Alcohol And Cholesterol : खरंच दारूमुळे कंट्रोलमध्ये राहतं का कोलेस्टेरॉल; याचा काय आहे संबंध?

मुंबई, 23 ऑगस्ट : कोलेस्ट्रॉलची वाढती पातळी नियंत्रित करण्यासाठी लोक वेगवेगळ्या पद्धती वापरतात. काही लोक त्यांच्या आहारात बदल करतात, तर बरेच लोक शारीरिक हालचालींद्वारे कोलेस्ट्रॉलची पातळी राखण्याचा प्रयत्न करतात. कोलेस्टेरॉलबाबतही लोकांमध्ये गैरसमज आहेत. दारू पिऊन कोलेस्टेरॉलची पातळी नियंत्रित ठेवता येते असे मानले जाते. अशा परिस्थितीत कोलेस्टेरॉलच्या समस्येपासून खरोखरच दारूच्या सेवनाने सुटका होऊ शकेल का? असा प्रश्न उपस्थित होतो. आज आम्ही तुम्हाला सांगणार आहोत की अल्कोहोल आणि कोलेस्ट्रॉलचा काय संबंध आहे आणि लोकांनी कोणती खबरदारी घेणे आवश्यक आहे. अल्कोहोल आणि कोलेस्टेरॉलचा संबंध हेल्थलाइनच्या अहवालानुसार, अल्कोहोल आणि आरोग्य यांच्यातील संबंध समजणे खूप कठीण आहे. तुम्ही कधी आणि किती अल्कोहोल घेत आहात यावरही ते अवलंबून आहे. अल्कोहोलचे कमी प्रमाणात सेवन करणे फारसे हानिकारक नाही, परंतु जास्त प्रमाणात सेवन केल्याने कर्करोग, लिव्हरचे आजार आणि हृदयविकाराचा धोका वाढतो. अल्कोहोल कमी प्रमाणात घेतल्याने शरीरातील चांगले कोलेस्ट्रॉल सुधारते आणि खराब कोलेस्ट्रॉल नियंत्रणात राहते असे अनेक अभ्यासातून समोर आले आहे. मात्र हे तुमचे कोलेस्टेरॉलचे स्तर काय आहे आणि तुम्ही किती अल्कोहोल घेत आहात यावरदेखील अवलंबून आहे. ते औषध म्हणून वापरले जाऊ शकत नाही.

अल्कोहोलचे अतिसेवन हृदयासाठी आहे धोकादायक अल्कोहोलच्या अतिसेवनाने हृदयविकाराचा धोका वाढतो. यामुळे खराब कोलेस्ट्रॉल, ट्रायग्लिसराइड्स आणि रक्तदाब यासह अनेक समस्या उद्भवतात. अल्कोहोलच्या सेवनाने कंबरेवर चरबी जमा होऊ शकते, ज्यामुळे हृदयविकाराचा धोका वाढतो. जास्त मद्यपान केल्याने हृदयविकाराचा धोका वाढतो आणि हृदयविकाराशी संबंधित त्रासामुळे मृत्यू होतो. त्यामुळे दारूचे सेवन न करण्याचा प्रयत्न केला पाहिजे.

कोलेस्ट्रॉल कसे नियंत्रित करावे - फळे, भाज्या, दलिया, अक्रोड आणि फ्लेक्स बियांचा आहारात समावेश करा. - दररोज वेगाने चालणे, सायकल चालवणे, धावणे किंवा इतर शारीरिक हालचाली करा. - जर तुम्हाला कोलेस्ट्रॉल नियंत्रणात आणायचे असेल आणि आजारांपासून बचाव करायचा असेल तर धूम्रपान सोडा. - लठ्ठपणामुळे कोलेस्टेरॉलही वाढू शकते. त्यामुळे तुमचे वजन नियंत्रणात ठेवा.

• Follow us on