सारखी भूक लागत नाही, त्यामुळे आपली अन्नाची लालसा टाळली जाते. इतकेच नाही तर नाचणीमध्ये कॅलरीज देखील खूप कमी असतात, वजन कमी ठेवण्यासाठी खूप महत्त्वाचे आहे. त्यामुळे रोजच्या आहारात नाचणीचा समावेश केल्यास आरोग्य चांगले राहील आणि दिवसभर भूक कमी लागेल. या गुणधर्मांमुळे शरीरातील चरबी कमी करण्यासाठी नाचणीचा वापर खूप फायदेशीर (Ragi for Weight Loss) मानला जातो. वजन कमी करण्यासाठी या प्रकारे नाचणीचे खा - मेडइंडियाच्या माहितीनुसार, कोणी वजन कमी करण्याच्या प्रयत्नात असेल तर दिवसाची सुरुवात नाचणीने करणे चांगले. यासाठी नाचणीपासून बनवलेली खिचडी, नाचणी इडली, नाचणी डोसा सकाळच्या नाश्त्यात बनवू शकता. यामुळे केवळ तुमचे वजन नियंत्रणात राहत नाही तर आरोग्यासाठीही खूप फायदेशीर आहे. याशिवाय रात्री नाचणीची रोटी खाल्ल्यासही फायदा होतो. तुम्हाला हवे असल्यास नाचणीचा उपमा, नाचणीचे लाडू वगैरे खाऊ शकता. नाचणीपासून बनवा चविष्ट पेय - 1 चमचा नाचणीचे पीठ एक कप पाण्यात मिसळा आणि उकळी आणा. आता ते थंड करून त्यात ताक मिसळा. कोथिंबीर, चिरलेली हिरवी मिरची, भाजलेले जिरे आणि काळे मीठ एकत्र करून प्या. हे वाचा -  जर अशी लक्षणं दिसत नसतील तर नॉर्मल नाहीये तुमची मासिक पाळी! नाचणीचे फायदे - नाचणी रोगप्रतिकारक शक्ती मजबूत करते. अॅनिमिया म्हणजे रक्ताची कमतरता दूर होते. - हाडे मजबूत होतात. - वजन नियंत्रणात राहतं. - बद्धकोष्ठतेची समस्या कमी होते. - पचनशक्ती वाढते. हे वाचा -  रक्तातील वाढलेलं Uric Acid लगेच कमी होईल; चमत्कारिक आहेत ही साधी वाटणारी 3 पाने - साखरेची पातळी नियंत्रणात राहते. - यामध्ये लाइसिन नावाचे तत्व असते ज्यामुळे त्वचा घट्ट होते. - नाचणीमध्ये असलेले प्रोटीन वजन कमी करते. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)

• Follow us on